ಅತಿ ಹೆಚ್ಚು ಅಂತರದ ವರೆಗೆ ಸೈಕಲ್ ಸ್ಟಾಪಿಂಗ್; ಭಾರತೀಯನ ಗಿನ್ನೆಸ್ ದಾಖಲೆ
ಮಗದೊಂದು ಗಿನ್ನೆಸ್ ದಾಖಲೆ ಭಾರತೀಯನ ಮಡಿಲಿಗೆ ಒಲಿದು ಬಂದಿದೆ. ಕಾರು, ಬೈಕ್ ಗಳಲ್ಲಿ ಅನೇಕ ರೀತಿಯ ದಾಖಲೆಗಳನ್ನು ನಾವು ನೋಡಿರುತ್ತೇವೆ. ಈಗ ಭಾರತೀಯನೊಬ್ಬ ಪರಿಸರ ಸ್ನೇಹಿ ಸೈಕಲ್ ನಲ್ಲಿ ವಿಶಿಷ್ಟ ದಾಖಲೆ ಸ್ಥಾಪಿಸಿದ್ದಾರೆ.
ಅತಿ ಹೆಚ್ಚು ಅಂತರದ ವರೆಗೆ ಸೈಕಲ್ ನಲ್ಲಿ ಸ್ಟಾಪಿಂಗ್ ಮಾಡುವುದು ನಿಜಕ್ಕೂ ಸವಾಲಿನ ವಿಷಯವಾಗಿದೆ. ಈ ಎಲ್ಲ ಸವಾಲುಗಳನ್ನು ಸ್ವೀಕರಿಸಿರುವ ಅಬ್ದುಲ್ ರಹಮಾನ್, ಗಿನ್ನೆಸ್ ದಾಖಲೆ ಅಧಿಕೃತರ ಸನ್ಮುಖದಲ್ಲಿಯೇ ವಿಶ್ವ ದಾಖಲೆ ನಿರ್ಮಿಸಿದ್ದಾರೆ.

'ಅಬ್ ಇಂಡಿಯಾ ಥೋಡೆಗಾ' ಎಂಬ ಘೋಷ ವಾಕ್ಯದ ಆಧಾರದಲ್ಲಿ ಅಬ್ದುಲ್ ರಹಮಾನ್ ಸೈಕಲ್ ನ್ನು ಅತಿ ದೂರದ ಅಂತರದ ವರೆಗೂ ನಿಲುಗಡೆ ಮಾಡುವ ಪ್ರಯತ್ನಕ್ಕೆ ಮುಂದಾಗಿದ್ದರು.

ಇದಕ್ಕಾಗಿ ಸ್ವಲ್ಪ ದೂರದಿಂದಲೇ ವೇಗವಾಗಿ ಸೈಕಲ್ ತುಳಿದುಕೊಂಡು ಬಂದ ರೆಹಮಾನ್, ಬಳಿಕ ಸೈಕಲನ್ನು ಮುಂಭಾಗದ ಒಂದು ಚಕ್ರದಲ್ಲೇ ನಿಲ್ಲಿಸುವ ಪ್ರಯತ್ನ ಮಾಡಿದ್ದರು.

ಬಳಿಕ ತಮ್ಮ ಎರಡು ಕಾಲುಗಳನ್ನು ಹ್ಯಾಂಡಲ್ ಬಾರ್ ಮೇಲೆ ಇಟ್ಟುಕೊಳ್ಳುವ ಮೂಲಕ ಸಮತೋಲನ ಕಾಪಾಡಿಕೊಂಡರು.

ಬಹಳ ಬುದ್ಧಿವಂತಿಕೆಯಿಂದ ಬ್ರೇಕ್ ಅದುಮಿದ ಸವಾರ ರೆಹಮಾನ್, 17.50 ಮೀಟರ್ ಗಳಷ್ಟು ದೂರದ ವರೆಗೆ ಸೈಕಲ್ ನಿಲುಗಡೆಗೊಳಿಸುವಲ್ಲಿ ಯಶಸ್ವಿಯಾಗಿದ್ದರು.

ಅಂದ ಹಾಗೆ 2011ರಲ್ಲಿ ಭೋಪಾಲ್ ನಲ್ಲಿ ಸ್ಥಾಪಿಸಿರುವ ಈ ದಾಖಲೆ ಇಂದಿಗೂ ಅಮರವಾಗಿರುವುದು ವಿಶೇಷ. ಇದಕ್ಕೂ ಮೊದಲು 2008ರಲ್ಲಿ ಅಮೆರಿಕ ಮೂಲದ ಜಿಮ್ ಡೇಚಾಂಪ್ 15.76 ಮೀಟರ್ ದೂರವನ್ನು ಕ್ರಮಿಸಿದ್ದರು.
ರೋಚಕ ವಿಡಿಯೋ ವೀಕ್ಷಿಸಿ


Click it and Unblock the Notifications








