ಜಪಾನ್‌ನಲ್ಲಿ ಓಡಾಡಲಿರುವ ಜಗತ್ತಿನ ದುಬಾರಿ ಅಲ್ಟ್ರಾ ಲಗ್ಷುರಿ ರೈಲು!

ಫೆರಾರಿ ವಿನ್ಯಾಸಗಾರ ಕೆನ್ ಓಕುಮಾಯಾ ಜೊತೆ ಕೈಜೋಡಿಸಿಕೊಂಡಿರುವ ಪೂರ್ವ ಜಪಾನ್ ರೈಲ್ವೇ ಸಂಸ್ಥೆ ಇಂತಹದೊಂದು ಮಹತ್ತರ ಯೋಜನೆಗೆ ಕೈಹಾಕಿಕೊಂಡಿದೆ.

ಇದರ ಪ್ರಮುಖ ವೈಶಿಷ್ಟ್ಯವೆಂದರೆ ರೈಲಿನೊಳಗಡೆಯಿಂದಲೇ ಪ್ರಕೃತಿ ಸೊಗಸು ಸವಿಯಬಹುದಾಗಿದೆ. ಅಂದರೆ ವಿಶೇಷ ಗ್ಲಾಸ್ ವಾಲ್ ಪಡೆದುಕೊಳ್ಳಲಿದೆ.

ಅದೇ ರೀತಿ ಹೈ ಎಂಡ್ ಬೆಡ್ ರೂಂ ಸೌಲಭ್ಯಗಳು ಇದರಲ್ಲಿ ಲಭ್ಯವಾಗಲಿದೆ. ಇದು ಜಪಾನ್‌ನ ಭವಿಷ್ಯದ ಸಂಚಾರಿ ವ್ಯವಸ್ಥೆಗೆ ಮಾದರಿಯಾಗಿರಲಿದೆ.

2017ರ ವೇಳೆಗೆ ಬಿಡುಗಡೆಯಾಗುವ ನಿರೀಕ್ಷೆಯನ್ನಿಟ್ಟುಕೊಂಡಿರುವ ಈ ಅಲ್ಟ್ರಾ ಲಗ್ಷುರಿ ಕ್ರೂಸ್ ರೈಲು ಪ್ರಮುಖವಾಗಿಯೂ ಸೆವೆನ್ ಸ್ಟಾರ್ ಸೂಪರ್ ಲಗ್ಷುರಿ ಸೌಲಭ್ಯಗಳ ತಲಹದಿಯಲ್ಲಿ ರೂಪುಗೊಂಡಿದೆ.

ಸೋಫಾ ಶೈಲಿಯ ಆಸನ ವ್ಯವಸ್ಥೆಯನ್ನು ಹೊಂದಿರುವ ಈ ರೈಲಿನಲ್ಲಿ 34 ಮಂದಿ ಪಯಣಿಸಬಹುದಾಗಿದೆ. ಇದರಲ್ಲಿ ಡಿಲಕ್ಸ್ ಸೌಲಭ್ಯ, ಡಬಲ್ ಬೆಡ್, ಶೌಚಾಲಯ, ಮೇಲಂತಸ್ತು ಜತೆಗೆ ಅಪಾರ ಐಷಾರಾಮಿ ಸೌಲಭ್ಯಗಳು ಇರಲಿದೆ.

ಒಟ್ಟಿನಲ್ಲಿ ಅಧಿಕೃತ ಘೋಷಣೆ ಇನ್ನಷ್ಟೇ ಪ್ರಕಟಗೊಳ್ಳಬೇಕಾಗಿದೆ. ಇದು ನನಸಾದ್ದಲ್ಲಿ ಜಪಾನ್ ರೈಲ್ವೆ ಮಗದೊಂದು ಮೈಲುಗಲ್ಲನ್ನು ತಲುಪಲಿದೆ ಎಂಬುದರಲ್ಲಿ ಸಂಶಯವೇ ಬೇಡ.