ಜಪಾನ್ ಬುಲೆಟ್ ಟ್ರೇನ್ ಬಗ್ಗೆ ಒಂದಿಷ್ಟು...

ಬುಲೆಟ್ ಟ್ರೇನ್‌ಗಳನ್ನು ಜಪಾನ್‌ನಲ್ಲಿ ಅಲ್ಲಿನ ರೈಲ್ವೇ ಸಂಸ್ಥೆ ನಿರ್ವಹಿಸುತ್ತಿದೆ. 1964ನೇ ಇಸವಿಯಲ್ಲಿ 515.4 ಕೀ.ಮೀ. ದೂರದ ಟೊಕೈಡೊ ಶಿಂಕಾನ್ಸೆನ್‌ನಿಂದ (tokaido shinkansen)ಆರಂಭವಾಗಿದ್ದ ಈ ಜಾಲ ಪ್ರಸ್ತುತ 2,387.7 ಕೀ.ಮೀ. ಉದ್ದದ ವರಗೆ ವರೆಗೆ ಹರಡಿದೆ.

ಅಂದ ಹಾಗೆ ಈ ಹೈ ಸ್ಪೀಡ್ ಟ್ರೈನ್‌ಗಳು ಪ್ರತಿ ಗಂಟೆಗೆ 240ರಿಂದ 320 ಕೀ.ಮೀ ವೇಗದಲ್ಲಿ ಓಡಾಡುವ ಸಾಮರ್ಥ್ಯ ಹೊಂದಿದೆ. ಹಾಗೆಯೇ ಮಿನಿ ಶಿಂಕಾನ್ಸೆನ್ ಟ್ರೇನ್‌ಗಳು ಪ್ರತಿ ಗಂಟೆಗೆ 130 ಕೀ.ಮೀ. ವೇಗತೆಯಲ್ಲಿ ಓಡಾಡಲಿದೆ.

ಶಿಂಕಾನ್ಸೆನ್ ಎಂಬ ಪದವು 'ನೇರ ಮಾರ್ಗ' ಎಂಬ ಅರ್ಥವನ್ನು ಹೊಂದಿದೆ. ಪ್ರಸ್ತುತ ಪದವು ಜಪಾನ್‌ನಲ್ಲಿ ಹೆಚ್ಚು ಜನಪ್ರಿಯತೆ ಗಿಟ್ಟಿಸಿಕೊಂಡಿದೆ. ಇನ್ನು ಟೊಕೈಡೊ ಶಿಂಕಾನ್ಸೆನ್ ಜಗತ್ತಿನ ಬಿಡುವಿಲ್ಲದ ಹೈ ಸ್ಪೀಡ್ ರೈಲ್ವೇ ಹಳಿಯೆಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ಜಪಾನ್ ಬುಲೆಟ್ ಟ್ರೇನ್‌ ಜಾಲದ ಪ್ರಯೋಜನವನ್ನು 10 ಬಿಲಿಯನ್ ಪ್ರಯಾಣಿಕರು ಪಡೆಯುತ್ತಾರೆ. ಈ ಪೈಕಿ ಟೊಕೈಡೊ ಶಿಂಕಾನ್ಸೆನ್ ಜಾಲದಲ್ಲಿ ಮಾತ್ರವಾಗಿ 5 ಬಿಲಿಯನ್ ಯಾತ್ರಿಕರು ಪಯಣಿಸುತ್ತಾರೆ.

ಇನ್ನು ಜಪಾನ್‌ನ ಎರಡು ಪ್ರಮುಖ ನಗರಗಳಾದ ಟೊಕಿಯೊ ಹಾಗೂ ಓಸಾಕಾ ನಡುವೆ ಪ್ರತಿ ಗಂಟೆಗೆ 13 ಟ್ರೇನ್‌ಗಳು ಓಡಾಡುತ್ತಿರುತ್ತವೆ. ಪ್ರತಿಯೊಂದು ಟ್ರೇನ್‌ನಲ್ಲಿ 1,323 ಮಂದಿಗೆ ಕುಳಿತುಕೊಳ್ಳಬಹುದಾದ 16 ಬೋಗಿಗಳಿವೆ.

ವಿಶ್ವದರ್ಜೆಯ ಸೌಲಭ್ಯಗಳಿರುವುದು ಬುಲೆಟ್ ಟ್ರೇನ್‌ಗಳು ಮತ್ತೊಂದು ವಿಶೇಷತೆಯಾಗಿದೆ. ಹಾಗೆಯೇ ಕೆಲವೇ ಗಂಟೆಗಳಲ್ಲಿ ಪ್ರಮುಖ ನಗರಗಳನ್ನು ಬಂಧಿಸುವಲ್ಲಿ ಬುಲೆಟ್ ಟ್ರೇನ್‌ಗಳು ಯಶಸ್ವಿಯಾಗಲಿದೆ.

ಪ್ರಸ್ತುತ ಬುಲೆಟ್ ಟ್ರೇನ್‌ಗಳು ಪ್ರಾಯೋಗಿಯಕವಾಗಿ ಭಾರತದಲ್ಲಿ ಯಶ ಕಾಣಬಹುದೇ ಅಥವಾ ಇಂತಹ ಹೈ ಸ್ಪೀಡ್ ಟ್ರೇನ್‌ಗಳಿಗಾಗಿ ಇನ್ನು ಎಷ್ಟು ವರ್ಷ ಕಾಯಬೇಕು ಎಂಬುದಕ್ಕೆ ಕೇಂದ್ರ ಸರಕಾರವೇ ಉತ್ತರಿಸಬೇಕಾಗಿದೆ.

ಈ ನಡುವೆ ಮುಂಬೈ ಟ್ರೇನ್ ಯೋಜನೆ ಕೈಗೆತ್ತಿಗೊಳ್ಳಲು ಫ್ರಾನ್ಸ್ ಕೂಡಾ ಪ್ರಯತ್ನ ನಡೆಸುತ್ತಿದೆ. ಮುಂಬೈ ಹಾದಿಯಾಗಿ ಹೋಗುವ 630 ಕೀ.ಮೀ ಉದ್ದದ ಅಹಮಾದಾಬಾದ್-ಪುಣೆ ಯೋಜನೆ ಕೈಗೆತ್ತಿಕೊಳ್ಳಲು ಭಾರತೀಯ ರೈಲ್ವೇ ಜತೆ ಫ್ರಾನ್ಸ್ ಮಾತುಕತೆ ನಡೆಸಿವೆ. ಪ್ರಸ್ತುತ ವರದಿಯು ಜೂನ್ ತಿಂಗಳಲ್ಲಿ ರೈಲ್ವೇ ಮಂಡಳಿಗೆ ತಲುಪಲಿದೆ.

ಇದೀಗ ಬುಲೆಟ್ ಟ್ರೇನ್‌ಗಳ ಕುರಿತು ನಿಮ್ಮ ಅಭಿಪ್ರಾಯಗಳನ್ನು ನಮ್ಮ ಜತೆ ಹಂಚಿಕೊಳ್ಳಿರಿ...