ಮೊದಲ ಹಾರಾಟವನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ ಬೋಯಿಂಗ್ 737-10 ವಿಮಾನ

ವಿಮಾನವು ಈಗ ತನ್ನ ಮೊದಲ ಯಾನವನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದೆ. ವಿಮಾನವು ವಾಷಿಂಗ್ಟನ್‌ನ ರೆಂಟನ್ ಫೀಲ್ಡ್‌ನಿಂದ ಬೆಳಿಗ್ಗೆ 10.07ಕ್ಕೆ ಹೊರಟು ಮಧ್ಯಾಹ್ನ 12.38ಕ್ಕೆ ಸಿಯಾಟಲ್‌ಗೆ ಬಂದಿಳಿಯಿತು. ಈ ವಿಮಾನವು ಹಾರಾಟ ನಡೆಸುತ್ತಿರುವುದು ಇದೇ ಮೊದಲು. ಈ ಕಾರಣಕ್ಕೆ ಬೋಯಿಂಗ್ ಈ ಹಾರಾಟವನ್ನು ಆಚರಿಸುತ್ತಿದೆ.

ಈ ವಿಮಾನವನ್ನು ಮುಖ್ಯ ಪೈಲಟ್ ಕ್ಯಾಪ್ಟನ್ ಜೆನ್ನಿಫರ್ ಹೆಂಡರ್ಸನ್ ಚಾಲನೆ ಮಾಡಿದರು. ಇದೊಂದು ಸುಂದರ ಘಟನೆಯಾಗಿದೆ. ಬೋಯಿಂಗ್ 737-10 ಎಲ್ಲಾ ರೀತಿಯಲ್ಲೂ ಉತ್ತಮ ಪ್ರದರ್ಶನ ನೀಡಿತು ಎಂದು ಅವರು ವಿಮಾನ ಚಾಲನೆ ನಂತರ ಹೇಳಿದರು.

ವಿಮಾನಕ್ಕೆ ಸೇರಿಸಲಾದ ಹೊಸ ತಂತ್ರಜ್ಞಾನಗಳು ವಿಮಾನವನ್ನು ನಿಯಂತ್ರಿಸಲು ಹಾಗೂ ಉತ್ತಮ ನಿಯಂತ್ರಣವನ್ನು ಒದಗಿಸಲು ನೆರವಾಗುತ್ತಿವೆ ಎಂದು ಅವರುಹೇಳಿದರು. ಬೋಯಿಂಗ್ 737-10, 230 ಸೀಟುಗಳನ್ನು ಹೊಂದಿರುವ ಅತಿದೊಡ್ಡ ವಿಮಾನವಾಗಿದೆ.

ಈ ವಿಮಾನವನ್ನು ಈಗ ಬಳಕೆಯಲ್ಲಿರುವ 177ರಿಂದ 220 ಸೀಟುಗಳನ್ನು ಹೊಂದಿರುವ 737-9 ವಿಮಾನ ಹಾಗೂ 185 ರಿಂದ 240 ಸೀಟುಗಳನ್ನು ಹೊಂದಿರುವ ಎ 1851 ನಿಯೋ ನಡುವೆ ಹೊಂದಿಕೊಳ್ಳುವಂತೆ ವಿನ್ಯಾಸಗೊಳಿಸಲಾಗಿದೆ.

ಈ ಹೊಸ ವಿಮಾನವು ಜೆಟ್‌ಗಳಂತೆಯೇ 3,300 ನಾಟಿಕಲ್ ಮೈಲುಗಳಷ್ಟು (ಗಂಟೆಗೆ 6,100 ಕಿಮೀ) ವೇಗದಲ್ಲಿ ಚಲಿಸಬಲ್ಲದು. 737-10 ವಿಮಾನವನ್ನು ಇಂಧನ ಆರ್ಥಿಕತೆ, ಕಡಿಮೆ ಮಾಲಿನ್ಯ ಹೊರಸೂಸುವಿಕೆ ಹಾಗೂ ಶಬ್ದ ಮಾನ್ಯತೆ ಸಾಮರ್ಥ್ಯಗಳೊಂದಿಗೆ ವಿನ್ಯಾಸಗೊಳಿಸಲಾಗಿದೆ ಎಂದು ಕಂಪನಿ ಹೇಳಿಕೊಂಡಿದೆ.

ಈ ಹೊಸ ದೈತ್ಯ ವಿಮಾನವು ಈಗ ಬಳಕೆಯಲ್ಲಿರುವ ವಿಮಾನಕ್ಕಿಂತ 14%ನಷ್ಟು ಕಡಿಮೆ ಮಾಸ್ ಹಾಗೂ 50%ನಷ್ಟು ಕಡಿಮೆ ಸೌಂಡ್ ಮಾಸ್ ಅನ್ನು ಹೊರಸೂಸುತ್ತದೆ. ಈ ವಿಮಾನವು ಇನ್ನೂ ಹಲವಾರು ಪರೀಕ್ಷೆಗಳಿಗೆ ಒಳಪಡಬೇಕಾಗಿದೆ.

ಈಗ ಮೊದಲ ಹಂತದ ಪರೀಕ್ಷೆಗೆ ಒಳಪಟ್ಟಿದೆ. ಬೋಯಿಂಗ್ 737-10 ವಿಮಾನವು 2023ರಿಂದ ಸೇವೆಗೆ ಸಿದ್ದವಾಗುವ ನಿರೀಕ್ಷೆಗಳಿವೆ. ಕಂಪನಿಯು ಈ ಬಗ್ಗೆ ಸಕ್ರಿಯವಾಗಿ ಕಾರ್ಯನಿರ್ವಹಿಸುತ್ತಿದೆ.

ಈ ಬಗ್ಗೆ ಮಾತನಾಡಿರುವ ಕಂಪನಿಯ ಅಧ್ಯಕ್ಷ ಹಾಗೂ ಸಿಇಒ ಸ್ಟಾನ್ ಡೀಲ್, ನಮ್ಮ ತಂಡವು ವಿಶ್ವದ ಅತ್ಯುತ್ತಮ ಗುಣಮಟ್ಟದ ಮತ್ತು ವಿಶ್ವಾಸಾರ್ಹ ವಿಮಾನವನ್ನು ವಿನ್ಯಾಸಗೊಳಿಸಲು ಬದ್ಧವಾಗಿದೆ.

ವಿಮಾನವು ಹೆಚ್ಚು ವಿಶಾಲವಾಗಿದ್ದು, ಹೆಚ್ಚು ಇಂಧನ ದಕ್ಷತೆ ಹಾಗೂ ಸಹ ಪ್ರಯಾಣಿಕರಿಗೆ ಅನಾನುಕೂಲವಾಗದಂತೆ ವಿನ್ಯಾಸಗೊಳಿಸಲಾಗಿದೆ ಎಂದು ಹೇಳಿದರು. ಈ ವಿಮಾನವು ಅತ್ಯುತ್ತಮ ವಿಮಾನವಾಗುವ ನಿರೀಕ್ಷೆಗಳಿವೆ.