ರಸ್ತೆ ಅಪಘಾತದಲ್ಲಿ ನಜ್ಜುಗುಜ್ಜಾದ ಪೋರ್ಷೆ ಕಾರು

ಇದರ ಜೊತೆಗೆ ಪೋರ್ಷೆ ಕಂಪನಿಯು ಸೂಪರ್ ಕಾರುಗಳನ್ನು ಸಹ ಉತ್ಪಾದಿಸುತ್ತದೆ. ಫೋರ್ಷೆ ಕ್ಯಾರೆರಾ ಜಿಟಿ ಸೂಪರ್ ಕಾರುಗಳಲ್ಲಿ ಒಂದಾಗಿದೆ. ಈ ಕಾರು ಅತಿ ವೇಗದಲ್ಲಿ ಚಲಿಸಿ ಅಪಘಾತಕ್ಕೀಡಾಗಿದೆ. ಅಪಘಾತಕ್ಕೀಡಾದಾಗ ಈ ಕಾರ್ ಅನ್ನು ಚಾಲನೆ ಮಾಡುತ್ತಿದ್ದವರು ಕೋಲ್ಟ್‌ರಷ್ ರಾಲಿಯ ಸಂಸ್ಥಾಪಕರಾದ ಬೆಂಜಮಿನ್ ಬೆನ್ ಸೇನ್‌ರವರು. ವರದಿಗಳ ಪ್ರಕಾರ, ಈ ಅಪಘಾತದಿಂದಾಗಿ ಕಾರು ತೀವ್ರವಾಗಿ ಹಾನಿಯಾಗಿದ್ದು, ಸುಮಾರು 12 ಕಾರುಗಳು ಹಾಗೂ ಒಬ್ಬರು ಪಾದಚಾರಿ ಅಪಘಾತಕ್ಕೀಡಾಗಿದ್ದಾರೆ.

ಅಪಘಾತದ ಫೋಟೋವನ್ನು ಗಮನಿಸಿದಾಗ ಘಟನೆಯ ತೀವ್ರತೆಯ ಬಗ್ಗೆ ತಿಳಿಯುತ್ತದೆ. ಈ ಅಪಘಾತ ಸಂಭವಿಸಿದಾಗ ಬೆಂಜಮಿನ್‌ರವರು ಆಲ್ಕೊಹಾಲ್ ಸೇವಿಸಿದ್ದರು ಎಂದು ಹೇಳಲಾಗಿದ್ದು, ಪೊಲೀಸರು ಅದನ್ನು ಖಚಿತಪಡಿಸಿದ್ದಾರೆ. ಈ ಘಟನೆ ಏಪ್ರಿಲ್ 7ರಂದು ನಡೆದಿದೆ.

MOST READ:ಕರೋನಾದಿಂದ ಬೈಕ್ ಕಳೆದುಕೊಂಡ ಯುವಕನಿಗೆ ಸರ್ ಪ್ರೈಸ್ ಗಿಫ್ಟ್ ನೀಡಿದ ಟಿವಿಎಸ್

ಈ ಪ್ರಬಲವಾದ ಪೋರ್ಷೆ ಕ್ಯಾರೆರಾ ಜಿಟಿ ಕಾರನ್ನು ಕಾರ್ಬೆಲ್ಲಾ ಕಾರ್ ಟ್ಯೂನಿಂಗ್ ಮೂಲಕ ಬೆಂಜಮಿನ್‌ರವರು ಮತ್ತಷ್ಟು ಬಲಶಾಲಿಯಾಗಿ ಮಾಡಿಫೈಗೊಳಿಸಿದ್ದರು. ಇದರಿಂದಾಗಿ ಈ ಕಾರು ಮೊದಲಿಗಿಂತ ಹೆಚ್ಚು ಪವರ್ ಉತ್ಪಾದಿಸುತ್ತದೆ. ಇದು ಸಹ ಅಪಘಾತಕ್ಕೆ ಕಾರಣವಾಗಿದೆ.

ಬೆಂಜಮಿನ್‌ರವರು ಇದಕ್ಕಿಂತ ಹೆಚ್ಚು ಶಕ್ತಿಶಾಲಿಯಾದ ಕಾರುಗಳನ್ನು ಓಡಿಸಿರುವ ಅನುಭವವನ್ನು ಹೊಂದಿದ್ದಾರೆ. ಆದರೂ ಈ ಘಟನೆ ನಡೆದಿದೆ. ಅವರು ಕುಡಿದಿದ್ದ ಕಾರಣಕ್ಕೆ ಸಾರ್ವಜನಿಕ ರಸ್ತೆಯಲ್ಲಿ ಅತಿ ವೇಗವಾಗಿ ಕಾರು ಚಾಲನೆ ಮಾಡಿದ್ದಾರೆ.

MOST READ:ವಾಹನ ಸವಾರರ ಕಾಲಿಗೆ ಬೀಳುತ್ತೇನೆಂದ ಸಂಚಾರಿ ಪೊಲೀಸ್, ಕಾರಣವೇನು ಗೊತ್ತಾ?

ಇದರಿಂದಾಗಿ ಕಾರ್ ಅನ್ನು ಕಂಟ್ರೋಲ್ ಮಾಡಲು ಸಾಧ್ಯವಾಗಿಲ್ಲ. ಈ ಕಾರಣಕ್ಕೆ ಕ್ಯಾರೆರಾ ಜಿಟಿ ಕಾರು ರಸ್ತೆಬದಿಯಲ್ಲಿ ಪಾರ್ಕ್ ಮಾಡಲಾಗಿದ್ದ ಬೇರೆ ಕಾರುಗಳಿಗೆ ಗುದ್ದಿದೆ. ಈ ಅಪಘಾತದ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಬೆಂಜಮಿನ್‌ರವರು ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ಫಾಲೋವರ್ಸ್ ಹೊಂದಿರುವುದರಿಂದ, ಅವರ ಅಭಿಮಾನಿಗಳು ಕೂಡ ಈ ಘಟನೆಯ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. 33 ವರ್ಷದ ಬೆಂಜಮಿನ್ ಹಲವಾರು ಹೈಸ್ಪೀಡ್ ಕಾರುಗಳನ್ನು ಹೊಂದಿದ್ದಾರೆ.

MOSTREAD: ವಾಹನ ಉತ್ಪಾದನೆ ಸ್ಥಗಿತದಿಂದಾಗಿ ಸಾವಿರಾರು ಕೋಟಿ ನಷ್ಟ

ಮಿರಾಜ್ ಜಿಟಿಯಂತಹ ಹಲವಾರು ದುಬಾರಿ ಕಾರುಗಳನ್ನು ಹೊಂದಿದ್ದಾರೆ. ಅವುಗಳಲ್ಲಿ ಈ ಪೋರ್ಷೆ ಕ್ಯಾರೆರಾ ಸಹ ಒಂದು. ಅಪಘಾತದಲ್ಲಿ ಭಾರಿ ಪ್ರಮಾಣದಲ್ಲಿ ನಜ್ಜುಗುಜ್ಜಾಗಿ ಈ ಕಾರಿನ ಸುರಕ್ಷತೆಯ ಬಗ್ಗೆ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ಅಪಘಾತಕ್ಕೀಡಾದ ಈ ಸ್ಥಳದಲ್ಲಿರುವ ಜನರು ಕಾರುಗಳ ಬಗ್ಗೆ ವಿಪರೀತ ಎನ್ನುವಷ್ಟು ಕ್ರೇಜ್ ಹೊಂದಿದ್ದಾರೆ.

ಈ ಕಾರುಗಳನ್ನು ನೈಜ ಸಾಮರ್ಥ್ಯಕ್ಕಿಂತ ಹೆಚ್ಚಿನ ಪವರ್ ನೀಡುವಂತೆ ಮಾಡಿಫೈ ಮಾಡಲಾಗಿದೆ. ಮಾಡಿಫೈ ಮಾಡುವ ಕಾರುಗಳನ್ನು ಸಾರ್ವಜನಿಕ ರಸ್ತೆಯಲ್ಲಿ ಓಡಿಸಲು ಕಷ್ಟವಾಗುತ್ತದೆ.

MOSTREAD: ರಾಷ್ಟ್ರೀಯ ಹೆದ್ದಾರಿ ನಿರ್ಮಾಣದಲ್ಲಿ ಹೊಸ ದಾಖಲೆ ಬರೆದ ಕೇಂದ್ರ ಸರ್ಕಾರ

ಬೆಂಜಮಿನ್‌ರವರು ರಾಲಿಗಳಲ್ಲಿ ಭಾಗವಹಿಸುವ ಕಾರಣಕ್ಕೆ ಇದಕ್ಕಿಂತ ಹೈಸ್ಪೀಡ್ ಕಾರುಗಳನ್ನು ಸಹ ಚಾಲನೆ ಮಾಡಬಲ್ಲರು. ಆದರೆ ಮದ್ಯ ಸೇವಿಸಿ ಕಾರು ಚಾಲನೆ ಮಾಡಿದ ಕಾರಣಕ್ಕೆ ಅಪಘಾತಕ್ಕೀಡಾಗಿದ್ದಾರೆ.