ಭೀಕರ ರಸ್ತೆ ಅಪಘಾತ; ಖ್ಯಾತ ಫುಟ್ಬಾಲಿಗ ಪಾರು

ರಷ್ಯಾ ಫುಟ್ಬಾಲ್ ಆಟಗಾರ ಆಂಡ್ರೆ ಯೆಶೆಂಕೊ ಎಂಬವರೇ ಇಂತಹದೊಂದು ಎಡವಟ್ಟು ಮಾಡಿದ್ದಾರೆ. ಕಾರು ಅತಿ ವೇಗದಲ್ಲಿ ಚಾಲನೆ ಮಾಡಿರುವುದೇ ಅಪಘಾತಕ್ಕೆ ಕಾರಣವಾಗಿದೆ.

ಈ ಸಂದರ್ಭದಲ್ಲಿ ಚಾಲಕನ ನಿಯಂತ್ರಣ ತಪ್ಪಿ ರಸ್ತೆ ಬದಿಯಲ್ಲಿದ್ದ ಪೋಸ್ಟ್ ಗೆ ರಭಸದಲ್ಲಿ ಢಿಕ್ಕಿ ಹೊಡೆದಿತ್ತು.

ಇನ್ನೇನು ನೋಡುವಷ್ಟರಲ್ಲಿ ದುಬಾರಿ ಕಾರು ರಸ್ತೆಯಲ್ಲಿ ಪೀಸ್ ಪೀಸ್ ಆಗಿ ಹೋಗಿದ್ದವು.

31ರ ಹರೆಯದ ಆಂಡ್ರೆ 2014ರ ರಷ್ಯಾ ವಿಶ್ವಕಪ್ ತಂಡದ ಸದ್ಯಸರೂ ಆಗಿದ್ದರು. ಈಗ ರಸ್ತೆಯಲ್ಲಿ ಫುಟ್ಬಾಲ್ ಕಸರತ್ತು ಮಾಡಲು ಹೊರಟು ಎಡವಟ್ಟು ಮಾಡಿದ್ದಾರೆ.

ಪ್ರಸ್ತುತ ವೀಡಿಯೊ ಟ್ರಾಫಿಕ್ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಫುಟ್ಬಾಲಿಗ ಓಡಿಸಿರುವುದು ನಿಸ್ಸಾನ್ ಜಿಟಿಆರ್ ಕಾರು ಎಂಬುದು ಸ್ಪಷ್ಟವಾಗಿದೆ.

ಆಂಡ್ರೆ ಗಂಟೆಗೆ 170ಕ್ಕೂ ಹೆಚ್ಚು ವೇಗದಲ್ಲಿ ಗಾಡಿ ಚಲಾಯಿಸುತ್ತಿದ್ದರು. ಆದರೆ ಅಚ್ಚರಿಯೆಂಬಂತೆ ಚಾಲಕ ಕೂಲಾಗಿ ಎದ್ದು ಬಂದಿದ್ದಾರೆ.

ಈ ವೀಡಿಯೋವನ್ನು ನೀವು ಸೂಕ್ಷ್ಮವಾಗಿ ಗಮನಿಸಿದರೆ ನಿಮಗಿದು ಕಂಡುಬರಲಿದೆ. ಬಹುಶ: ಆಂಡ್ರೆ ಅವರ ಅದೃಷ್ಟ ಚೆನ್ನಾಗಿತ್ತೆನೋ?

ಇವೆಲ್ಲಕ್ಕಿಂತಲೂ ಮಿಗಿಲಾಗಿ ಆಂಡ್ರೆಗೆ ಯಾವುದೇ ಗಾಯಗಳಾಗಿಲ್ಲ ಎಂಬುದು ಇನ್ನಷ್ಟು ಕುತೂಹಲ ಮೂಡಿಸಿದೆ.

ಬಳಿಕ ನಡೆದ ಪ್ರಾಥಮಿಕ ವಿಚಾರಣೆಯಲ್ಲಿ ಚಾಲಕ ಮದ್ಯ ಸೇವಿಸಿ ವಾಹನ ಚಾಲನೆ ಮಾಡಿರುವುದು ಕಂಡುಬಂದಿದೆ.

ಈ ಬಗ್ಗೆ ಪೊಲೀಸರು ಕೇಸು ದಾಖಲಿಸಿಕೊಂಡಿದ್ದು, ತನಿಖೆ ಪ್ರಗತಿಯಲ್ಲಿದೆ.