ಹೀರೋ ಮತ್ತು ಬಜಾಜ್ ನಡುವೆ ಪ್ರೀಮಿಯಂ ಫೈಟ್

ಪ್ರೀಮಿಯಂ ಸೆಗ್ಮೆಂಟ್ ನಲ್ಲಿ ಬಜಾಜ್ ಮೊದಲ ಸ್ಥಾನದತ್ತ ಮುನ್ನುಗುತ್ತಿದೆ. ಇದಕ್ಕೆ ಪೂರಕವಾಗಿ ಹೀರೋ ಹೋಂಡಾ ಪಾಲು ಶೇ. 54ಕ್ಕೆ ಕುಸಿದಿದೆ. ಇದಕ್ಕೂ ಹಿಂದಿನ ಆರ್ಥಿಕ ವರ್ಷದಲ್ಲಿ ಪ್ರೀಮಿಯಂ ಸೆಗ್ಮೆಂಟ್ ನಲ್ಲಿ ಹೀರೋ ಪಾಲು ಶೇ. 59ರಷ್ಟಿತ್ತು ಎಂದು ಎಸ್ಐಎಎಂ ವರದಿ ಹೇಳಿದೆ. ಪ್ರೀಮಿಯಂ ಫೈಟ್ ನಲ್ಲಿ ಬಜಾಜ್ ನಿಧಾನವಾಗಿ ಹೀರೋ ಹೋಂಡಾವನ್ನು ಹಿಂದಿಕ್ಕುತ್ತಿದೆ. ಬಜಾಜ್ ಪ್ಲಾಟೀನಾ ಮತ್ತು ಪ್ರೀಮಿಯಂ ಪಲ್ಸರ್ ನಡುವಿನ ಅನುಪಾತವೀಗ 1:8ರಷ್ಟಿದೆ.

ಮತ್ತೆ ತನ್ನ ಪಾಲನ್ನು ಹೆಚ್ಚಿಸಿಕೊಳ್ಳಲು ಹೀರೋ ಹೋಂಡಾ ಪ್ರಯತ್ನಿಸುತ್ತಿದೆ. ಪ್ರೀಮಿಯಂ ಬೈಕ್ ಮಾರಾಟಕ್ಕಾಗಿ ಹೀರೋ ಹೋಂಡಾ ವಿಶೇಷ ಡೀಲರ್ ಝೋನ್ ಅಳವಡಿಸಲು ಆರಂಭಿಸಿದೆ. ಇಷ್ಟೇ ಅಲ್ಲ. ದ್ವಿಚಕ್ರ ವಾಹನ ಇತಿಹಾಸದಲ್ಲಿ ಮೊತ್ತಮೊದಲ ಬಾರಿಗೆ ಸೆಕೆಂಡ್ ಹ್ಯಾಂಡ್ ಬೈಕ್ ಸೆಗ್ಮೆಂಟ್ ಗೂ ಹೋಂಡಾ ಪ್ರವೇಶಿಸಿದೆ.

ಪ್ರಸಕ್ತ ವಿಶ್ವಕಪ್ ಕ್ರಿಕೆಟ್ ನಿಂದ ಲಾಭ ಪಡೆಯಲು ಉದ್ದೇಶಿಸಿದ ಕಂಪನಿ ಕರಿಜ್ಮಾ ಝಡ್ಎಂಆರ್ ಜಾಹೀರಾತು ಅಭಿಯಾನ ಆರಂಭಿಸಿದೆ. ಜೊತೆಗೆ ಸ್ಪ್ಲೆಂಡರ್ ಪ್ರೊ ಮತ್ತು ಫ್ಯಾಷನ್ ಪ್ರೊ ಮುಂತಾದ ಬೈಕ್ ಗಳಿಗೆ ಹಲವು ಫೀಚರ್ಸ್ ಗಳನ್ನು ಜೋಡಿಸುತ್ತಿದೆ. ಅಂದರೆ ಕಿಕ್ ಸ್ಟಾರ್ಟ್ ಗೆ ಬದಲಾಗಿ ಎಲೆಕ್ಟ್ರಿಕ್ ಸ್ಟಾರ್ಟ್, ಸ್ಪೋಕ್ ವೀಲ್ ಗೆ ಬದಲಾಗಿ ಮಗ್ ವೀಲ್ ಇತ್ಯಾದಿ ನೂತನ ಫೀಚರ್ ಗಳನ್ನು ಅಳವಡಿಸುತ್ತಿದೆ.