ಟ್ರಕ್ ದೋಚಿದ ಕೆಲವೇ ಗಂಟೆಗಳಲ್ಲಿ ಬಲೆಗೆ ಬಿದ್ದ ದರೋಡೆಕೋರರ ಗ್ಯಾಂಗ್

ದರೋಡೆಕೋರರು ನಾನಾ ತಂತ್ರಗಳ ಮೂಲಕ ದರೋಡೆ ಮಾಡುತ್ತಿದ್ದಾರೆ. ಸಹಾಯ ಕೇಳುವ ನೆಪದಲ್ಲಿ ಕಾರುಗಳನ್ನು ನಿಲ್ಲಿಸಿ, ಸಹಾಯ ಮಾಡಲು ಬಂದವರನ್ನು ದೋಚಿ ಪರಾರಿಯಾಗುತ್ತಾರೆ. ಟ್ರಕ್ ಹಾಗೂ ಕಾರುಗಳ ಚಾಲಕರು ಹೆಚ್ಚಿನ ಸಂಖ್ಯೆಯಲ್ಲಿ ದರೋಡೆಗೊಳಗಾಗುತ್ತಿದ್ದಾರೆ.

ದುಬಾರಿ ವಸ್ತುಗಳನ್ನು ಒಂದು ಸ್ಥಳದಿಂದ ಮತ್ತೊಂದು ಸ್ಥಳಕ್ಕೆ ಟ್ರಕ್‌ಗಳಲ್ಲಿ ಕಂಟೇನರ್ ಮೂಲಕ ಸಾಗಿಸಲಾಗುತ್ತದೆ. ಕೆಲವೊಮ್ಮೆ ಚಲಿಸುತ್ತಿರುವ ಕಂಟೇನರ್ ಟ್ರಕ್ ಗಳನ್ನೇ ದೋಚಲಾಗುತ್ತಿದೆ.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಇದೇ ರೀತಿಯ ಘಟನೆಯೊಂದು ಹರಿಯಾಣ ರಾಜ್ಯದ ನುಹ್ ಜಿಲ್ಲೆಯಲ್ಲಿ ನಡೆದಿದೆ. ಕಂಟೇನರ್ ಟ್ರಕ್ ನಲ್ಲಿ 5 ಮರ್ಸಿಡಿಸ್ ಬೆಂಝ್ ಕಾರುಗಳನ್ನು ಸಾಗಿಸಲಾಗುತ್ತಿತ್ತು. ಈ ಬೆಂಝ್ ಕಾರುಗಳ ಒಟ್ಟು ಮೌಲ್ಯ ರೂ.3.50 ಕೋಟಿಗಳಾಗಿದೆ.

ದರೋಡೆಕೋರರ ಗ್ಯಾಂಗ್ ಒಂದು ಟ್ರಕ್ ಚಾಲಕನನ್ನು ಬೆದರಿಸಿ ಟ್ರಕ್ ಅನ್ನು ಕದ್ದೊಯ್ದಿದೆ. ಘಟನೆ ನಡೆದ ಕೆಲವೇ ಗಂಟೆಗಳಲ್ಲಿ ಪೊಲೀಸರು ದರೋಡೆಕೋರರನ್ನು ಬಂಧಿಸಿ ಮರ್ಸಿಡಿಸ್ ಬೆಂಝ್ ಕಾರುಗಳಿದ್ದ ಟ್ರಕ್ ಅನ್ನು ವಶಕ್ಕೆ ಪಡೆದಿದ್ದಾರೆ.

MOSTREAD: ಇನ್ನು ಮುಂದೆ ಈ ಬಣ್ಣದ ಕಾರುಗಳ ನೋಂದಣಿ ಕಾನೂನುಬದ್ದ

ಈ ಘಟನೆ ಅಕ್ಟೋಬರ್ 4ರ ರಾತ್ರಿ ನಡೆದಿದೆ ಎಂದು ವರದಿಯಾಗಿದೆ. ದರೋಡೆಕೋರರ ಗ್ಯಾಂಗ್ ಟ್ರಕ್ ಚಾಲಕನನ್ನು ಬೆದರಿಸಿ ಆತನನ್ನು ಹಗ್ಗದಿಂದ ಕಟ್ಟಿ ಹಾಕಿ ಟ್ರಕ್ ನೊಂದಿಗೆ ಪರಾರಿಯಾಗಿದೆ. ಸ್ಥಳದಲ್ಲಿದ್ದ ಕೆಲವರು ಈ ಘಟನೆಗೆ ಸಾಕ್ಷಿಯಾಗಿದ್ದಾರೆ.

ಅವರು ತಕ್ಷಣವೇ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಪೊಲೀಸರು ದರೋಡೆಕೋರರ ಬಂಧನಕ್ಕೆ ವಿಶೇಷ ತಂಡ ರಚಿಸಿ, ವಿವಿಧೆಡೆ ನಾಕಾ ಬಂಧಿ ಹಾಕಿ ವಾಹನಗಳ ತಪಾಸಣೆ ನಡೆಸಿದ್ದಾರೆ.

MOSTREAD: ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ ರೂಫ್ ಸೀಳಿದ ಬಂಡೆ

ಕೊನೆಗೂ ರಜಾಕ್‌ ಎಂಬಾತನನ್ನು ಗ್ಯಾಸ್ ಸ್ಟೇಷನ್ ಬಳಿ ಬಂಧಿಸಿದ್ದಾರೆ. ಆತ ನುಹ್ ಜಿಲ್ಲೆಯ ನಾಯ್ ಪಟ್ಟಣಕ್ಕೆ ಸೇರಿದವನು. ಆತನನ್ನು ಬಂಧಿಸಿದ ಪೊಲೀಸರು ಮರ್ಸಿಡಿಸ್ ಬೆಂಝ್ ಕಾರುಗಳಿದ್ದ ಟ್ರಕ್ ಅನ್ನು ವಶಕ್ಕೆ ಪಡೆದಿದ್ದಾರೆ.

ಘಟನೆಯಲ್ಲಿ ಭಾಗಿಯಾಗಿರುವ ಇತರ ಜನರ ಪತ್ತೆಗಾಗಿ ರಜಾಕ್ ನನ್ನು ವಿಚಾರಣೆಗೆ ಒಳಪಡಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಘಟನೆಯು ಟ್ರಕ್ ಚಾಲಕರಲ್ಲಿ ಆತಂಕವನ್ನುಂಟು ಮಾಡಿದೆ.

MOSTREAD: ನ್ಯಾನೋ ಕಾರಿಗೆ ಗುದ್ದಿ ಅಪ್ಪಚ್ಚಿಯಾದ ಹೋಂಡಾ ಸಿಟಿ ಕಾರು

ಈ ಘಟನೆ ವಾಹನ ಚಾಲಕರು, ಅದರಲ್ಲೂ ವಿಶೇಷವಾಗಿ ಟ್ರಕ್ ಚಾಲಕರು ದುಬಾರಿ ವಸ್ತುಗಳೊಂದಿಗೆ ದೂರ ಪ್ರಯಾಣಿಸುವ ವೇಳೆ ಎದುರಾಗುವ ಸುರಕ್ಷತೆಯ ಬಗ್ಗೆ ಪ್ರಶ್ನೆ ಮೂಡುವಂತೆ ಮಾಡಿದೆ.

ವಾಹನಗಳು ಕಳುವಾದರೆ ಅವುಗಳನ್ನು ಟ್ರ್ಯಾಕಿಂಗ್ ಸಾಧನಗಳ ಮೂಲಕ ಸುಲಭವಾಗಿ ಪತ್ತೆ ಹಚ್ಚಬಹುದು. ಅಂತಹ ಟ್ರ್ಯಾಕಿಂಗ್ ಸಾಧನಗಳು ಮಾರುಕಟ್ಟೆಯಲ್ಲಿ ಕಡಿಮೆ ಬೆಲೆಗೆ ಲಭ್ಯವಿರುವುದರಿಂದ, ವಾಹನ ಮಾಲೀಕರು ಅವುಗಳನ್ನು ಅಳವಡಿಸ ಕೊಳ್ಳಬಹುದು.

ಗಮನಿಸಿ: ಕೆಲವು ಫೋಟೋಗಳನ್ನು ರೆಫರೆನ್ಸ್ ಗಾಗಿ ಬಳಸಲಾಗಿದೆ.