ಚಂದ್ರಯಾನ-3 ವಿಜ್ಞಾನಿಗಳ ದುಬಾರಿ ಕಾರುಗಳು: ರಾಜಕಾರಣಿಗಳಿಗೇ ಇದ್ದಾಗ ಇವರ ಬಳಿ ಇರಬಾರದೇ?

ಚಂದ್ರಯಾನ-3 ಭಾರತಕ್ಕೆ ಹೆಮ್ಮೆ ತಂದಿದೆ, ಇನ್ನು ಹಲವು ಯೋಜನೆಗಳನ್ನು ಹೊಂದಿರುವ ಇಸ್ರೋ ಅವುಗಳನ್ನು ಯಶಸ್ವಿಯಾಗಿಸಲು ಸದ್ಯ ಪ್ರಯೋಗಗಳನ್ನು ಮುಂದುವರಿಸಿದೆ. ಇದನ್ನು ಸಾಧ್ಯವಾಗಿಸಿದ ವಿಜ್ಞಾನಿಗಳ ಬಗ್ಗೆ ವಿಶ್ವದೇಶಗಳಲ್ಲಿ ಈಗ ಗೌರವ ಹೆಚ್ಚಾಗಿದೆ. ಇಂತಹ ಸಮರ್ಥ ವಿಜ್ಞಾನಿಗಳು ಬಳಸುತ್ತಿರುವ ಕಾರುಗಳ ಬಗ್ಗೆ ಒಂದಷ್ಟು ಮಾಹಿತಿ ಇಲ್ಲಿದೆ.

ಎಸ್ ಸೋಮನಾಥ್-ಟೊಯೋಟಾ ಇನ್ನೋವಾ ಕ್ರಿಸ್ಟಾ: ಶ್ರೀಧರ ಪಣಿಕ್ಕರ್ ಸೋಮನಾಥ್ ಅವರು ಪ್ರಸ್ತುತ ಇಸ್ರೋ ಅಧ್ಯಕ್ಷರಾಗಿದ್ದಾರೆ. ವಿದ್ಯಾರ್ಹತೆಯಲ್ಲಿ ಅವರು ಏರೋಸ್ಪೇಸ್ ಎಂಜಿನಿಯರ್. ಇವರ ನೇರ ನಾಯಕತ್ವದಲ್ಲಿ ಭಾರತವು ಚಂದ್ರನ ಪರಿಶೋಧನಾ ಕಾರ್ಯಾಚರಣೆಯನ್ನು ಯಶಸ್ವಿಯಾಗಿ ನಿರ್ವಹಿಸಲು ಸಾಧ್ಯವಾಯಿತು. ಇವರು ಉಡಾವಣಾ ವಾಹನ ವಿನ್ಯಾಸ, ರಚನಾತ್ಮಕ ವಿನ್ಯಾಸ, ರಚನಾತ್ಮಕ ಡೈನಾಮಿಕ್ಸ್ ಮತ್ತು ಪೈರೋಟೆಕ್ನಿಕ್ಸ್‌ಗೆ ನೀಡಿದ ಕೊಡುಗೆಗಳಿಗೆ ಹೆಸರುವಾಸಿಯಾಗಿದ್ದಾರೆ.

ಇವರು ಟೊಯೋಟಾ ಇನ್ನೋವಾ ಕ್ರಿಸ್ಟಾದಲ್ಲಿ ಆಗಾಗ್ಗೆ ಕಾಣಿಸಿಕೊಂಡಿದ್ದಾರೆ. ಇನ್ನೋವಾ ಕ್ರಿಸ್ಟಾ 2.4-ಲೀಟರ್ ಪೆಟ್ರೋಲ್ ಮತ್ತು 2.7-ಲೀಟರ್ ಡೀಸೆಲ್ ಎರಡು ಎಂಜಿನ್‌ ಆಯ್ಕೆಗಳನ್ನು ಹೊಂದಿದೆ. ಪೆಟ್ರೋಲ್ 166 hp ಪವರ್ ಮತ್ತು 245 Nm ಟಾರ್ಕ್ ನೀಡಿದ್ರೆ ಡೀಸೆಲ್ 150 hp ಪವರ್ ಮತ್ತು 360 Nm ಟಾರ್ಕ್ ಹೊರಹಾಕುತ್ತದೆ. Innova Crysta ಬೆಲೆಯು 19.99 ಲಕ್ಷದಿಂದ 26.05 ಲಕ್ಷದವರೆಗೆ (ಎಕ್ಸ್ ಶೋರೂಂ) ಇದೆ.

ಕೈಲಾಸವದಿವು ಶಿವನ್- BMW 320d : ಕೆ ಶಿವನ್ ಇಸ್ರೋ (ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ) ಮಾಜಿ ಅಧ್ಯಕ್ಷರು. ಇಲಾಖೆಯ ಕಾರ್ಯದರ್ಶಿಯಾಗಿಯೂ ಸೇವೆ ಸಲ್ಲಿಸಿದ್ದರು. ಅದಕ್ಕೂ ಮೊದಲು ಅವರು ವಿಕ್ರಮ್ ಸಾರಾಭಾಯ್ ಬಾಹ್ಯಾಕಾಶ ಕೇಂದ್ರ ಮತ್ತು ಲಿಕ್ವಿಡ್ ಪ್ರೊಪಲ್ಷನ್ ಸಿಸ್ಟಮ್ಸ್ ಸೆಂಟರ್‌ನ ನಿರ್ದೇಶಕರಾಗಿದ್ದರು. ಅವರ ಮಾರ್ಗದರ್ಶನ ಮತ್ತು ಪರಿಣತಿಯ ಅಡಿಯಲ್ಲಿ ಭಾರತವು ಚಂದ್ರಯಾನ-3 ಅನ್ನು ಚಂದ್ರನ ದಕ್ಷಿಣ ಧ್ರುವದಲ್ಲಿ ಇಳಿಸಲು ಸಾಧ್ಯವಾಯಿತು.

ಇವರು BMW 320d ಅನ್ನು ಹೊಂದಿದ್ದಾರೆ. ಇದು 2.0-ಲೀಟರ್ 4-ಸಿಲಿಂಡರ್ ಟರ್ಬೊ ಡೀಸೆಲ್ ಎಂಜಿನ್ ಹೊಂದಿದೆ. 190 hp ಪವರ್ ಮತ್ತು 400 Nm ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಸ್ಪೋರ್ಟಿ 8-ಸ್ಪೀಡ್ ಅಟೋಮ್ಯಟಿಕ್ ಗೇರ್‌ಬಾಕ್ಸ್ ಹೊಂದಿದೆ. ಇದರ ಬೆಲೆ ಸುಮಾರು 50 ಲಕ್ಷ ರೂ. (ಎಕ್ಸ್ ಶೋ ರೂಂ) ಇದೆ.

ರಿತು ಕರಿದಾಲ್ ಶ್ರೀವಾಸ್ತವ್ - ಮಾರುತಿ ಸಿಯಾಜ್: ಭಾರತದ "ರಾಕೆಟ್ ವುಮನ್" ಎಂದು ಸಾಮಾನ್ಯವಾಗಿ ಉಲ್ಲೇಖಿಸಲ್ಪಡುವ ರಿತು ಕರಿದಾಲ್ ಶ್ರೀವಾಸ್ತವ ಅವರು ಚಂದ್ರಯಾನ 3 ಮಿಷನ್‌ನಲ್ಲಿ ಹಿರಿಯ ವಿಜ್ಞಾನಿಯಾಗಿದ್ದರು. ಏರೋಸ್ಪೇಸ್ ಇಂಜಿನಿಯರ್ ಕೂಡ ಆಗಿದ್ದಾರೆ. ಇವರ ಗ್ಯಾರೇಜ್‌ನಲ್ಲಿ ಮಾರುತಿ ಸಿಯಾಜ್ ಇದ್ದು, ಇದು ಅವರ ವೈಯಕ್ತಿಕ ವಾಹನವೆ ಅಥವಾ ಅಧಿಕೃತ ವಾಹನವೆ ಎಂಬುದರ ಬಗ್ಗೆ ಖಚಿತ ಮಾಹಿತಿಯಿಲ್ಲ.

ಇದರ 1.5-ಲೀಟರ್ ಪೆಟ್ರೋಲ್ ಎಂಜಿನ್‌ 103 hp ಪವರ್ ಮತ್ತು 138 Nm ಗರಿಷ್ಠ ಟಾರ್ಕ್ ಹೊರಹಾಕುತ್ತದೆ. ಆದ್ಯತೆಗೆ ಅನುಗುಣವಾಗಿ 5-ಸ್ಪೀಡ್ ಮ್ಯಾನುವಲ್ ಅಥವಾ 4-ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ನೊಂದಿಗೆ ಆಯ್ಕೆ ಮಾಡಬಹುದು. ಇದರ ಬೆಲಯು ರೂ. 9.30 ಲಕ್ಷದಿಂದ ಪ್ರಾರಂಭವಾಗಿ ರೂ. 12.29 ಲಕ್ಷದವರೆಗೆ (ಎಕ್ಸ್ ಶೋ ರೂಂ) ಇದೆ.

ಪಿ ವೀರಮುತ್ತುವೇಲ್ - ಮಾರುತಿ ಸಿಯಾಜ್: ಪಿ ವೀರಮುತ್ತುವೆಲ್ ಅವರು ಚಂದ್ರಯಾನ-3ನ ಯೋಜನಾ ನಿರ್ದೇಶಕರಾಗಿದ್ದಾರೆ. ಇವರು ಏರೋಸ್ಪೇಸ್ ಇಂಜಿನಿಯರ್ ಕೂಡ ಆಗಿದ್ದಾರೆ. ಇಸ್ರೋದ ಮುಖ್ಯ ಕಚೇರಿಯ ಬಾಹ್ಯಾಕಾಶ ಮೂಲಸೌಕರ್ಯ ಕಾರ್ಯಕ್ರಮದ ಉಪ ನಿರ್ದೇಶಕರಾಗಿ ಸೇವೆ ಸಲ್ಲಿಸಿದ್ದಾರೆ. ಹಾಗೆಯೇ ಯೋಜನೆಯ ಅಭಿವೃದ್ಧಿ ಮತ್ತು ಅನುಷ್ಠಾನದ ಪ್ರತಿಯೊಂದು ಅಂಶವನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದ್ದರು. ಇವರ ಬಳಿಯು ಮಾರುತಿ ಸಿಯಾಜ್ ಇದೆ.

ಮುತ್ತಯ್ಯ ವನಿತಾ - ಮಹೀಂದ್ರ KUV100: ಚಂದ್ರನ ಕಾರ್ಯಾಚರಣೆಯಲ್ಲಿ ಮತ್ತೊಬ್ಬ ಪ್ರಮುಖ ಸದಸ್ಯೆ ಮುತ್ತಯ್ಯ ವನಿತಾ. ಇವರು ಎಲೆಕ್ಟ್ರಾನಿಕ್ಸ್ ಸಿಸ್ಟಮ್ ಇಂಜಿನಿಯರ್. ಇಸ್ರೋದಲ್ಲಿ ಅನೇಕ ಭಾರತೀಯ ಉಪಗ್ರಹ ಯೋಜನೆಗಳನ್ನು ಮುನ್ನಡೆಸಿದ್ದಾರೆ. ವಾಸ್ತವವಾಗಿ, ಅವರು ಚಂದ್ರಯಾನ 2 ಚಂದ್ರನ ಮಿಷನ್‌ನ ಯೋಜನಾ ನಿರ್ದೇಶಕರಾಗಿದ್ದರು. ಚಂದ್ರಯಾನ 3 ಮಿಷನ್‌ಗೆ, ಅವರು ಉಪ ನಿರ್ದೇಶಕರಾಗಿದ್ದರು.

ವನಿತಾ ಅವರು ಸಾಮಾನ್ಯ ಮಹೀಂದ್ರಾ KUV100 ಅನ್ನು ಹೊಂದಿದ್ದಾರೆ. ಇದರ 1.2-ಲೀಟರ್ 3-ಸಿಲಿಂಡರ್ ಪೆಟ್ರೋಲ್ ಎಂಜಿನ್‌ 82 hp ಪವರ್ ಮತ್ತು 115 Nm ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. 5-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್‌ ಹೊಂದಿದೆ. ಬೆಲೆಗಳು ರೂ. 6.18 ಲಕ್ಷದಿಂದ ರೂ. 7.84 ಲಕ್ಷ, (ಎಕ್ಸ್-ಶೋರೂಂ).