ಚರ್ಚೆಗೀಡಾದ ಸೂಪರ್‌ಸ್ಟಾರ್ ಮಮ್ಮುಟಿ 369 ಕಾರು ಸಂಗ್ರಹ

ಇತ್ತೀಚಿನ ದಿನಗಳಲ್ಲಿ ಅವರ 369 ಕಾರು ಸಂಗ್ರಹಗಳ ಬಗ್ಗೆಯೇ ಚರ್ಚೆಯಾಗುತ್ತಿದೆ. 369 ಎಂಬುದು ಅವರ ಬಳಿಯಿರುವ ಕಾರುಗಳ ಸಂಖ್ಯೆಯಲ್ಲ. ಬದಲಿಗೆ ತಮ್ಮ ಕಾರು ಗ್ಯಾರೇಜ್ ಗೆ ಈ ನಟ 369 ಎಂಬ ಹೆಸರನ್ನಿಟ್ಟಿದ್ದಾರೆ. ಅವರ ಬಳಿಯಿರುವ ಎಲ್ಲಾ ಕಾರುಗಳು 369 ಎಂಬ ನಂಬರ್ ಅನ್ನು ಹೊಂದಿವೆ.

ಮಮ್ಮುಟ್ಟಿರವರು ಬಿಎಂಡಬ್ಲ್ಯು ಇ 46 ಎಂ 3, ಮಿನಿ ಕೂಪರ್ ಎಸ್, ಜಾಗ್ವಾರ್ ಎಕ್ಸ್‌ಜೆ, ಟೊಯೊಟಾ ಲ್ಯಾಂಡ್ ಕ್ರೂಸರ್, ಆಡಿ ಎ 7, ಮಿತ್ಸುಬಿಷಿ ಪಜೆರೊ ಸ್ಪೋರ್ಟ್, ಟೊಯೊಟಾ ಫಾರ್ಚೂನರ್ ಸೇರಿದಂತೆ ಹಲವಾರು ಕಾರುಗಳನ್ನು ಹೊಂದಿದ್ದಾರೆ. ಮಮ್ಮುಟ್ಟಿರವರು ಮೊದಲ ಬಾರಿಗೆ ಮಾರುತಿ 800 ಕಾರನ್ನು ಖರೀದಿಸಿದ್ದರು.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಈ ಎಲ್ಲಾ ಕಾರುಗಳು 369ನೇ ನಂಬರ್ ಹೊಂದಿವೆ ಎಂಬುದು ವಿಶೇಷ. ಮಮ್ಮುಟ್ಟಿರವರು ತಮ್ಮ ಕಾರುಗಳೊಂದಿಗೆ ಹಲವು ಬಾರಿ ಕಾಣಿಸಿಕೊಂಡಿದ್ದಾರೆ. ಅವರ ಅನೇಕ ಕಾರುಗಳ ಫೋಟೋಗಳು ಸಹ ಬಹಿರಂಗವಾಗಿವೆ. ಈ ಫೋಟೋಗಳಲ್ಲಿ 369ನೇ ಸಂಖ್ಯೆಯ ನಂಬರ್ ಪ್ಲೇಟ್ ಗಳನ್ನು ಕಾಣಬಹುದು.

ಅವರ ಮಗ, ಚಿತ್ರನಟ ದುಲ್ಕರ್ ಸಲ್ಮಾನ್ ಸಹ ಹಲವಾರು ಕಾರುಗಳನ್ನು ಹೊಂದಿದ್ದಾರೆ. ಕೆಲ ದಿನಗಳ ಹಿಂದೆ ಅವರು ಸ್ಪೋರ್ಟ್ಸ್ ಕಾರ್ ಅನ್ನು ಚಾಲನೆ ಮಾಡುವಾಗ ಸಾರ್ವಜನಿಕವಾಗಿ ಕಾಣಿಸಿಕೊಂಡಿದ್ದರು. ಈ ವೇಳೆ ಕೊಟ್ಟಾಯಂ-ಕೊಚ್ಚಿ ರಸ್ತೆಯಲ್ಲಿ ಮೂರು ಸ್ಪೋರ್ಟ್ಸ್ ಕಾರುಗಳು ರಸ್ತೆಗಿಳಿದಿದ್ದವು.

MOSTREAD: ಇನ್ನು ಮುಂದೆ ಈ ಬಣ್ಣದ ಕಾರುಗಳ ನೋಂದಣಿ ಕಾನೂನುಬದ್ದ

ಕಪ್ಪು ಬಣ್ಣದ ಲ್ಯಾಂಬೊರ್ಗಿನಿ, ಸಿಲ್ವರ್ ಬಣ್ಣದ ಪೋರ್ಷೆ ಹಾಗೂ ಕೆಂಪು ಬಣ್ಣದ ಪೋರ್ಷೆ ಕಾರುಗಳು ಕೊಟ್ಟಾಯಂ-ಕೊಚ್ಚಿ ಹೆದ್ದಾರಿಯಲ್ಲಿ ವೇಗವಾಗಿ ಚಲಿಸುತ್ತಿದ್ದವು. ಇಬ್ಬರು ಬೈಕ್‌ ಸವಾರರು ನೆಚ್ಚಿನ ನಟನ ಜೊತೆಗೆ ಫೋಟೋ ತೆಗೆಸಿಕೊಳ್ಳಲು ಆ ಕಾರುಗಳನ್ನು ಬೆನ್ನಟ್ಟಿದ್ದರು.

ಕಾರುಗಳು ಹೆಚ್ಚಿನ ವೇಗದಲ್ಲಿ ಚಲಿಸುತ್ತಿರಲಿಲ್ಲ ಬದಲಿಗೆ ಬೈಕ್ ಸವಾರರು ವೇಗವಾಗಿ ಬೈಕ್ ಚಾಲನೆ ಮಾಡಿ ಕಾರನ್ನು ಬೆನ್ನಟ್ಟುತ್ತಿದ್ದರು ಎಂದು ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದರು. ಆದರೆ ಈ ವೀಡಿಯೊವನ್ನು ಯಾವಾಗ ಚಿತ್ರೀಕರಿಸಲಾಗಿತ್ತು ಎಂಬ ಬಗ್ಗೆ ಆ ಅಧಿಕಾರಿಗೆ ಮಾಹಿತಿಯಿಲ್ಲ.

MOSTREAD: ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ ರೂಫ್ ಸೀಳಿದ ಬಂಡೆ

ಬೈಕ್ ಸವಾರರ ಬಗ್ಗೆಯೂ ಯಾವುದೇ ಮಾಹಿತಿಯಿಲ್ಲವೆಂದು ಪೊಲೀಸರು ತಿಳಿಸಿದ್ದಾರೆ. ಆ ಬೈಕ್‌ಗಳ ನಂಬರ್ ಪ್ಲೇಟ್ ಕೂಡ ವಿಡಿಯೋದಲ್ಲಿ ಸೆರೆಯಾಗಿಲ್ಲ. ಇದೇನೇ ಇರಲಿ ನಟ ಮಮ್ಮುಟ್ಟಿಯವರ ಈ ಕಾರು ಸಂಗ್ರಹವು ಬಹಳ ವಿಶಿಷ್ಟವಾಗಿದೆ.