ಭಾರತೀಯ ಎಂಜಿನಿಯರ್ ಗೆ ಜಾಗತಿಕ ರೈಲ್ವೆ ಪ್ರಶಸ್ತಿ

1997ರ ಭಾರತೀಯ ರೈಲ್ವೆ ಟ್ರಾಫಿಕ್ ಸರ್ವಿಸ್ ಬ್ಯಾಚ್ ಆಫಿಸರ್ ಆಗಿರುವ ಅಶ್ವನಿ 'ಕ್ಯಾಟ್ ಪಿಲ್ಲರ್ ಟ್ರೈನ್' ಅಥವಾ 'ಸಿ ರೈಲು' ಎಂಬ ವಿನೂತನ ಹಗುರ ಭಾರದ ನಗರ ಜಾಲ ವ್ಯವಸ್ಥೆಯನ್ನು ಪ್ರದರ್ಶಿಸಿದ್ದರು.

ಬಾಗಿದ ಕಮಾನುಗಳಿಂದ ಬೆಂಬಲಿತ ಸಿ ರೈಲುಗಳು ಗಂಟೆಗೆ 100 ಕೀ.ಮೀ. ವೇಗದಲ್ಲಿ ಸಂಚರಿಸುವ ಸಾಮರ್ಥ್ಯವನ್ನು ಹೊಂದಿರುತ್ತದೆ.

ಸ್ಪರ್ಧೆಯಲ್ಲಿ ಒಟ್ಟು 500ರಷ್ಟು ಎಂಟ್ರಿಗಳು ಬಂದಿದೆಯಾದರೂ ಎಲ್ಲರನ್ನು ತನ್ನ ನೂತನ ತಂತ್ರಗಾರಿಕೆಯೊಂದಿಗೆ ಸ್ಪರ್ಧಿಗಳನ್ನು ಮೀರಿಸುವಲ್ಲಿ ಭಾರತೀಯ ಮೂಲದ ಎಂಜಿನಿಯರ್ ಯಶಸ್ವಿಯಾಗಿದ್ದರು.

ದೊಡ್ಡದಾದ ರೈಲು ವ್ಯವಸ್ಥೆಯ ಬದಲಾಗಿ 20ರಷ್ಟು ಪ್ರಯಾಣಿಕರಿಗೆ ಕುಳಿತುಕೊಳ್ಳಬಹುದಾದ ಸಣ್ಣ ಕೋಚ್ ಗಳನ್ನು ಅಶ್ವನಿ ನಿರ್ಮಿಸಿದ್ದರು.

ರೈಲ್ವೆ ಬೋಗಿಯ ಮೇಲೆ ಹಾಗೂ ಕೆಳಗಡೆಯೂ ಚಕ್ರಗಳಿರುವುದು ವಿಶೇಷತೆಯೆನಿಸಿಕೊಂಡಿದೆ. ಇದು ಸಾಂಪ್ರದಾಯಿಕ ಮೆಟ್ರೋ ಯೋಜನೆಗಿಂತಲೂ ವಿಭಿನ್ನತೆ ಕಾಪಾಡಿಕೊಂಡಿದೆ.

ರೈಲ್ವೆ ಟ್ರ್ಯಾಕ್ ನ ಇತ್ತ ಕಡೆಗಳಿಂದಲೂ (ಮೇಲೆ ಹಾಗೂ ಕೆಳಗೆ) ಚಲಿಸಲು ಯೋಗ್ಯವೆನಿಸುತ್ತದೆ. ಈ ಎಲ್ಲ ವ್ಯವಸ್ಥೆಯು ವಿದ್ಯುತ್ ನಿಂದ ನಿಯಂತ್ರಿಸಲ್ಪಡುತ್ತದೆ.

ಅಲ್ಲದೆ ತುರ್ತು ಪರಿಸ್ಥಿತಿಯ ವೇಳೆ ನಿರ್ವಹಿಸಲು ಎಲ್ಲ ಕೋಚ್ ಗಳಲ್ಲೂ ಬ್ಯಾಟರಿ ಆಳವಡಿಸಲಾಗಿದೆ.

ರೈಲು ಹಗುರ ಭಾರ ಆಗಿರುವುದರಿಂದ ಕೆಳಗಡೆ ಆಧಾರವಾಗಿ ನಿಂತಿರುವ ಕಾಂಕ್ರೀಟ್ ಕಂಬಗಳ ನಿರ್ಮಾಣಕ್ಕೆ ಅತ್ಯಲ್ಪ ಜಾಗ ಸಾಕಾಗುವುದು. ಅಂತೆಯೇ ಪ್ರಯಾಣಿಕರಿಗೆ ತಮ್ಮ ಗಮ್ಯಸ್ಥಾನ ತಲುಪುವುದು ಅತ್ಯಂತ ಸುಲಭವಾಗಿರಲಿದೆ ಎಂದ ಉಪಾಧ್ಯಾಯ ವಿವರಿಸುತ್ತಾರೆ.

ಇಲ್ಲಿ ಲಿಫ್ಟುಗಳಿಂದ ಪ್ರಯಾಣಿಕರನ್ನು ಮೇಲೆಕ್ಕೆತ್ತುವ ಸರಳ ಫ್ಲ್ಯಾಟ್ ಫಾರ್ಮ್ ಗಳನ್ನು ವಿನ್ಯಾಸಗೊಳಿಸಲಾಗಿದೆ. ರೈಲ್ವೆ ಕೋಚ್ ಗಳು ಮೇಲ್ಗಡೆಯಿರುವುದರಿಂದ ಕೆಳಗಡೆ ಕಡಿಮೆ ಜಾಗ ಸಾಕಾಗುವುದು.

ಹಾಗಿದ್ದರೂ ಇನ್ನು ಹಲವಾರು ಪ್ರಶ್ನೆಗಳಿಗೆ ಉತ್ತರ ಕಂಡು ಹಿಡಿಯಬೇಕಾಗಿದೆ ಎಂದು ಸ್ವತ: ಉಪಧ್ಯಾಯ ಅಭಿಪ್ರಾಯಪಡುತ್ತಾರೆ. ಒಟ್ಟಿನಲ್ಲಿ ಕಡಿಮೆ ಬಜೆಟ್ ನ ಯೋಜನೆಯು ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.