ಬಿಗಿಹಗ್ಗದಲ್ಲಿ ಸೈಕಲ್ ಸ್ಟಂಟ್ ವೇಳೆ ಜಾರಿಬಿದ್ದ ಸವಾರ ಸಾವು

ಚೀನಾದ ಹುನಾನ್ ಪ್ರಾಂತ್ಯದಿಂದ ಘಟನೆ ವರದಿಯಾಗಿದ್ದು, ವ್ಯಕ್ತಿಯೋರ್ವ 50 ಮೀಟರ್ ಗಳಷ್ಟು ಎತ್ತರದಲ್ಲಿ ಬಿಗಿ ಹಗ್ಗದ ಮೇಲೆ ಸೈಕಲ್ ನಲ್ಲಿ ಸ್ಟಂಟ್ ಶೋ ನೀಡಲು ಯತ್ನಿಸುತ್ತಿರುವ ಮೇಲೆ ಸಮತೋಲನ ತಪ್ಪಿ ಕೆಳಕ್ಕೆ ಜಾರಿ ಬಿದ್ದಿದ್ದಾರೆ.

ಶಾನ್ಸಿ ಪ್ರಾಂತ್ಯದ ನಿವಾಸಿ 40ರ ಹರೆಯದ ಯಾಂಗ್ ಎಂಬವರೇ ಸಾವಿಗೆ ಶರಣಾದ ದುರ್ದೈವಿ. ನೆಲಕ್ಕೆ ಬಿದ್ಧ ರಭಸದಲ್ಲಿ ಬಲವಾದ ಪೆಟ್ಟಾಗಿತ್ತು ಎಂಬುದು ತಿಳಿದು ಬಂದಿದೆ.

ಪ್ರಸ್ತುತ ತನಿಖೆಯನ್ನು ಕೈಗೆತ್ತಿಕೊಂಡಿರುವ ಸ್ಥಳೀಯ ಪೊಲೀಸರು ವ್ಯಕ್ತಿಯು ಸೊಂಟಕ್ಕೆ ಸುರಕ್ಷಾ ಹಗ್ಗವನ್ನು ಬಿಗಿಯಾಗಿ ಧರಿಸಿರಲಿಲ್ಲವೇ ಎಂಬುದರ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ.

ಚೀನಾದಲ್ಲಿ 'ಟೈಟ್ ರೋಪ್ ಬೈಕಿಂಗ್' ‘tightrope biking' ಸಾಹಸ ಕ್ರೀಡೆಯಾಗಿದ್ದು, ಇದಕ್ಕಾಗಿ ವಿಶೇಷ ಪರಿಣತಿ ಪಡೆದ ಸ್ಟಂಟರ್ ಗಳನ್ನು ನೇಮಕ ಮಾಡಲಾಗುತ್ತದೆ.

ಪರ್ವತ ಶಿಖರಗಳಿಗೆ ಅಥವಾ ಉದ್ಯಾನಗಳಿಗೆ ಭೇಟಿ ಕೊಡುವ ಪ್ರವಾಸಿಗರನ್ನು ಆಕರ್ಷಿಸುವ ಸಲುವಾಗಿ ಇಂತಹ ಸ್ಟಂಟ್ ಶೋಗಳನ್ನು ನಡೆಸಿಕೊಡಲಾಗುತ್ತಿದೆ.