ಕೆಂಪು ಕಲರ್ ಸಚಿನ್ ಫೇವರಿಟ್ ಬಣ್ಣವೇ? ಬಿಎಂಡಬ್ಲ್ಯು ಐ8 ಅದಲು-ಬದಲು

ಬಿಎಂಡಬ್ಲ್ಯು ಐ8 ಕಾರಿಗೆ ಕೆಂಪು ವರ್ಣ ಬಳಿಯುವುದರೊಂದಿಗೆ ವಿಶೇಷವಾಗಿ ಮಾರ್ಪಾಡುಗೊಳಿಸಿದ ದೇಶದ ಮೊದಲ ಐ8 ಕಾರೆಂಬ ಗೌರವಕ್ಕೆ ಸಚಿನ್ ಕಾರು ಪಾತ್ರವಾಗಿದೆ.

ನಿಮ್ಮ ಮಾಹಿತಿಗಾಗಿ 2015 ಫೆಬ್ರವರಿ ತಿಂಗಳಲ್ಲಿ ಬಿಎಂಡಬ್ಲ್ಯು ಐ8 ಕಾರು ಭಾರತದಲ್ಲಿ ಬಿಡುಗಡೆಗೊಂಡಿತ್ತು. ಬಿಡುಗಡೆ ದಿನದಂತೆ ಸಚಿನ್ ಅವರಿಗೆ ಶ್ವೇತ ವರ್ಣದ ಐ8 ಕಾರಿನ ಕೀಲಿ ಹಸ್ತಾಂತರಿಸಲಾಗಿತ್ತು. ತನ್ಮೂಲಕ ಐ8 ಹೈಬ್ರಿಡ್ ಕಾರು ಹೊಂದಿದ ದೇಶದ ಮೊದಲ ಮಾಲಿಕ ಎಂಬ ಗೌರವಕ್ಕೂ ಪಾತ್ರವಾಗಿದ್ದರು.

ಇದು 1.5 ಲೀಟರ್ ಬಿಎಂಡಬ್ಲ್ಯು ಟ್ವಿನ್ ಪವರ್ ಟರ್ಬೊ ಪೆಟ್ರೋಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದೆ. ಅಲ್ಲದೆ ಎಲೆಕ್ಟ್ರಿಕ್ ಮೋಟಾರು ಕೂಡಾ ಇರಲಿದೆ. ಇವೆರಡು ಸೇರಿ ಗರಿಷ್ಠ 370 ಅಶ್ವಶಕ್ತಿ ಉತ್ಪಾದಿಸಲಿದ್ದು, 4.4 ಸೆಕೆಂಡುಗಳಲ್ಲೇ ಗಂಟೆಗೆ 0-100 ಕೀ.ಮೀ. ವೇಗದಲ್ಲಿ ಚಲಿಸಲಿದೆ. ಅಂತೆಯೇ ಗರಿಷ್ಠ ಗಂಟೆಗೆ 250 ಕೀ.ಮೀ. ವೇಗವನ್ನು ಪಡೆಯಲಿದೆ.

ಬರಿ ಬ್ಯಾಟರಿಯಲ್ಲಿ ಮಾತ್ರವಾಗಿ ಬಿಎಂಡಬ್ಲ್ಯು ಐ8 ಗಂಟೆಗೆ 120 ಕೀ.ಮೀ ವೇಗವನ್ನು ಕಾಪಾಡಿಕೊಳ್ಳಲಿದ್ದು, 35 ಕೀ.ಮೀ. ವ್ಯಾಪ್ತಿಯ ವರೆಗೆ ಸಂಚರಿಸಬಹುದಾಗಿದೆ.

ಹೈಬ್ರಿಡ್ ವ್ಯವಸ್ಥೆಯಿಂದಾಗಿ ಬಿಎಂಡಬ್ಲ್ಯು ಐ8 ಪ್ರತಿ ಲೀಟರ್ ಗೆ 47.45 ಕೀ.ಮೀ. ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿದ್ದು, ದೇಶದಲ್ಲೇ ಅತಿ ಹೆಚ್ಚು ಇಂಧನ ಕ್ಷಮತೆ ಕಾಪಾಡಿಕೊಂಡಿದೆ.

ಜಾಗತಿಕ ಮಟ್ಟದಲ್ಲೂ ಸದ್ದು ಮಾಡಿರುವ ಬಿಎಂಡಬ್ಲ್ಯು ಐ8, ಕಳೆದ ವರ್ಷದಲ್ಲಿ ವಿಶ್ವ ಹಸಿರು ಕಾರು ಪ್ರಶಸ್ತಿಗೂ ಭಾಜನವಾಗಿತ್ತು.

ಅಂದ ಹಾಗೆ ಭಾರತದಲ್ಲಿ ಬಿಎಂಡಬ್ಲ್ಯು ಐ8 ಹೈಬ್ರಿಡ್ ಸೂಪರ್ ಕಾರು ಎಕ್ಸ್ ಶೋ ರೂಂ ಬೆಲೆಯ ಪ್ರಕಾರ 2.29 ಕೋಟಿ ರುಪಾಯಿಗಳಷ್ಟು ದುಬಾರಿಯೆನಿಸುತ್ತದೆ.