ಸೇವೆ ನೀಡಲು ವಿಫಲವಾದ ಕಾರು ಕಂಪನಿಗೆ ಭಾರೀ ಪ್ರಮಾಣದ ದಂಡ ವಿಧಿಸಿದ ಗ್ರಾಹಕ ನ್ಯಾಯಾಲಯ

ತಾವು ಖರೀದಿಸಿದ ಸ್ಕೋಡಾ ಕಾರು ಸತತವಾಗಿ ತೊಂದರೆಯನ್ನು ಅನುಭವಿಸಿದರೂ ಕಂಪನಿಯು ಸರಿಪಡಿಸದೇ ಇದ್ದ ಕಾರಣಕ್ಕೆ ಗ್ರಾಹಕರೊಬ್ಬರು ಜಿಲ್ಲಾ ಗ್ರಾಹಕ ನ್ಯಾಯಾಲಯದ ಮೊರೆ ಹೋಗಿದ್ದರು. ಪಾಲ್ಘರ್ ನಿವಾಸಿ ಧನೇಶ್ ಮೋಥೆ ಎಂಬುವವರು 2014ರಲ್ಲಿ ಜೆಎಂಡಿ ಆಟೋದಿಂದ ರೂ.8 ಲಕ್ಷ ಮೌಲ್ಯದ ಕಾರನ್ನು ಖರೀದಿಸಿದ್ದರು. ಕಾರು ಖರೀದಿಸಿದ ಕೆಲವು ದಿನಗಳಲ್ಲಿ ಬ್ರೇಕ್, ಪವರ್ ವಿಂಡೋಸ್, ಸಸ್ಪೆಂಷನ್ ಹಾಗೂ ಎಂಜಿನ್‌ಗಳಲ್ಲಿ ಸಮಸ್ಯೆಗಳು ಕಂಡು ಬಂದವು.

ಧನೇಶ್ ಮೋಥೆ ಈ ಸಮಸ್ಯೆಯನ್ನು ಮಾರಾಟಗಾರರ ಗಮನಕ್ಕೆ ತಂದರೂ ಅವರು ತೊಂದರೆಯನ್ನು ಸರಿಪಡಿಸಲಿಲ್ಲ. ನಂತರ ಈ ಬಗ್ಗೆ ಅವರು ಸ್ಕೋಡಾ ಕಂಪನಿಗೆ ದೂರು ನೀಡಿದ್ದರು. ಸ್ಕೋಡಾ ಕಂಪನಿಯಿಂದಲೂ ಯಾವುದೇ ನೆರವು ದೊರೆಯಲಿಲ್ಲ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಮಾರಾಟಗಾರರಿಂದ ಹಾಗೂ ಕಂಪನಿಯಿಂದ ಯಾವುದೇ ನೆರವು ದೊರೆಯದ ಕಾರಣ ಧನೇಶ್ ಮೋಥೆ ಥಾಣೆಯ ಜಿಲ್ಲಾ ಗ್ರಾಹಕ ನ್ಯಾಯಾಲಯಕ್ಕೆ ದೂರು ನೀಡಿದ್ದರು. ನ್ಯಾಯಾಲಯವು ಈ ದೂರಿನ ಕುರಿತು ವಿಚಾರಣೆಯನ್ನು ಆರಂಭಿಸಿತು.

ಗ್ರಾಹಕ ನ್ಯಾಯಾಲಯದಲ್ಲಿ ನಡೆದ ವಿಚಾರಣೆ ವೇಳೆಯಲ್ಲಿ ಕಾರು ಮಾರಾಟಗಾರರು ಹಾಗೂ ಕಂಪನಿ ಕಾರಿನ ಸಮಸ್ಯೆಗಳನ್ನು ಪರಿಹರಿಸಲು ವಿಫಲರಾಗಿದ್ದು, ತಪ್ಪು ಎಸಗಿರುವುದು ಕಂಡು ಬಂದಿದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಇದರ ಜೊತೆಗೆ ಕೆಟ್ಟು ಹೋದ ಕಾರು ಇನ್ನೂ ವಾರಂಟಿಯಲ್ಲಿದ್ದ ಸಂಗತಿ ಕಂಡು ಬಂದಿದೆ. ಇದನ್ನು ಗಮನಿಸಿದ ಗ್ರಾಹಕ ನ್ಯಾಯಾಲಯವು ಮಾರಾಟಗಾರರು ಗ್ರಾಹಕರಿಗೆ ಮೋಸವೆಸಗಿರುವುದು ಕಂಡು ಬಂದಿದೆ ಎಂದು ತಿಳಿಸಿದೆ.

ಈಗ ಕಾರಿನ ಮೇಲೆ ನೀಡಲಾಗಿದ್ದ ವಾರಂಟಿ ಅವಧಿ ಮುಗಿದಿದ್ದು ಕಾರನ್ನು ಹಿಂತಿರುಗಿಸಲು ಸಾಧ್ಯವಾಗದೇ ಇರುವ ಕಾರಣ ಕಾರಿನ ಒಟ್ಟು ಬೆಲೆಯ 75%ನಷ್ಟು ಹಣವನ್ನು ಗ್ರಾಹಕರಿಗೆ ನೀಡುವಂತೆ ಮಾರಾಟಗಾರರಿಗೆ ಆದೇಶ ನೀಡಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಗ್ರಾಹಕರಿಗೆ ತಕ್ಷಣಕ್ಕೆ ರೂ.6,10,078 ನೀಡಲು ಆದೇಶಿಸಿದೆ. ಇದರ ಜೊತೆಗೆ ದೂರು ನೀಡಿದ ದಿನದಿಂದ ಈ ಮೊತ್ತದ ಮೇಲೆ 10%ನಷ್ಟು ಬಡ್ಡಿ ಹಾಗೂ ಗ್ರಾಹಕರ ನ್ಯಾಯಾಲಯದ ವೆಚ್ಚವೆಂದು ರೂ.10,000 ಹೆಚ್ಚುವರಿಯಾಗಿ ಪಾವತಿಸುವಂತೆ ಆದೇಶ ನೀಡಿದೆ.