ಹಾರುವ ಕಾರ್ ಅನಾವರಣಗೊಳಿಸಿದ ಜನರಲ್ ಮೋಟಾರ್ಸ್

ವಿಶ್ವವಿಖ್ಯಾತ ವಾಹನ ತಯಾರಕ ಕಂಪನಿಯಾದ ಜನರಲ್ ಮೋಟಾರ್ಸ್ ತಾನು ಅಭಿವೃದ್ಧಿಪಡಿಸುತ್ತಿರುವ ಹಾರುವ ಕಾರ್ ಅನ್ನು ಅನಾವರಣಗೊಳಿಸಿದೆ. ಈ ಹಾರುವ ಕಾರು ಲಂಬವಾಗಿ (ವರ್ಟಿಕಲ್) ಇಳಿಯುವ ಸಾಮರ್ಥ್ಯವನ್ನು ಹೊಂದಿದೆ. ಈ ಕಾರು ಲಂಬವಾಗಿಯೇ ಟೇಕ್ಆಫ್ ಸಹ ಆಗುತ್ತದೆ.

ಜಿಎಂ ಈ ವಾಹನಕ್ಕೆ ವಿಟಾಲ್ (ವರ್ಟಿಕಲ್ ಟೇಕ್-ಆಫ್ ಹಾಗೂ ಲ್ಯಾಂಡಿಂಗ್ - ವಿಟಿಒಎಲ್) ಎಂದು ಹೆಸರಿಟ್ಟಿದೆ. ಈ ಕಾರಿನ ಹಾರಾಟಕ್ಕೆ ಟೈಲ್ ನೆಲದ ಅಗತ್ಯವಿಲ್ಲ. ಈ ಕಾರು ಆಟೋಮ್ಯಾಟಿಕ್ ಆಗಿ ಹಾರುವ ವಾಹನವಾಗಿದೆ ಎಂಬುದು ಗಮನಾರ್ಹ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಈ ಹಾರುವ ಕಾರು ಡ್ರೋನ್ ಕ್ಯಾಮೆರಾವನ್ನು ಹೊಂದಿದೆ. ಈ ಕಾರು ಗಂಟೆಗೆ ಗರಿಷ್ಠ 55 ಮೈಲಿ ವೇಗದಲ್ಲಿ (ಗಂಟೆಗೆ 88 ಕಿ.ಮೀ) ಹಾರಬಲ್ಲದು. ಈ ಸೂಪರ್ ಸಾಮರ್ಥ್ಯಕ್ಕಾಗಿ ಈ ಹಾರುವ ಕಾರಿನಲ್ಲಿ 90 ಕಿ.ವ್ಯಾನ ವಿದ್ಯುತ್ ಮೋಟರ್ ಅನ್ನು ಬಳಸಲಾಗುತ್ತದೆ.

ಜಿಎಂ ಕಂಪನಿಯ ಆಲ್ಡಿಯಮ್ ಬ್ಯಾಟರಿಗಳು ಈ ಎಲೆಕ್ಟ್ರಿಕ್ ಮೋಟರ್‌ಗೆ ಅಗತ್ಯವಿರುವ ಶಕ್ತಿಯನ್ನು ಒದಗಿಸುತ್ತವೆ. ಈ ಕಾರು ಕಡಿಮೆ ತೂಕವನ್ನು ಹೊಂದಿರುವುದರಿಂದ ಹೆಚ್ಚು ದೂರ ಚಲಿಸುವ ನಿರೀಕ್ಷೆಗಳಿವೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಈ ಕಾರಿನ ಹಾರಾಟಕ್ಕೆ ನೆರವಾಗಲು ನಾಲ್ಕು ಜೋಡಿ ರೋಟರ್‌ಗಳನ್ನು ಬಳಸಲಾಗುತ್ತದೆ. ಈ ರೋಟರ್‌ಗಳು ಕಾರು ಹೆಚ್ಚಿನ ವೇಗದಲ್ಲಿ ಹಾರಲು ಹಾಗೂ ವರ್ಟಿಕಲ್ ಆಗಿ ಇಳಿಯಲು ನೆರವಾಗುತ್ತವೆ.

ಈ ಹಾರುವ ಕಾರು ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬ ಅಧಿಕೃತ ವೀಡಿಯೊವನ್ನು ಕಂಪನಿಯ ಅಧಿಕೃತ ಯೂಟ್ಯೂಬ್ ಪುಟದಲ್ಲಿ ಪೋಸ್ಟ್ ಮಾಡಲಾಗಿದೆ. ಈ ವೀಡಿಯೊ ಹಾರುವ ಕಾರಿನ ಚಲನೆ ಹಾಗೂ ಕಾರ್ಯಾಚರಣೆಯ ಬಗ್ಗೆ ಹಲವಾರು ಆಸಕ್ತಿದಾಯಕ ಮಾಹಿತಿಯನ್ನು ಒಳಗೊಂಡಿದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಈ ಕಾರ್ ಅನ್ನು ಮೂಲ ಮಾದರಿಯಾಗಿ ಪರಿಚಯಿಸಲಾಗುತ್ತದೆ. ಉತ್ಪಾದನಾ ಮಾದರಿಯನ್ನು ಶೀಘ್ರದಲ್ಲೇ ಪರಿಚಯಿಸುವ ನಿರೀಕ್ಷೆಗಳಿವೆ. ಈಗ ಬಿಡುಗಡೆಯಾಗಿರುವ ವೀಡಿಯೊ ಶೀಘ್ರದಲ್ಲೇ ಬರಲಿದೆ ಎಂಬ ಶೀರ್ಷಿಕೆಯನ್ನು ಹೊಂದಿದೆ.

ಇದರ ಕ್ಯಾಬಿನ್ ಮನೆಯಲ್ಲಿರುವ ಸೋಫಾಗಳಂತಹ ಐಷಾರಾಮಿ ಸೀಟುಗಳನ್ನು ಹೊಂದಿದೆ. ಇದರ ಜೊತೆಗೆ ಈ ಹಾರುವ ಕಾರು ಬಯೋಮೆಟ್ರಿಕ್ ಸೆನ್ಸಾರ್, ವಾಯ್ಸ್ ಕಮಾಂಡ್, ಹ್ಯಾಂಡ್ ಗೆಸ್ಚರ್ ರೆಕಗ್ನಿಷನ್ ಸೇರಿದಂತೆ ಹಲವಾರು ಫೀಚರ್'ಗಳನ್ನು ಹೊಂದಿದೆ.