ಕಿಕ್ ಸ್ಟಾರ್ಟ್ ಮೂಲಕ ಆನ್ ಆಗುತ್ತದೆ ಈ ಮಿನಿ ಕಾರು

ಫೋಕ್ಸ್‌ವ್ಯಾಗನ್ ಬೀಟಲ್ ಕಾರಿನ ಮಿನಿ ಆವೃತ್ತಿಯನ್ನು ಹೇಗೆ ರಚಿಸಲಾಯಿತು, ಈ ಕಾರಿನಲ್ಲಿ ಯಾವ ಬಿಡಿಭಾಗಗಳನ್ನು ಅಳವಡಿಸಲಾಗಿದೆ ಎಂಬುದಕ್ಕೆ ಸಂಬಂಧಿಸಿದ ಕೆಲವು ವೀಡಿಯೊಗಳನ್ನು ರಾಕೇಶ್ ಬಾಬು ಬಿಡುಗಡೆಗೊಳಿಸಿದ್ದಾರೆ. ಈ ವೀಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ವೀಕ್ಷಿಸಲ್ಪಟ್ಟಿವೆ.

ಈಗ ರಾಕೇಶ್ ಬಾಬು ಇತ್ತೀಚೆಗೆ ಮತ್ತೊಂದು ವೀಡಿಯೊವನ್ನು ಬಿಡುಗಡೆಗೊಳಿಸಿದ್ದಾರೆ. ಈ ವೀಡಿಯೊವನ್ನು ಸುಡಸ್ ಕಸ್ಟಮ್ ಎಂಬ ಯೂಟ್ಯೂಬ್ ಚಾನೆಲ್‌ನಲ್ಲಿ ಪೋಸ್ಟ್ ಮಾಡಲಾಗಿದೆ. ರಾಕೇಶ್ ಬಾಬು ಕಾರಿಗೆ ಬಾಟಲ್ ನಲ್ಲಿ ಪೆಟ್ರೋಲ್ ಹಾಕುತ್ತಿರುವುದನ್ನು ಈ ವೀಡಿಯೊದಲ್ಲಿ ಕಾಣಬಹುದು.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಈ ವೀಡಿಯೊವನ್ನು ಫೋಕ್ಸ್‌ವ್ಯಾಗನ್ ಬೀಟಲ್‌ನ ಮಿನಿ ಆವೃತ್ತಿ ಇನ್ನೂ ಕಾರ್ಯನಿರ್ವಹಿಸುತ್ತಿದೆಯೇ ಎಂಬುದನ್ನು ಪರೀಕ್ಷಿಸುವಾಗ ತೆಗೆಯಲಾಗಿದೆ. ಸುದೀರ್ಘ ವಿರಾಮದ ನಂತರ ರಾಕೇಶ್ ಬಾಬು ಈ ಮಿನಿ ಫೋಕ್ಸ್‌ವ್ಯಾಗನ್ ಬೀಟಲ್ ಕಾರನ್ನು ಚಾಲನೆ ಮಾಡುತ್ತಿರುವ ಕಾರಣಕ್ಕೆ ವೀಡಿಯೊ ಮಾಡಿದ್ದಾರೆ.

ಸಾಮಾನ್ಯವಾಗಿ ಕಾರುಗಳಲ್ಲಿ ಫ್ಯೂಯಲ್ ಟ್ಯಾಂಕ್ ಕ್ಯಾಪ್'ಗಳನ್ನು ಸೈಡ್'ನಲ್ಲಿ ನೀಡಲಾಗಿರುತ್ತದೆ. ಆದರೆ ಈ ಮಿನಿ ಫೋಕ್ಸ್‌ವ್ಯಾಗನ್ ಬೀಟಲ್ ಕಾರಿನ ರೂಫ್ ಮೇಲೆ ಫ್ಯೂಯಲ್ ಟ್ಯಾಂಕ್ ಕ್ಯಾಪ್ ನೀಡಲಾಗಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಈ ಕಾರಿನಲ್ಲಿರುವ ಫ್ಯೂಯಲ್ ಟ್ಯಾಂಕ್ 4 ಲೀಟರ್ ಸಾಮರ್ಥ್ಯವನ್ನು ಹೊಂದಿದೆ. ರಾಕೇಶ್ ಬಾಬು ಈ ವೀಡಿಯೊದಲ್ಲಿ ಈ ಕಾರಿನ ಭಾಗಗಳ ಬಗ್ಗೆ ವಿವರಿಸಿದ್ದಾರೆ. ಈ ಕಾರಿನಲ್ಲಿರುವ ಹೆಡ್‌ಲೈಟ್‌ಗಳನ್ನು ಬಜಾಜ್ ಆಟೋ ರಿಕ್ಷಾದಿಂದ ತೆಗೆದುಕೊಳ್ಳಲಾಗಿದೆ.

ಈ ಕಾರಿನಲ್ಲಿ 2 ಸ್ಟ್ರೋಕ್ ಎಂಜಿನ್‌ ಬಳಸಲಾಗಿದೆ. ಈ ಎಂಜಿನ್ ಅನ್ನು ಸುಜುಕಿ ಸಮುರಾಯ್‌ ಬೈಕಿನಿಂದ ತೆಗೆದುಕೊಳ್ಳಲಾಗಿದೆ. ಇನ್ನು ಟ್ರಾನ್ಸ್'ಮಿಷನ್ ಯೂನಿಟ್ ಅನ್ನು ರಾಕೇಶ್ ಬಾಬುರವರೇ ವಿನ್ಯಾಸಗೊಳಿಸಿದ್ದಾರೆ. ಮಿನಿ ಕಾರ್ ಆಗಿರುವ ಕಾರಣಕ್ಕೆ ಈ ಕಾರಿನಲ್ಲಿ ಕೇವಲ ಇಬ್ಬರು ಮಾತ್ರ ಕುಳಿತುಕೊಳ್ಳಬಹುದು.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಪೆಟ್ರೋಲ್ ತುಂಬಿಸಿದ ನಂತರ ರಾಕೇಶ್ ಬಾಬು ಈ ಕಾರನ್ನು ಸೆಲ್ಫ್ ಸ್ಟಾರ್ಟ್ ಮೂಲಕ ಆನ್ ಮಾಡಲು ಪ್ರಯತ್ನಿಸಿದರು. ಆದರೆ ಕಾರು ಹಲವು ದಿನಗಳಿಂದ ಮೂಲೆಯಲ್ಲಿದ್ದ ಕಾರಣಕ್ಕೆ ಸೆಲ್ಫ್ ಸ್ಟಾರ್ಟ್ ಮೂಲಕ ಆನ್ ಆಗಲಿಲ್ಲ. ಈ ಕಾರಣಕ್ಕೆ ರಾಕೇಶ್ ಬಾಬುರವರ ಸ್ನೇಹಿತರೊಬ್ಬರು ಕಿಕ್‌ಸ್ಟಾರ್ಟ್ ಮೂಲಕ ಕಾರನ್ನು ಆನ್ ಮಾಡಿದರು.

ಸಾಮಾನ್ಯ ಕಾರುಗಳಂತೆ ಈ ಮಿನಿ ಫೋಕ್ಸ್‌ವ್ಯಾಗನ್ ಬೀಟಲ್‌ ಕಾರಿನಲ್ಲಿ ಆಕ್ಸಲರೇಟರ್, ಬ್ರೇಕ್, ಕ್ಲಚ್ ಪೆಡಲ್ ಹಾಗೂ ಗೇರ್ ಲಿವರ್'ಗಳನ್ನು ಅಳವಡಿಸಲಾಗಿದೆ. ಅದ್ಭುತವಾದ ಮಿನಿ ಫೋಕ್ಸ್‌ವ್ಯಾಗನ್ ಬೀಟಲ್ ಕಾರನ್ನು ತಯಾರಿಸಿದ ರಾಕೇಶ್ ಬಾಬು ಅವರನ್ನು ಅಭಿನಂದಿಸಲೇಬೇಕು.