ಬಿಎಂಡಬ್ಲ್ಯು ಐಷಾರಾಮಿ ಕಾರು ಖರೀದಿಸಿದ ಜೋಕರ್ ಚಿತ್ರದ ನಟಿ

ಆನ್ ದೇವತೈ ಚಿತ್ರವು ತಮಿಳು ಚಿತ್ರರಂಗದಲ್ಲಿ ರಮ್ಯಾ ಪಾಂಡಿಯನ್‌ರವರಿಗೆ ದೊಡ್ಡ ಮಾರುಕಟ್ಟೆಯನ್ನು ಸೃಷ್ಟಿಸಿತು. ಈ ಚಿತ್ರದಲ್ಲಿ ಅವರು ವಿಭಿನ್ನವಾದ ಪಾತ್ರವನ್ನು ನಿರ್ವಹಿಸಿದ್ದಾರೆ ಎಂಬುದು ಗಮನಾರ್ಹ. ರಮ್ಯಾ ಪಾಂಡಿಯನ್ ಖಾಸಗಿ ಟಿವಿ ಕಾರ್ಯಕ್ರಮಗಳ ಮೂಲಕ ಬಹಳ ಜನಪ್ರಿಯರಾದರು.

ಅವರು ಬಿಗ್ ಬಾಸ್ ಸೇರಿದಂತೆ ಕೆಲವು ಕಾರ್ಯಕ್ರಮಗಳ ಮೂಲಕ ಯುವಜನರು ಹಾಗೂ ಗೃಹಿಣಿಯರ ಮನಸ್ಸನ್ನು ಸೆಳೆದರು. ಈ ಹಿಂದೆ ಅವರು ಕೆಲವು ಹಾಟ್ ಫೋಟೋ ಶೂಟ್ ಮೂಲಕ ಸುದ್ದಿಯಾಗಿದ್ದರು.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಈಗ ನಟಿ ರಮ್ಯಾ ಪಾಂಡಿಯನ್ ದುಬಾರಿ ಬೆಲೆಯ ಬಿಎಂಡಬ್ಲ್ಯು ಜಿಟಿ ಐಷಾರಾಮಿ ಕಾರನ್ನು ಖರೀದಿಸಿ ಮತ್ತೆ ಸುದ್ದಿಯಾಗಿದ್ದಾರೆ. ಅವರ ಸಹೋದರ ಪರಶು ಪಾಂಡಿಯನ್ ತಮ್ಮ ಇನ್ಸ್ಟಾಗ್ರಾಮ್ ಪೇಜ್ ಮೂಲಕ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ.

ರಮ್ಯಾ ಪಾಂಡಿಯನ್ ಬಿಎಂಡಬ್ಲ್ಯು 5 ಸೀರೀಸ್ ಗ್ರ್ಯಾನ್ ಟ್ಯುರಿಸ್ಮೊ ಕಾರಿನ ಹಳೆಯ ತಲೆಮಾರಿನ ಆವೃತ್ತಿಯನ್ನು ಖರೀದಿಸಿದ್ದಾರೆ. ಈ ಐಷಾರಾಮಿ ಕಾರಿನ ಬೆಲೆ ಆರಂಭಿಕ ಎಕ್ಸ್ ಶೋರೂಂ ದರದಂತೆ ರೂ.50 ಲಕ್ಷಗಳಾಗಿದೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಟಾಪ್ ಎಂಡ್ ಮಾದರಿಯ ಬೆಲೆ ಇದಕ್ಕಿಂತ ಹೆಚ್ಚಾಗುತ್ತದೆ. ರಮ್ಯಾ ಪಾಂಡಿಯನ್ ಯಾವ ಮಾದರಿಯನ್ನು ಖರೀದಿಸಿದ್ದಾರೆ ಎಂಬ ಬಗ್ಗೆ ಪರಶು ಪಾಂಡಿಯನ್ ಯಾವುದೇ ಮಾಹಿತಿಯನ್ನು ನೀಡಿಲ್ಲ.

ಈ ಕಾರಣಕ್ಕೆ ಅವರು ಖರೀದಿಸಿರುವ ಕಾರಿನ ನಿಖರವಾದ ಬೆಲೆ, ಎಂಜಿನ್ ಹಾಗೂ ಐಷಾರಾಮಿ ಫೀಚರ್'ಗಳ ಬಗ್ಗೆ ಮಾಹಿತಿ ನೀಡಲು ಸಾಧ್ಯವಾಗುತ್ತಿಲ್ಲ.ಆದರೆ ಅವರ ಸಹೋದರ ಪರಶು ಪಾಂಡಿಯನ್ ಅವರ ಪೋಸ್ಟ್'ನಿಂದ ಕೆಲವು ಸಂಗತಿಗಳು ಹೊರ ಬಂದಿವೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ರಮ್ಯಾ ಪಾಂಡಿಯನ್ 2011ರಲ್ಲಿ ಸರ್ಕಾರಿ ಬಸ್‌ಗಳಲ್ಲಿ ಪ್ರಯಾಣಿಸಿದ್ದರು ಎಂಬ ಸಂಗತಿ ತಿಳಿದು ಬಂದಿದೆ. ಈಗ 2021ರಲ್ಲಿ ಅವರು ತಮ್ಮದೇ ಆದ ಐಷಾರಾಮಿ ಕಾರನ್ನು ಖರೀದಿಸಿದ್ದಾರೆ. ಈ ಬಗ್ಗೆ ರಮ್ಯಾ ಪಾಂಡಿಯನ್ ಸಹೋದರ ಈ ಮಾಹಿತಿಯನ್ನು ಹೆಮ್ಮೆಯಿಂದ ಶೇರ್ ಮಾಡಿದ್ದಾರೆ.

ಪರಶು ಪಾಂಡಿಯನ್ ಒಳ್ಳೆಯದಕ್ಕೆ ಒಳ್ಳೆಯದು ಆಗುತ್ತದೆ ಎಂಬ ಹ್ಯಾಶ್‌ಟ್ಯಾಗ್ ಅನ್ನು ತಮ್ಮ ಪೋಸ್ಟ್‌ನಲ್ಲಿ ಬಳಸಿದ್ದಾರೆ. ರಮ್ಯಾ ಪಾಂಡಿಯನ್ ಅವರ ಸಾಧನೆಯು ಹಲವು ಯುವತಿಯರಿಗೆ ಉತ್ತಮ ನಿದರ್ಶನವಾಗಿದೆ ಎಂದು ಅವರು ಹೇಳಿದ್ದಾರೆ.