ದೃಶ್ಯ ವಿಸ್ಮಯ; ಜಪಾನ್‌ನಲ್ಲಿ 'ಅಗೋಚರ ರೈಲು' ಅಭಿವೃದ್ಧಿ

By Nagaraja

Published: Thursday, April 14, 2016, 10:09 [IST]

ತಂತ್ರಜ್ಞಾನ ಕ್ಷೇತ್ರದಲ್ಲಿ ಕ್ರಾಂತಿಕಾರಿ ಬದಲಾವಣೆಗೆ ಮುಂದಾಗಿರುವ ಜಪಾನ್, ಅತಿ ನೂತನ ಅಗೋಚರ ರೈಲು ಅಧ್ಯಯನ ಮತ್ತು ಅಭಿವೃದ್ಧಿಯಲ್ಲಿ ತೊಡಗಿಸಿಕೊಂಡಿದೆ.

ಚಾಲಕರಹಿತ ಕಾರಿನ ಬಳಿಕ ಬರುತ್ತಿದೆ ಹೈಟೆಕ್ ಡ್ರೈವರ್ ಲೆಸ್ ರೈಲು

ತಂತ್ರಗಾರಿಕೆ ಅಭಿವೃದ್ಧಿಯಲ್ಲಿ ಸದಾ ಮುಂಚೂಣಿಯಲ್ಲಿರುವ ಜಪಾನ್‌ನ ಹೆಸರಾಂತ ವಾಸ್ತುಶಿಲ್ಪಿ ಈ ಮಹತ್ತರ ಯೋಜನೆಯ ಪರಿಕಲ್ಪನೆಯನ್ನು ಮುಂದಿಟ್ಟಿದ್ದಾರೆ. ಈ ನಡುವೆ ಅದೃಶ್ಯ ರೈಲು ಹೇಗೆ ಓಡಾಡಲಿದೆಯೆಂಬ ಆತಂಕ ಎಲ್ಲರಲ್ಲೂ ಮೂಡುತ್ತಿದೆ.

ದೃಶ್ಯ ವಿಸ್ಮಯ; ಜಪಾನ್‌ನಲ್ಲಿ 'ಅಗೋಚರ ರೈಲು' ಅಭಿವೃದ್ಧಿ

ಕಝುಯೋ ಸೆಜಿಮಾ ಎಂಬಾಕಯೇ ಅಗೋಚರ ರೈಲಿನ ಪರಿಕಲ್ಪನೆಯನ್ನು ಸಿದ್ಧಪಡಿಸುತ್ತಿದ್ದು, ರೈಲು ಇತಿಹಾಸದಲ್ಲಿ ನೂತನ ಅಧ್ಯಾಯ ತೆರೆದುಕೊಳ್ಳಲಿದೆ.

ಕಟ್ಟಡ ನಿರ್ಮಾಣದಲ್ಲಿ ನಿಪುಣರಾಗಿರುವ ಈಕೆ, ತಮ್ಮ ನೂತನ ಯೋಜನೆಯನ್ನು "ದ್ರವ, ಪಾರದರ್ಶಕ ಮತ್ತು ಪ್ರಕೃತಿಯ ಜೊತೆ ಬೆರೆತುಕೊಂಡಿದೆ" ಎಂದು ಬಣ್ಣಿಸಿದ್ದಾರೆ.

ಈ ನಾವೀನ್ಯ ತಂತ್ರಗಾರಿಕೆಯ ಉದಾಹರಣೆಯನ್ನು ಫ್ರಾನ್ಸ್‌ನ ಲೆ ಲೌವ್ರೆ ಸಂಗ್ರಹಾಲಯದಲ್ಲಿ ಕಾಣಬಹುದಾಗಿದೆ.

ಇದಕ್ಕಾಗಿ ವಾಸ್ಪುಶಿಲ್ಪಿ ಕಝುಯೋ ಸೆಜಿಮಾ ಅವರು ಪ್ರತಿಷ್ಠಿತ 'Pritzker Prize' ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡಿದ್ದಾರೆ.

ಸೀಬು ಸಂಸ್ಥೆಯ ಜೊತೆ ಒಪ್ಪಂದ ಮಾಡಿಕೊಂಡಿರುವ ಸೆಜಿಮಾ ಮತ್ತು ಆಕೆಯ ಸಾನಾ (SANAA) ಸಂಸ್ಥೆಯೀಗ ಜಪಾನ್ ನಲ್ಲಿ ಅಸ್ತಿತ್ವದಲ್ಲಿರುವ ರೈಲಿಗಳಿಗೆ ಹೊಸ ಸ್ವರೂಪವನ್ನು ನೀಡಲಿದೆ.

ನೂತನ ರೈಲುಗಳು ಪ್ರತಿಫಲಿಸುವ ಮೇಲ್ಮೈಯನ್ನು ಪಡೆಯಲಿದ್ದು, ಇದು ವಾತಾವರಣದಿಂದ ರೈಲು ಅದೃಶ್ಯವಾಗುವಂತೆ ಮಾಡಲಿದೆ.

ಕಟ್ಟಡ ತಂತ್ರಗಾರಿಕೆಯಲ್ಲಿ ಆಳವಡಿಸಲಾಗಿರುವ ಅದೇ ತಂತ್ರಜ್ಞಾನವನ್ನು ರೈಲಿಗೂ ತರುವ ಯೋಜನೆಯನ್ನು ಈಕೆ ಹೊಂದಿದ್ದಾರೆ. ಅಲ್ಲದೆ ಸಂಸ್ಥೆಯ 100ನೇ ವಾರ್ಷಿಕೋತ್ಸವದ ಅಂಗವಾಗಿ 2018ರಲ್ಲಿ ಸೀಮಿತ ಆವೃತ್ತಿಯ ಅಗೋಚರ ರೈಲುಗಳು ಲೋಕಾರ್ಪಣೆಯಾಗಲಿದೆ.