ಲಕಲಕ ಹೊಳೆಯುವ ಕಾರಲ್ಲಿ ಚೆಲುವೆ ಯಾರಿವಳು?

ಜರ್ಮನಿಯ ಐಷಾರಾಮಿ ಕಾರು ತಯಾರಕ ಸಂಸ್ಥೆ ಆಡಿಯಿಂದ ನಿರ್ಮಿತವಾಗಿರುವ ಕ್ಯೂ7 ದೆಹಲಿ ಎಕ್ಸ್ ಶೋ ರೂಂ ದರ 58.49 ಲಕ್ಷ ರು.ಗಳಿಂದ ಆರಂಭವಾಗಿ ಟಾಪ್ ಎಂಡ್ ವೆರಿಯಂಟ್ 80.12 ಲಕ್ಷ ರು.ಗಳಷ್ಟು ದುಬಾರಿಯೆನಿಸಿದೆ.

ನಿರ್ವಹಣೆ, ಆರಾಮದಾಯಕ ಹಾಗೂ ಬ್ರಾಂಡ್ ಮೌಲ್ಯ ವಿಚಾರದಲ್ಲಿ ಆಡಿ ಕ್ಯೂ7 ಹೆಚ್ಚು ಜನಪ್ರಿಯವಾಗಿದೆ. ಇದು ಪೆಟ್ರೋಲ್ ಹಾಗೂ ಎರಡು ಡೀಸೆಲ್ ಎಂಜಿನ್ ಆಯ್ಕೆಗಳನ್ನು ಪಡೆದುಕೊಂಡಿದೆ.

ಆಡಿ ಕ್ಯೂ 3.0 ಟಿಎಫ್‌ಎಸ್‌ಐ ಕ್ವಾಟ್ರೊ ಪೆಟ್ರೋಲ್ ಹಾಗೂ 3.0 ಟಿಡಿಐ ಹೂಗೂ 4.2 ಟಿಡಿಐ ಡೀಸೆಲ್ ಎಂಜಿನ್‌ಗಳನ್ನು ಪಡೆದುಕೊಳ್ಳಲಿದೆ. ಈ ಪೈಕಿ ಪೆಟ್ರೋಲ್ ವೆರಿಯಂಟ್ ಆಟೋಮ್ಯಾಟಿಕ್ ಹಾಗೂ ಡೀಸೆಲ್ ವೆರಿಯಂಟ್ ಟಿಪ್‌ಟ್ರಾನಿಕ್ ಟ್ರಾನ್ಸ್‌ಮಿಷನ್ ಹೊಂದಿದೆ.

ದೇಶದಲ್ಲಿ ಆಡಿ ಕ್ಯೂ 7 ಎಸ್‌ಯುವಿ ಕಾರಿನ ಉತ್ಪಾದನೆ ಔರಾಂಗಬಾದ್‌ನ ಘಟಕದಲ್ಲಿ ನಡೆಯುತ್ತಿದೆ. ಬಾಲಿವುಡ್ ನಟ ಸಲ್ಮಾನ್ ಖಾನ್ ಬಳಿಯೂ ಈ ದುಬಾರಿ ಎಸ್‌ಯುವಿ ಕಾರಿದೆ.

ದೇಶದ ಸರ್ವಶ್ರೇಷ್ಠ ಪ್ರೀಮಿಯಂ ಎಸ್‌ಯುವಿಗಳ ಸಾಲಿನಲ್ಲಿ ಆಡಿ ಕ್ಯೂ7 ಗುರುತಿಸಿಕೊಂಡಿದೆ. ಇದು ಅತ್ಯಾಧುನಿಕ ತಂತ್ರಗಾರಿಕೆಯಿಂದ ಸಂಪನ್ನವಾಗಿದೆ.

ಇನ್ನು ಸುರಕ್ಷತೆಗೂ ಹೆಚ್ಚಿನ ಆದ್ಯತೆ ಕೊಡಲಾಗಿದ್ದು, ಏರ್ ಬ್ಯಾಗ್, ಎಬಿಎಸ್ ಹಾಗೂ ಇಬಿಡಿ ಸೌಲಭ್ಯಗಳು ಇದರಲ್ಲಿದೆ.

ಬಾಲಿವುಡ್‌ನ ಇತರ ತಾರೆಗಳನ್ನು ಗಮನಿಸಿದರೆ ಬಿಪಾಶಾ ಬಸು, ದೀಪಿಕಾ ಪಡುಕೋಣೆ ಹಾಗೂ ಜಾನ್ ಅಬ್ರಹಾಂ ಬಳಿಯೂ ಆಡಿ ಕ್ಯೂ 7 ಐಷಾರಾಮಿ ಕಾರುಗಳಿವೆ.

ಮಗೆದೊಂದು ಮೂಲದ ವರದಿ ಪ್ರಕಾರ ಈ ಹಿಂದೆ ಕತ್ರಿನಾ ಕೈಫ್‌ಗೆ ಬರ್ತ್ ಡೇ ಗಿಫ್ಟ್ ರೂಪದಲ್ಲಿ ಆಡಿ ಕ್ಯೂ7 ಕಾರನ್ನು ಸಲ್ಮಾನ್ ಖಾನ್ ಉಡುಗೊರೆಯಾಗಿ ನೀಡಿದ್ದಾರಂತೆ!