ಶೀಘ್ರದಲ್ಲಿ ಮಹೀಂದ್ರ ಹೊಸ ರೊಡಿಯೊ ಸ್ಕೂಟರ್

ಚಿತ್ರಲೋಕ

ಮಹೀಂದ್ರ ರೊಡಿಯೊ ಮೇಲೆ ಕಡಿಮೆ ಮೈಲೇಜ್ ಸ್ಕೂಟರ್ ಎಂಬ ದೂರಿದೆ. ನೂತನ ಪರಿಷ್ಕೃತ ಆವೃತ್ತಿ ಪ್ರಾಯಶಃ ಮೈಲೇಜ್ ಹೆಚ್ಚಿಸಿಕೊಂಡು ಆಗಮಿಸುವ ನಿರೀಕ್ಷೆಯಿದೆ. ನೂತನ ಪರಿಷ್ಕೃತ ರೊಡಿಯೊ ಆರ್‌ಝಡ್ ಸ್ಕೂಟರಿನ ದರ ಸುಮಾರು 45 ಸಾವಿರ ರುಪಾಯಿ ಆಸುಪಾಸಿನಲ್ಲಿರುವ ನಿರೀಕ್ಷೆಯಿದೆ.

"ಶೀಘ್ರದಲ್ಲಿ ಹೊಸ ರೊಡಿಯೊ ಪರಿಚಯಿಸಲು ನಿರ್ಧರಿಸಿದ್ದೇವೆ. ಹೊಸ ರೊಡಿಯೊ ಆರ್ ಝಡ್ ಸ್ಕೂಟರ್ ಹೆಚ್ಚು ಶಕ್ತಿಶಾಲಿ ಸ್ಕೂಟರ್ ಆಗಿದ್ದು, ಅತ್ಯಾಕರ್ಷಕ ಫೀಚರುಗಳೊಂದಿಗೆ ಬರಲಿದೆ. ಯುವ, ಆಧುನಿಕ ದಂಪತಿಗಳಿಗೆ ಈ ಸ್ಕೂಟರ್ ಅಚ್ಚುಮೆಚ್ಚಾಗುವ ನಿರೀಕ್ಷೆ ನಮಗಿದೆ" ಎಂದು ನೂತನ ಸ್ಕೂಟರ್ ಆಗಮನದ ಕುರಿತು ಮಹೀಂದ್ರ ಟೂ ವೀಲರ್ ಮಾರುಕಟ್ಟೆ ವಿಭಾಗದ ವಿರೇನ್ ಪೊಪ್ಲಿ ಹೇಳಿದ್ದಾರೆ.

ಅಮೆರಿಕದ 1,504 ಡಾಲರ್ ವಹಿವಾಟಿನ ಕಂಪನಿ ಮಹೀಂದ್ರ ಗ್ರೂಪಿನ ಭಾರತದ ಅಂಗಸಂಸ್ಥೆ ಮಹೀಂದ್ರ ಟೂವೀಲರ್ಸ್ ಲಿಮಿಟೆಡ್ ದೇಶಕ್ಕೆ ಇನ್ನಷ್ಟು ದ್ವಿಚಕ್ರ ವಾಹನ ಪರಿಚಯಿಸುವುದನ್ನು ಮುಂದುವರೆಸಲಿದೆ ಎಂದು ಅವರು ಹೇಳಿದ್ದಾರೆ.

ಮಹೀಂದ್ರ ದ್ವಿಚಕ್ರವಾಹನ ಕಂಪನಿಯು ಈ ವರ್ಷ ಏಪ್ರಿಲ್ ತಿಂಗಳಿಂದ ಮೇ ತಿಂಗಳ ಅಂತ್ಯದವರೆಗೆ ಸುಮಾರು 19,287 ಯುನಿಟ್ ವಾಹನ ಮಾರಾಟ ಮಾಡಿತ್ತು. ಕಳೆದ ತಿಂಗಳು ಕಂಪನಿಯು ದೇಶದಲ್ಲಿ ಸುಮಾರು 9,096 ಯುನಿಟ್ ದ್ವಿಚಕ್ರ ವಾಹನ ಮಾರಾಟ ಮಾಡಿದೆ.

ದೇಶದಲ್ಲಿ ಕಂಪನಿಯ ರೊಡಿಯೊ ಮತ್ತು ಡ್ಯೊರೊ ಸ್ಕೂಟರ್ ಗ್ರಾಹಕರ ಸಂಖ್ಯೆ ಈಗಾಗಲೇ ಒಂದು ಲಕ್ಷ ಗಡಿ ದಾಟಿದೆ.