ರಾಯಲ್ ಎನ್‌ಫೀಲ್ಡ್ 500 ಆಗಮನ ವಿಳಂಬ, ಯಾಕಂತೆ?

ರಾಯಲ್ ಎನ್‌ಫೀಲ್ಡ್ 500 ನಿರೀಕ್ಷೆಯಲ್ಲಿರುವ ಬುಲೆಟ್ ಪ್ರೀಯರಿಗೆ ಕೊಂಚ ನಿರಾಶೆಯಾಗಬಹುದು. ಯಾಕೆಂದರೆ ಬಹುನಿರೀಕ್ಷಿತ 500ಸಿಸಿ ಬುಲೆಟ್ ಆಗಮನ ತಡವಾಗಲಿದೆ. ಇದು ಪ್ರಸಕ್ತ ವರ್ಷದ ಮಧ್ಯಾವಧಿಯಲ್ಲಿ ಆಗಮಿಸಬೇಕಿತ್ತು. ಈ ಬುಲೆಟನ್ನು 2012ರ ದೆಹಲಿ ವಾಹನ ಪ್ರದರ್ಶನದಲ್ಲಿ ಪ್ರದರ್ಶಿಸಲಾಗಿತ್ತು.

ತಡವೇಕೆ?: ಈಗಾಗಲೇ ಕ್ಲಾಸಿಕ್ ಬುಲೆಟಿಗೆ ಬೇಡಿಕೆ ಹೆಚ್ಚಾಗಿದೆ. ಈ ಪರಿಸ್ಥಿತಿಯಲ್ಲಿ ನೂತನ ಬುಲೆಟ್ ಉತ್ಪಾದನೆ ಸಾಧ್ಯವಿಲ್ಲವೆನ್ನುವ ಕಾರಣಕ್ಕೆ ಕೊಂಚ ತಡವಾಗಿ ನೂತನ ರಾಯಲ್ ಎನ್‌ಫೀಲ್ಡ್ 500 ಪರಿಚಯಿಸಲು ಕಂಪನಿ ನಿರ್ಧರಿಸಿದೆ.

ಈಗಾಗಲೇ ರಾಯಲ್ ಎನ್‌ಫೀಲ್ಡ್ 500 ಬುಲೆಟ್ ಎಲ್ಲಾ ಹಂತದ ಟೆಸ್ಟ್ ಮಾಡಿ ಮುಗಿಸಿದೆ. ಈಗಾಗಲೇ ಚೆನ್ನೈನಲ್ಲಿ ಈ ಬುಲೆಟ್ ಟೆಸ್ಟ್ ಮಾಡಿರುವುದನ್ನು ಡ್ರೈವ್ ಸ್ಪಾರ್ಕ್ ಪತ್ತೆ ಹಚ್ಚಿದೆ. ಆದರೆ ಈಗಾಗಲೇ ಕ್ಲಾಸಿಕ್ 350 ಮತ್ತು ಥಂಡರ್ ಬರ್ಡ್ 350 ಬುಲೆಟುಗಳ ವೇಟಿಂಗ್ ಪಿರೆಯಿಡ್ ಆರು ತಿಂಗಳಿಗಿಂತ ಹೆಚ್ಚಿದೆ.

ಈ ಎರಡು ಬುಲೆಟುಗಳಿಗೆ ಬೇಡಿಕೆ ಹೆಚ್ಚಿರುವುದರಿಂದ ಅಥವಾ ಗ್ರಾಹಕರ ಬೇಡಿಕೆಗೆ ತಕ್ಕಂತೆ ಶೀಘ್ರವಾಗಿ ಗ್ರಾಹಕರಿಗೆ ಪೂರೈಸಲು ಕಂಪನಿಗೆ ಸಾಧ್ಯವಾಗದೆ ಇರುವುದರಿಂದ ಹೊಸ ಬುಲೆಟ್ ಪರಿಚಯಿಸಲು ಕಂಪನಿಯು ತ್ವರೆ ಮಾಡುತ್ತಿಲ್ಲ.

2012ರ ದೆಹಲಿ ವಾಹನ ಪ್ರದರ್ಶನದಲ್ಲಿ ಅನಾವರಣಗೊಂಡ ಈ ಬುಲೆಟ್ ದರ ಸುಮಾರು 1.3 ಲಕ್ಷ ರುಪಾಯಿ ಇರುವ ನಿರೀಕ್ಷೆಯಿದೆ. ಬನ್ನಿ ರಾಯಲ್ ಎನ್ ಫೀಲ್ಡ್ ಥಂಡರ್‌ಬರ್ಡ್ 500 ಬುಲೆಟ್ಟಿನ ಟೆಕ್ ಮಾಹಿತಿ ತಿಳಿದುಕೊಳ್ಳೋಣ.