ಹೊಸ ರೋಲ್ಸ್ ರಾಯ್ಸ್ ಖರೀದಿಸಿದ ಹೃತಿಕ್; ಬೆಲೆ 7 ಕೋಟಿ

ತಮ್ಮ ಜನ್ಮದಿನ ಸಂಭ್ರಮದ ಅಂಗವಾಗಿ ಹೃತಿಕ್ ರೋಶನ್ ಅವರು ಮುಂಬೈನಲ್ಲಿ ಅದ್ದೂರಿ ಪಾರ್ಟಿ ಏರ್ಪಡಿಸಿದ್ದರು. ಅಲ್ಲದೆ ಹಲವು ಸೆಲೆಬ್ರಿಟಿ ಹಾಗೂ ಗಣ್ಯ ವ್ಯಕ್ತಿಗಳು ಆತಿಥಿಯಾಗಿ ಆಗಮಿಸಿದ್ದರು.

ಬಣ್ಣದ ಲೋಕದಿಂದ ಬಂದಿರುವ ಮಾಹಿತಿಗಳ ಪ್ರಕಾರ ಸಾಮಾನ್ಯವಾಗಿ ಹೃತಿಕ್ ತಮ್ಮ ಹುಟ್ಟುಹಬ್ಬವನ್ನು ಬಹಳ ಸರಳವಾಗಿ ಆಚರಿಸುತ್ತಾರೆ. ಆದರೆ ಈ ಬಾರಿ ಪರಿಸ್ಥಿತಿ ಬಿನ್ನವಾಗಿತ್ತು. ಅಲ್ಲದೆ ತಮ್ಮ ಜನ್ಮದಿನ ಆಚರಣೆಗಾಗಿ 200ರಷ್ಟು ಗೆಳೆಯ ಬಳಗವನ್ನು ಆಹ್ವಾನಿಸಿದ್ದರು.

ರೋಲ್ಸ್ ರಾಯ್ಸ್ ಘೋಸ್ಟ್ ಸಿರೀಸ್ II ಕಾರನ್ನು ಹೃತಿಕ್ ತಮ್ಮ ಬಯಕೆಗಳಿಗೆ ಅನುಸಾರವಾಗಿ ಕೆಲವೊಂದು ಮಾರ್ಪಾಡುಗೊಳಿಸಿದ್ದಾರೆ. ಇದರೊಂದಿಗೆ ಕಾರಿನ ಬೆಲೆಯಲ್ಲೂ ಗಣನೀಯವಾಗಿ ವರ್ಧನೆಯುಂಟಾಗಿದೆ. ಅಂದ ಹಾಗ ರೋಲ್ಸ್ ರಾಯ್ಸ್ ಘೋಸ್ಟ್ ಸಿರೀಸ್ II ಕಾರಿನ ಎಕ್ಸ್ ಶೋ ರೂಂ ಪ್ರಾರಂಭಿಕ ಬೆಲೆ 4.5 ಕೋಟಿ ರು.ಗಳಿಂದ ಆರಂಭವಾಗುತ್ತದೆ.

ಹೃತಿಕ್ ಅವರ ರೋಲ್ಸ್ ರಾಯ್ಸ್ ಘೋಸ್ಟ್ ಸಿರೀಸ್ II ಕಾರಿಗೆ ಅತಿ ವಿಶಿಷ್ಟವಾದ ನೀಲಿ ಬಣ್ಣವನ್ನು ಬಳಿಯಲಾಗಿದೆ. ಇದರ ಜೊತೆಗೆ ಅಲ್ಯೂಮಿನಿಯಂ ಸ್ಪರ್ಶದ ಬೊನೆಟ್ ಹಾಗೂ ಎಲ್ಲ ಹೈ ಎಂಡ್ ಕಾರಿನಲ್ಲಿರಬೇಕಾದ ವೈಶಿಷ್ಟ್ಯಗಳನ್ನು ಕಾಣಬಹುದಾಗಿದೆ.

ತಮ್ಮ ಕುಟುಂಬದ ಪಯಣದ ಅಗತ್ಯಗಳಿಗಾಗಿ ಹೃತಿಕ್ ರೋಲ್ಸ್ ರಾಯ್ಸ್ ಕಾರನ್ನು ಖರೀದಿಸಿದ್ದಾರೆ. ಬಾಲಿವುಡ್ ಸೂಪರ್ ಸ್ಟಾರ್ ಈಗ ಮುಂಬರುವ ಮೊಹೆಂಜೊ ದಾರೊ ಸಿನೆಮಾ ಶೂಟಿಂಗ್ ನಲ್ಲಿ ಬ್ಯುಸಿಯಾಗಿದ್ದಾರೆ.

ಅಂದ ಹಾಗೆ 6.6 ಲೀಟರ್ ಟ್ವಿನ್ ಸಿಲಿಂಡರ್ ಟರ್ಬೊ ಚಾರ್ಜ್ಡ್ ಎಂಜಿನ್ ನಿಂದ ನಿಯಂತ್ರಿಸ್ಪಡುವ ರೋಲ್ಸ್ ರಾಯ್ಸ್ ಘೋಸ್ಟ್ II 780 ಎನ್‌ಎಂ ತಿರುಗುಬಲದಲ್ಲಿ 563 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಅಲ್ಲದೆ 8ಸ್ಪೀಡ್ ಝಡ್‌ಎಫ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಇದರಲ್ಲಿದೆ.

ಕೇವಲ 4.9 ಸೆಕೆಂಡುಗಳಲ್ಲಿ ಗಂಟೆಗೆ 0-100 ಕೀ.ಮೀ. ವೇಗವರ್ಧಿಸುವ ಸಾಮರ್ಥ್ಯವನ್ನು ಹೊಂದಿರುವ ರೋಲ್ಸ್ ರಾಯ್ಸ್ ಘೋಸ್ಟ್ ಸಿರೀಸ್ II ಗಂಟೆಗೆ ಗರಿಷ್ಠ 250 ಕೀ.ಮೀ. ವೇಗದಲ್ಲಿ ಸಂಚರಿಸಲಿದೆ.

ಚರ್ಚಾ ವೇದಿಕೆ

ತಾರೆಯರು ದುಬಾರಿ ಕಾರುಗಳನ್ನು ಖರೀದಿಸುವುದರ ಬಗ್ಗೆ ನಿಮ್ಮ ಅನಿಸಿಕೆಗಳನ್ನು ಕೆಳಗಡೆ ಕೊಟ್ಟಿರುವ ನಮ್ಮ ಕಾಮೆಂಟ್ ಬಾಕ್ಸ್ ನಲ್ಲಿ ನಮೂದಿಸಿರಿ.

ಪ್ರಭಾಸ್ ಅದೃಷ್ಟ ಖುಲಾಯಿಸಿತೇ?