ಗಮ್ಯ ಸ್ಥಾನ ತಲುಪಲು ತಡವಾದ್ರೆ ರೈಲಿನಲ್ಲಿ ಉಚಿತ ಆಹಾರ ಪಡೆಯಬಹುದು... ಆದ್ರೆ ಇವು ನೆನಪಿರಲಿ

ವಿಶ್ವದ ಅತಿ ದೊಡ್ಡ ರೈಲ್ವೆ ಜಾಲಗಳನ್ನು ಹೊಂದಿರುವ ದೇಶಗಳಲ್ಲಿ ಭಾರತವು ಒಂದು. ನಿತ್ಯ ಕಡಿಮೆ ದರಕ್ಕೆ ನೂರಾರು ಕಿ.ಮೀ ಪ್ರಯಾಣಿಸಲು ಅನುಕೂಲ ಮಾಡಿಕೊಡುವ ಭಾರತೀಯ ರೈಲ್ವೆಯು, ತನ್ನದೇ ಆದ ವಿಶಿಷ್ಟತೆಯನ್ನು ಹೊಂದಿದೆ. ಹೇಳಿದ ಸಮಯಯಕ್ಕಿಂತ ತುಂಬಾ ತಡವಾಗಿ ಗಮ್ಯಸ್ಥಾನಗಳನ್ನು ತಲುಪುವ ಸಂದರ್ಭಗಳಲ್ಲಿ ಉಚಿತವಾಗಿ ಊಟದ ವ್ಯವಸ್ಥೆಯನ್ನು ಕಲ್ಪಿಸುತ್ತದೆ.

ಹೌದು ಈ ವಿಷಯ ಹಲವರಿಗೆ ತಿಳಿದೇ ಇಲ್ಲ, ತನ್ನ ಪ್ರಯಾಣಿಕರು ಸಮಯಕ್ಕೆ ಸರಿಯಾಗಿ ಗಮ್ಯ ಸ್ಥಾನವನ್ನು ತಲುಪದೇ ಎರಡು ಅಥವಾ ಮೂರು ಗಂಟೆಗಳು ತಡವಾದರೆ ರೈಲು ಸಿಬ್ಬಂದಿಯಿಂದ ಉಚಿತ ಊಟ, ತಿಂಡಿ ವ್ಯವಸ್ಥೆ ಮಾಡಲಾಗುತ್ತದೆ. ಆದರೆ ಈ ಸೌಲಭ್ಯ ಕೇವಲ ಸೀಮಿತ ರೈಲುಗಳಿಗೆ ಮಾತ್ರ ಇರುತ್ತದೆ. ಆ ರೈಲುಗಳನ್ನು ನೋಡುವುದಾದರೆ ರಾಜಧಾನಿ, ಶತಾಬ್ದಿ ಮತ್ತು ದುರಂತೋ ಎಕ್ಸ್‌ಪ್ರೆಸ್ ರೈಲುಗಳಂತಹ ಪ್ರೀಮಿಯಂ ರೈಲುಗಳಲ್ಲಿ ಮಾತ್ರ ಊಟವನ್ನು ಒದಗಿಸಲಾಗುತ್ತದೆ.

ಭಾರತೀಯ ರೈಲ್ವೇ ಜಾಲದಲ್ಲಿ ಕಾರ್ಯನಿರ್ವಹಿಸುತ್ತಿರುವ ರಾಜಧಾನಿ, ಶತಾಬ್ದಿ ಮತ್ತು ದುರಂತೋ ಎಕ್ಸ್‌ಪ್ರೆಸ್ ರೈಲುಗಳಂತಹ ಪ್ರೀಮಿಯಂ ರೈಲುಗಳಿಗೆ ಗರಿಷ್ಠ ಆದ್ಯತೆಯನ್ನು ನೀಡಲಾಗುತ್ತದೆ. ಹಾಗಾಗಿಯೇ ರೈಲುಗಳು ಸಮಯಕ್ಕೆ ಸರಿಯಾಗಿ ಗಮ್ಯಸ್ಥಾನಗಳನ್ನು ತಲುಪುತ್ತವೆ. ಆದರೆ ನಿತ್ಯ ಸಾವಿರಾರು ರೈಲುಗಳು ಓಡುವುದರಿಂದ ಕ್ರಾಸಿಂಗ್, ನೈಸರ್ಗಿಕ ಮತ್ತು ತಾಂತ್ರಿಕ ಕಾರಣಗಳಿಂದಾಗಿ ಕೆಲವೊಮ್ಮೆ ತಡವಾಗಿ ಗಮ್ಯಸ್ಥಾನ ತಲುಪುತ್ತವೆ. ಈ ಸಂದರ್ಭಗಳಲ್ಲಿ ಭಾರತೀಯ ರೈಲ್ವೇ ಈ ರೈಲುಗಳಲ್ಲಿ ಪ್ರಯಾಣಿಕರಿಗೆ ಉಚಿತ ಊಟವನ್ನು ಒದಗಿಸುತ್ತದೆ.

ರೈಲು ವಿಳಂಬವಾದರೆ ನಿಯಮಗಳ ಪ್ರಕಾರ, ಈ ಪ್ರೀಮಿಯಂ ರೈಲುಗಳು ನಿಗದಿತ ನಿಲ್ದಾಣಕ್ಕೆ ಎರಡು ಗಂಟೆಗಳಿಗಿಂತ ಹೆಚ್ಚು ತಡವಾಗಿ ಓಡುತ್ತಿದ್ದರೆ ರೈಲ್ವೆಯು ಉಚಿತ ಊಟ ಮತ್ತು ಪಾನೀಯವನ್ನು ಒದಗಿಸಬೇಕು. ಪ್ರಯಾಣಿಕರು ಬೆಳಗಿನ ಉಪಾಹಾರ, ಮಧ್ಯಾಹ್ನದ ಊಟ, ಸಂಜೆಯ ತಿಂಡಿ, ರಾತ್ರಿಯ ಊಟದಂತಹ ವಿವಿಧ ಆಯ್ಕೆಗಳಿಂದ ರೈಲು ತನ್ನ ಗೊತ್ತುಪಡಿಸಿದ ಗಮ್ಯಸ್ಥಾನದ ಕಡೆಗೆ ಯಾವ ಸಮಯದಲ್ಲಿ ತಡವಾಗಿ ಚಲಿಸುತ್ತದೆ ಎಂಬುದರ ಆಧಾರದ ಮೇಲೆ ಆಯ್ಕೆ ಮಾಡಬಹುದು.

ಆಹಾರ ತಯಾರಿಕೆಯ ಗುಣಮಟ್ಟವನ್ನು ಸುಧಾರಿಸುವ ಸಲುವಾಗಿ, IRCTC ಹೊಸ ಅಡುಗೆಮನೆಗಳನ್ನು ಸ್ಥಾಪಿಸಲು ಮತ್ತು ಅಸ್ತಿತ್ವದಲ್ಲಿರುವವುಗಳನ್ನು ನವೀಕರಿಸಲು ಉದ್ದೇಶಿಸಿದೆ. ಭಾರತೀಯ ರೈಲ್ವೇ ಕ್ಯಾಟರಿಂಗ್ ಮತ್ತು ಟೂರಿಸಂ ಕಾರ್ಪೊರೇಷನ್ ಲಿಮಿಟೆಡ್ (IRCTC) ಪ್ರಾಥಮಿಕವಾಗಿ ರೈಲುಗಳಲ್ಲಿ ಆಹಾರ ತಯಾರಿಕೆ ಮತ್ತು ಆಹಾರ ವಿತರಣೆಯ ನಡುವೆ ವ್ಯತ್ಯಾಸವನ್ನು ಸೃಷ್ಟಿಸುವ ಮೂಲಕ ಅನ್ಬಂಡ್ಲಿಂಗ್ ಅನ್ನು ಕೈಗೊಳ್ಳಲು ಕಡ್ಡಾಯಗೊಳಿಸಲಾಗಿದೆ. ಈ ನೀತಿಯು ವಲಯ ರೈಲ್ವೇಗಳು ನಿರ್ವಹಿಸುವ ಅಡುಗೆ ಮನೆಗಳನ್ನು IRCTC ಗೆ ಹಸ್ತಾಂತರಿಸುವುದನ್ನು ಕಡ್ಡಾಯಗೊಳಿಸುತ್ತದೆ.

ಫುಡ್ ಪ್ಲಾಜಾ, ಫಾಸ್ಟ್ ಫುಡ್ ಘಟಕಗಳು ಮತ್ತು ಫುಡ್ ಕೋರ್ಟ್ ಅನ್ನು IRCTC ಯಿಂದ ನಿರ್ವಹಿಸುವುದನ್ನು ಮುಂದುವರಿಸಲಾಗುತ್ತದೆ. ಪ್ರಸ್ತುತ, IRCTC ಬಹುತೇಕ ಎಲ್ಲಾ ಘಟಕಗಳನ್ನು ಹಂತ ಹಂತವಾಗಿ ಸ್ವಾಧೀನಪಡಿಸಿಕೊಂಡಿದೆ. ಇದಲ್ಲದೆ, ರೈಲ್ವೇ ಪ್ಲಾಟ್‌ಫಾರ್ಮ್‌ಗಳಲ್ಲಿ ವಿವಿಧ ಸ್ಟಾಲ್‌ಗಳನ್ನು ನಡೆಸಲು ಗುತ್ತಿಗೆಗಳ ಹಂಚಿಕೆಗಾಗಿ ನಿಗದಿಪಡಿಸಿದ ಕಾರ್ಯವಿಧಾನ/ ಮಾರ್ಗಸೂಚಿಗಳು/ ನೀತಿಯನ್ನು ಸರಳಗೊಳಿಸಲಾಗಿದೆ. ಪ್ರಯಾಣಿಕರಿಗೆ ನೀಡಲಾಗುವ ಊಟದ ಗುಣಮಟ್ಟವನ್ನು ಸುಧಾರಿಸಲು ಪ್ರಿಪೇಯ್ಡ್ ರೈಲುಗಳ ಮೆನುವನ್ನು ಪರಿಷ್ಕರಿಸಲಾಗಿದೆ.

ಸಾಮಾನ್ಯವಾಗಿ ರೈಲ್ವೆ ಸ್ಟೇಷನ್‌ಗಳಲ್ಲಿ ಆಹಾರ ಗುಣಮಟ್ಟವು ತೀರಾ ಕಡಿಮೆಯಾಗಿರುತ್ತದೆ. ಹೇಳುವುದು ಒಂದು ನೀಡುವುದೇ ಮತ್ತೊಂದು, ಇಂತಹ ಆಹಾರ ಸೇವನೆಯಿಂದ ಆರೋಗ್ಯ ಕೆಡುತ್ತದೆ ಎಂಬುದು ಪ್ರಯಾಣಿಕರ ಆರೋಪವಾಗಿದೆ. ಹಾಗಾಗಿಯೇ ಅಡುಗೆ ನೀತಿ 2017 ರ ಅಡಿಯಲ್ಲಿ ಅನ್ಬಂಡ್ಲಿಂಗ್ ಮಾಡುವ ಮೂಲಕ ಅಸ್ತಿತ್ವದಲ್ಲಿರುವ ರೈಲ್ವೇ ಅಡುಗೆ ವ್ಯವಸ್ಥೆಯನ್ನು ಈ ಪರಿಷ್ಕರಣೆಯು ಪ್ರಾಥಮಿಕವಾಗಿ ತಮ್ಮ ಗ್ರಾಹಕರಿಗೆ ಕೈಗೆಟುಕುವ ಬೆಲೆಯಲ್ಲಿ ಗುಣಮಟ್ಟದ ಆರೋಗ್ಯಕರ ಆಹಾರವನ್ನು ಒದಗಿಸುವ ಗುರಿಯನ್ನು ಹೊಂದಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಮೆಂಟ್ ಮಾಡುವುದನ್ನು ಮರೆಯದಿರಿ. ಜೊತೆಗೆ ನಿಮ್ಮ ಸ್ನೇಹಿತರಿಗೂ ತಪ್ಪದೆ ಶೇರ್ ಮಾಡಿ.