ಈಜಿಪ್ಟ್ ವಿಮಾನ ಕಣ್ಮರೆ; ದುರಂತದ ಹಿಂದೆ ನಿಗೂಢತೆ!

ಈಜಿಪ್ಟ್ ಏರ್ ಗೆ ಸೇರಿದ ಎರ್ ಬಸ್ ಎ320 ಕಳೆದ ಗುರುವಾರದಂದು ಅಪಘಾತಕ್ಕೀಡಾಗಿತ್ತು. ಮೆಡಿಟೇರಿಯನ್ ಸಮುದ್ರದಿಂದ 500 ಮೈಲು ದೂರದಲ್ಲಿ ದುರಂತಕ್ಕೀಡಾಗಿತ್ತು.

ಮುಳುಗಿರುವ ವಿಮಾನದ ಲೈಫ್ ಜಾಕೆಟ್ ಮತ್ತು ಇತರೆ ಸಾಮಾಗ್ರಿಗಳನ್ನು ಪತ್ತೆ ಹಚ್ಚಲಾಗಿದೆ. ಆದರೆ ವಿಮಾನ ಅಪಘಾತದ ಕಾರಣ ಪತ್ತೆಹಚ್ಚುವ 'ಬ್ಲ್ಯಾಕ್ ಬಾಕ್ಸ್' ಮಾತ್ರ ಇನ್ನು ಪತ್ತೆಯಾಗಿಲ್ಲ.

ಆರಂಭದಲ್ಲಿ ಉಗ್ರರ ದಾಳಿ ಬಗ್ಗೆ ಭೀತಿ ಕಾಡಿತ್ತಾದರೂ ಬಳಿಕ ಪತ್ತೆಹಚ್ಚಿರುವ ಅಪಘಾತಗಳನ್ನು ಪರಿಶೋಧಿಸಿದಾಗ ವಿಮಾನ ದುರಂತಕ್ಕೀಡಾಗಿರುವುದು ಕಂಡುಬಂದಿದೆ.

ಈ ನಡುವೆ ಇಬ್ಬರು ಟರ್ಕಿ ವಿಮಾನ ಪೈಲಟ್ ಗಳು ಬೆಚ್ಚಿ ಬೀಳಿಸುವ ವಿಷಯವೊಂದನ್ನು ಬಹಿರಂಗಪಡಿಸಿದ್ದು, ತಾವು ಸಂಚರಿಸುವ ವಿಮಾನದ ಪಕ್ಕದಲ್ಲಿ ತೀಕ್ಷ್ಣವಾದ ಹಸಿರು ಬೆಳಕು ಬೀರಿದೆ ಎಂದು ತಿಳಿಸಿದ್ದಾರೆ.

ಇದಾದ ಒಂದು ತಾಸಿನೊಳಗೆ ಈಜಿಪ್ಟ್ ಏರ್ ವಿಮಾನವು ದುರಂತಕ್ಕೀಡಾಗಿತ್ತು. ಹಾಗಾಗಿ ಹೆಚ್ಚಿನ ಊಹಾಪೋಹಾಗಳಿಗೆ ಎಡೆ ಮಾಡಿಕೊಟ್ಟಿದೆ.

ರಾಡಾರ್ ನಿಂದ ಕಣ್ಮರೆಯಾದ ವಿಮಾನಕ್ಕೆ ಯಾವುದೇ ತಾಂತ್ರಿಕ ತೊಂದರೆ ಭಾದಿಸಿತೇ ಅಥವಾ ಹವಾಮಾನ ವೈಪರೀತ್ಯಕ್ಕೆ ಬಲಿಯಾದಿತೇ ಎಂಬುದನ್ನು ಅನ್ವೇಷಣೆ ಮಾಡಲಾಗುತ್ತಿದೆ.

ಸಮುದ್ರದಲ್ಲಿ ತೇಲಾಡುತ್ತಿರುವ ದೇಹದ ಕೆಲವು ಭಾಗಗಳನ್ನು ಹೊರ ತೆಗೆಯಲಾಗಿದೆ. ಆದರೆ ಮುಳುಗಿದ ವಿಮಾನದ ಅವಶೇಷಗಳು ಮಾತ್ರ ಲಭ್ಯವಾಗಿಲ್ಲ.

ಒಟ್ಟಾರೆಯಾಗಿ ಮೃತರ ಸಂಬಂಧಿಕರು ದು:ಖದ ಮಡುವಿನಲ್ಲಿ ದಿನ ದೂಡುವಂತಾಗಿದ್ದು, ಎಂತವರನ್ನು ಮನ ಕಲಕುವಂತಿದೆ.