ಸುಜುಕಿ ಆಕ್ಸೆಸ್‌ನಲ್ಲೊಂದು ಸಲ್ಲು ಜಾಲಿ ರೈಡ್

By Nagaraja

Published: Saturday, October 19, 2013, 17:17 [IST]

ಸದಾ ಒಂದಲ್ಲೊಂದು ಪ್ರಸಂಗಕ್ಕಾಗಿ ಸುದ್ದಿಯಲ್ಲಿರುವ ಬಾಲಿವುಡ್‌ನ ಫೇವರಿಟ್ ನಟ ಸಲ್ಮಾನ್ ಖಾನ್, ಇತ್ತೀಚೆಗಷ್ಟೇ ರೇಂಜ್ ರೋವರ್ ಕಾರು ಬಗ್ಗೆ ಅತೃಪ್ತಿ ವ್ಯಕ್ತಪಡಿಸಿರುವುದು ಆಟೋ ವಲಯದಲ್ಲಿ ಭಾರಿ ಚರ್ಚೆಗೆ ಗ್ರಾಸವಾಗಿತ್ತು.

ಸಲ್ಮಾನ್ ಈ ಬಾರಿ ಕೆಟ್ಟ ಸುದ್ದಿಗಾಳಿಗಾಗಿ ಪ್ರಚಾರ ಪಡೆದಿಲ್ಲ. ಬದಲಾಗಿ ಅವರ ಅಭಿನಯದ ನೂತನ ಜಯ್ ಹೋ ಚಿತ್ರದಲ್ಲಿ ಸಲ್ಮಾನ್ ಸುಜುಕಿ ಸ್ಕೂಟರ್ ಬಳಸಿಕೊಂಡಿರುವುದು ಕುತೂಹಲ ಹುಟ್ಟಿಸಲು ಕಾರಣವಾಗಿದೆ.

ಸುಜುಕಿ ಆಕ್ಸೆಸ್ 125 ಸ್ಕೂಟರ್‌ನಲ್ಲಿ ಚಕ್ಕಂದವಾಡುವ ಸಲ್ಮಾನ್ ವಿಶೇಷ ಹಾವಭಾವ ಹೆಚ್ಚು ಆಕರ್ಷಣೆಗೆ ಕಾರಣವಾಗಿದೆ. ಚಿತ್ರದಲ್ಲಿ ಸಲ್ಮಾನ್ ನಾಯಕಿಯಾಗಿ ತಬು ಕಾಣಿಸಿಕೊಂಡಿದ್ದಾರೆ.

ಸದ್ಯ ಬಾಲಿವುಡ್‌ನಲ್ಲಿ ದಕ್ಷಿಣ ಭಾರತದ ಚನಲಚಿತ್ರಗಳು ಹೆಚ್ಚುತ್ತಿದ್ದು, ಮುಂದಿನ ವರ್ಷ ಬಿಡುಗಡೆಯಾಗಲಿರುವ ಪ್ರಸ್ತುತ ಜೈ ಹೋ ಕೂಡಾ ರಿಮೇಕ್ ಚಿತ್ರವಾಗಿದೆ. ಇದರ ಮೂಲ ತೆಲುಗಿನಿಂದ ಮೆಗಾ ಸ್ಟಾರ್ ಚಿರಂಜೀವಿ ಅಭಿನಯದ ಸ್ಟಾಲಿನ್‌ನಿಂದ ಪಡೆಯಲಾಗಿದೆ.

ಸುಜುಕಿ ಆಕ್ಸೆಸ್‌ನಲ್ಲೊಂದು ಸಲ್ಲು ಜಾಲಿ ರೈಡ್

ನಿಮಗೆಲ್ಲರಿಗೂ ತಿಳಿದಿರುವ ಹಾಗೆ ಸಲ್ಮಾನ್ ಬೈಕ್ ರೈಡಿಂಗ್ ಕಲೆಯನ್ನು ಉತ್ತಮವಾಗಿ ಕರಗತ ಮಾಡಿಕೊಂಡಿದ್ದರು. ತಮ್ಮ ನೂತನ ಚಿತ್ರದಲ್ಲೂ ಇದನ್ನು ಕಾಣಬಹುದು.

ಬಾಲಿವುಡ್‌ನ ಮೋಸ್ಟ್ ಎಲಿಜಬೆಲ್ ಬ್ಯಾಚುಲರ್ ಎನಿಸಿಕೊಂಡಿರುವ ಸಲ್ಮಾನ್ ಸುಜುಕಿ ಆಕ್ಸೆಸ್ 125 ಸ್ಕೂಟರ್‌ನಲ್ಲಿ ನಟಿಸಿದ್ದಾರೆ.

ಭಾರತ ಮಾರುಕಟ್ಟೆಯಲ್ಲಿ ಸುಜುಕಿ ಆಕ್ಸೆಸ್ 125 ಸ್ಕೂಟರ್ ಬೆಂಗಳೂರು ಎಕ್ಸ್ ಶೋ ದರ 59,738 ರು.ಗಳಾಗಿವೆ.

ವಿಮರ್ಶಕರಿಂದ ಮೆಚ್ಚುಗೆಗೆ ಪಾತ್ರವಾಗಿರುವ ಸುಜುಕಿ ಆಕ್ಸೆಸ್, ಉತ್ತಮ ನಿರ್ವಹಣೆ ನೀಡುವಲ್ಲಿ ಯಶಸ್ವಿಯಾಗಿದೆ. ಹಾಗೆಯೇ ಪ್ರತಿ ಲೀಟರ್‌ಗೆ 40ರಿಂದ 45 ಕೀ.ಮೀ. ಮೈಲೇಜ್ ಕಾಯ್ದುಕೊಳ್ಳುವಲ್ಲಿ ಯಶಸ್ವಿಯಾಗಿದೆ.