Click it and Unblock the Notifications
ಹೊಸ ಕಾರು ಖರೀದಿಗಾಗಿ ಹಳೆಯ ಸೂಪರ್ ಕಾರಿಗೆ ಬೆಂಕಿಯಿಟ್ಟ ಶ್ರೀಮಂತ ಪುತ್ರ
ಶ್ರೀಮಂತರ ದುಡ್ಡಿಗೆ ಲೆಕ್ಕಾಚಾರವಿಲ್ಲವೆಂಬ ಮಾತಿದೆ. ಇದು ಇಲ್ಲಿ ಅಕ್ಷರಶ: ನಿಜವೆನಿಸಿದೆ. ಐಷಾರಾಮಿ ಕಾರೊಂದರ ಖರೀದಿಗಾಗಿ ಕೋಟ್ಯಧಿಪತಿಯ ಮಗನೋರ್ವ ಹಳೆಯ ಸೂಪರ್ ಕಾರಿಗೆ ಬೆಂಕಿಯಿಟ್ಟ ಘಟನೆ ವಿದೇಶದಿಂದ ವರದಿಯಾಗಿದೆ.
ಬೇಕು ಬೇಕೆಂತಲೇ ಮೂರು ಕೋಟಿ ರುಪಾಯಿಗಳಷ್ಟು ಬೆಲೆಬಾಳುವ ಫೆರಾರಿ ಸೂಪರ್ ಕಾರಿಗೆ 20ರ ಹರೆಯದ ಯುವಕ ಬೆಂಕಿಯಿಟ್ಟಿದ್ದಾನೆ ಎಂದು ನ್ಯೂಯಾರ್ಕ್ ಡೈಲಿ ನ್ಯೂಸ್ ವರದಿ ಮಾಡಿದೆ.
ಘಟನೆ ಹಿನ್ನೆಲೆ...
ಹೊಸ ಕಾರು ಖರೀದಿಗಾಗಿ ಹಳೆಯ ಕಾರಿನ ಎಕ್ಸ್ ಚೇಂಜ್ ಮಾಡಿಕೊಳ್ಳಲು ಡೀಲರುಗಳ ಬಳಿ ತೆರಳಿದ್ದ ಸ್ವಿಜರ್ಲೆಂಡ್ ಕೋಟ್ಯಧಿಪತಿಯ ಮಗನಿಗೆ ಹಿನ್ನೆಡೆಯಾಗಿತ್ತು.
ಅಪ್ಪನಿಂದ ಉಡುಗೊರೆಯಾಗಿ ಲಭಿಸಿದ್ದ ತಮ್ಮ ಫೆರಾರಿ ಕಾರಿನ ಬದಲು ಫೆರಾರಿ 458 ಇಟಲಿಯಾ ಕಾರು ಖರೀದಿಸುವುದು ಯುವಕನ ಯೋಜನೆಯಾಗಿತ್ತು.
ಆದರೆ ಎಕ್ಸ್ಚೇಂಜ್ ಮಾಡಿಕೊಳ್ಳಲು ನಿರಾಕರಿಸಿದ್ದ ಡೀಲರುಗಳು ಇದಕ್ಕೆ ದುಡ್ಡು ಸಾಕಾಗುವುದಿಲ್ಲ ಉತ್ತರ ಕೊಟ್ಟಿದ್ದರು.
ಇದರಿಂದ ಬೆಸೆತ್ತ ಮಗ ಫೆರಾರಿಗೆ ವಿಮೆ ಗಿಟ್ಟಿಸಿಕೊಳ್ಳುವ ನೆಪದಲ್ಲಿ ತಮ್ಮ ಸ್ನೇಹಿತರ ಜೊತೆಗೂಡಿ ಸೂಪರ್ ಕಾರಿಗೆ ಬೆಂಕಿ ಹಚ್ಚಿದ್ದಾನೆ.
ಆದರೆ ದುರೃಷ್ಟವಶಾತ್ ಈ ಎಲ್ಲ ದೃಶ್ಯಗಳು ಭದ್ರತಾ ಕ್ಯಾಮೆರಾದಲ್ಲಿ ಸೆರೆಹಿಡಿಯಲಾಗಿದ್ದು, ಯುವಕನ ನಿಜ ಬಣ್ಣ ಬಯಲಾಗಿದೆ.
ಒಟ್ಟಿನಲ್ಲಿ ಕಥೆಯ ನೀತಿ ವಾಕ್ಯ ಏನೆಂದರೆ, "ನೀವು ವಿಮೆ ಕ್ಲೈಮ್ ಮಾಡಲು ಬಯಸುವುದಾದ್ದಲ್ಲಿ ಯಾವುದೇ ಕಾರಣಕ್ಕೂ ಭದ್ರತಾ ಕ್ಯಾಮೆರಾಗಳ ಮುಂಭಾಗದಲ್ಲಿ ನಿಂತುಕೊಂಡು ಕಾರಿಗೆ ಬೆಂಕಿ ಹಚ್ಚಿಕೊಳ್ಳಬೇಡಿ".
Continue with Google