ಮಳೆ ನೀರಿನಲ್ಲಿ ಮುಂದೆ ಸಾಗಲು ಹಿಂದೇಟು ಹಾಕಿದ ಕೋಟಿ ರೂಪಾಯಿ ಕಾರು, ಸರಾಗವಾಗಿ ಮುನ್ನುಗ್ಗಿದ ಟಾಟಾ ಕಾರು

ಅತ್ಯಂತ ದುಬಾರಿ ಹಾಗೂ ಪರಿಣಾಮಕಾರಿ ಕಾರುಗಳಲ್ಲಿ ಒಂದಾದ ವೋಲ್ವೋ ಎಕ್ಸ್‌ಸಿ 90 ಕಾರಿಗೆ ಮಾಡಲು ಸಾಧ್ಯವಾಗದನ್ನು ಮಾಡುವ ಮೂಲಕ ನೆಕ್ಸಾನ್ ಕಾರು ಟಾಟಾ ಕಂಪನಿಗೆ ಹೆಮ್ಮೆ ತಂದಿದೆ. ಭಾರತದ ವಿವಿಧ ಭಾಗಗಳಲ್ಲಿ ಮುಂಗಾರು ಮಳೆ ಆರಂಭವಾಗಿದೆ. ಈ ಮುಂಗಾರು ಮಹಾರಾಷ್ಟ್ರ ಹಾಗೂ ಹರಿಯಾಣ ರಾಜ್ಯಗಳಲ್ಲಿ ಅವಾಂತರವನ್ನು ಸೃಷ್ಟಿಸಿದೆ.

ಮಳೆ ನೀರಿನಿಂದ ಆವೃತವಾಗಿರುವ ರಸ್ತೆಯಲ್ಲಿ ವೋಲ್ವೋ ಎಕ್ಸ್‌ಸಿ 90 ಕಾರು ಸಿಲುಕಿಕೊಂಡಿದೆ. ಆದರೆ ಅದೇ ರಸ್ತೆಯಲ್ಲಿ ಬಂದ ಟಾಟಾ ನೆಕ್ಸಾನ್ ಕಾರು ಸರಾಗವಾಗಿ ಚಲಿಸಿದೆ. ಕಾರಿನೊಳಗಿದ್ದ ಕ್ಯಾಮೆರಾದಲ್ಲಿ ಈ ದೃಶ್ಯ ಸೆರೆಯಾಗಿದೆ.

MOSTREAD: ನ್ಯಾನೋ ಕಾರಿಗೆ ಗುದ್ದಿ ಅಪ್ಪಚ್ಚಿಯಾದ ಹೋಂಡಾ ಸಿಟಿ ಕಾರು

ಮಳೆ ನೀರಿನಲ್ಲಿ ಚಲಿಸಲು ಸಾಧ್ಯವಾಗದೇ ವೋಲ್ವೋ ಎಕ್ಸ್‌ಸಿ 90 ಕಾರು ರಸ್ತೆಯಲ್ಲಿಯೇ ನಿಂತಿರುವುದು ನೆಕ್ಸಾನ್ ಕಾರಿನಲ್ಲಿರುವ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಸಾಮಾನ್ಯವಾಗಿ ನೀರು ನಿಂತಿರುವ ರಸ್ತೆಯಲ್ಲಿ ವಾಹನವನ್ನು ಚಾಲನೆ ಮಾಡುವುದು ಒಳ್ಳೆಯದಲ್ಲ.

ಮಳೆ ನೀರಿನಿಂದ ಆವೃತವಾದ ರಸ್ತೆಯಲ್ಲಿ ಕಾರು ಚಾಲನೆ ಮಾಡಿದರೆ ಕಾರಿನ ಕೆಲವು ಭಾಗಗಳಿಗೆ ಹಾನಿಯಾಗುತ್ತದೆ. ಇವುಗಳ ರಿಪೇರಿಗಾಗಿ ಹೆಚ್ಚು ವೆಚ್ಚವಾಗುತ್ತದೆ. ನೀರು ತುಂಬಿರುವ ರಸ್ತೆಯಲ್ಲಿ ಗುಂಡಿಗಳಿವೆಯೇ ಇಲ್ಲವೇ ಎಂಬುದು ಸಹ ತಿಳಿಯುವುದಿಲ್ಲ.

MOSTREAD: ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ ರೂಫ್ ಸೀಳಿದ ಬಂಡೆ

ಇದರಿಂದ ಹಲವಾರು ಅನಾಹುತಗಳು ಸಂಭವಿಸುವ ಸಾಧ್ಯತೆಗಳಿರುತ್ತವೆ. ಈ ಕಾರಣಕ್ಕೆ ಮಳೆ ನೀರು ನಿಂತಿರುವ ರಸ್ತೆಗಳಲ್ಲಿ ವಾಹನಗಳನ್ನು ಚಾಲನೆ ಮಾಡದಂತೆ ಎಚ್ಚರಿಕೆ ನೀಡಲಾಗುತ್ತದೆ. ಈ ಎಚ್ಚರಿಕೆಯನ್ನು ಮೀರಿ ವಾಹನ ಚಲಾಯಿಸುವ ವಾಹನ ಚಾಲಕರು ವೋಲ್ವೋ ಎಕ್ಸ್‌ಸಿ 90 ಕಾರಿನ ರೀತಿಯಲ್ಲಿ ಸಿಲುಕಿಕೊಳ್ಳಬಹುದು.

ಈ ವೀಡಿಯೊದಲ್ಲಿ ಟೊಯೊಟಾ ಫಾರ್ಚೂನರ್ ಹಾಗೂ ಮರ್ಸಿಡಿಸ್ ಬೆಂಝ್ ಸೇರಿದಂತೆ ಹಲವು ಕಾರುಗಳು ಸಹ ಆ ರಸ್ತೆಯಲ್ಲಿ ಸಂಚರಿಸಲು ಹಿಂದೇಟು ಹಾಕುತ್ತಿರುವುದನ್ನು ಕಾಣಬಹುದು. ಹೆಚ್ಚು ಮಳೆ ನೀರಿನಿಂದ ತುಂಬಿರುವ ರಸ್ತೆಯು ಅಪಾಯಕಾರಿಯಾಗಿರುತ್ತದೆ.

MOSTREAD: ಇನ್ನು ಮುಂದೆ ಈ ಬಣ್ಣದ ಕಾರುಗಳ ನೋಂದಣಿ ಕಾನೂನುಬದ್ದ

ಇದರಿಂದ ದುಬಾರಿ ಕಾರುಗಳಿಗೆ ಹೆಚ್ಚು ತೊಂದರೆಯಾಗುತ್ತದೆ. ಈ ಕಾರಣಕ್ಕೆ ದುಬಾರಿ ಕಾರುಗಳ ಮಾಲೀಕರು ಮಳೆ ನೀರಿನಿಂದ ಆವೃತವಾಗಿರುವ ರಸ್ತೆಯಲ್ಲಿ ಚಲಿಸಲು ಹಿಂದೇಟು ಹಾಕುತ್ತಾರೆ. ಈ ರಸ್ತೆಗಳಲ್ಲಿ ಸಂಚರಿಸುವುದರಿಂದ ಕಾರುಗಳ ಇಸಿಯು ಹಾಳಾಗುವ ಸಾಧ್ಯತೆಗಳಿರುತ್ತವೆ.

ಈ ಕಾರಣಕ್ಕೆ ವೋಲ್ವೋ ಎಕ್ಸ್‌ಸಿ 90 ಕಾರು ಮಾಲೀಕ ಈ ರಸ್ತೆಯಲ್ಲಿ ಚಲಿಸಲು ಹಿಂದೇಟು ಹಾಕಿರಬಹುದು. ವೋಲ್ವೋ ಎಕ್ಸ್‌ಸಿ 90 ಕಾರಿನ ಬೆಲೆ ರೂ. 80ಲಕ್ಷದಿಂದ ರೂ.1.31 ಕೋಟಿಗಳಾಗುತ್ತದೆ.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಆದರೆ ಟಾಟಾ ನೆಕ್ಸಾನ್ ಕಾರು ಕಡಿಮೆ ಬೆಲೆಯನ್ನು ಹೊಂದಿದೆ. ಆದರೂ ಟಾಟಾ ನೆಕ್ಸಾನ್ ಭಾರತದ ಅತ್ಯಂತ ಸುರಕ್ಷಿತ ಕಾರು. ನೆಕ್ಸಾನ್ ಕಾರು ಮಳೆ ನೀರಿನಲ್ಲಿ ಸರಾಗವಾಗಿ ಚಲಿಸುತ್ತಿರುವ ವೀಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.