ಹೊಸ ಪಲ್ಸರ್‌ ನಿರೀಕ್ಷೆಯಲ್ಲಿದ್ದೀರಾ? ಸ್ವಲ್ಪ ಕಾದಿರಿ

ಭಾರತದಲ್ಲಿ ಸ್ಪೋರ್ಟ್ಸ್ ಬೈಕ್ ಅಂದರೆ ಏನೆಂಬುದು ಬಜಾಜ್ ಪಲ್ಸರ್ ಆಗಮನದ ಬಳಿಕ ತಿಳಿಯಿತು. ಒಂದು ಕಾಲದಲ್ಲಿ ಯುವ ಗ್ರಾಹಕರಿಂದ ಹಿಡಿದು ದೊಡ್ಡವರ ವರೆಗೂ ಪಲ್ಸರ್ ಜ್ವರ ಹಬ್ಬಿತ್ತು. ಈ ಮೂಲಕ ದೇಶದ ನಂ.1 ಕ್ರೀಡಾ ಬೈಕ್ ಎಂಬ ಪಟ್ಟ ಗಿಟ್ಟಿಸಿಕೊಂಡಿದ್ದ ಪಲ್ಸರ್ ಮಾರಾಟದ ವಿಚಾರದಲ್ಲಿ ಧೂಳೆಬ್ಬಿಸಿತ್ತು.

ಅಷ್ಟಕ್ಕೂ ನೀವು ಹೊಸ ಪಲ್ಸರ್ ಬೈಕ್ ನಿರೀಕ್ಷೆಯಲ್ಲಿದ್ದೀರಾ? ಇನ್ನು ಸ್ವಲ್ಪ ಕಾದಿರಿ. ದೇಶದ ಮುಂಚೂಣಿಯ ದ್ವಿಚಕ್ರ ವಾಹನ ತಯಾರಿಕ ಸಂಸ್ಥೆಗಳಲ್ಲಿ ಒಂದಾಗಿರುವ ಬಜಾಜ್ ಆಟೋ, ಬಹುಬೇಗನೇ ಹೊಸ ಪಲ್ಸರ್ ಮಾದರಿಯನ್ನು ಬಿಡುಗಡೆ ಮಾಡುವ ಯೋಜನೆಯಲ್ಲಿದೆ.

ಬಲ್ಲ ಮೂಲಗಳ ಪ್ರಕಾರ 2015ನೇ ಸಾಲಿನಲ್ಲಿ ಪಲ್ಸರ್ 200ಎಸ್‌ಎಸ್ ಮತ್ತು 400 ಎಸ್‌ಎಸ್ ಮಾದರಿಗಳನ್ನು ಬಿಡುಗಡೆ ಮಾಡುವ ಯೋಜನೆಯನ್ನು ಬಜಾಜ್ ಸಂಸ್ಥೆ ಹೊಂದಿದೆ. ಸಂಸ್ಥೆಯು ಈಗಾಗಲೇ 200 ಎನ್‌ಎಸ್ ಮಾದರಿಯನ್ನು ಬಿಡುಗಡೆಗೊಳಿಸಿದ್ದು, ಉತ್ತಮ ಪ್ರತಿಕ್ರಿಯೆ ದೊರಕಿದೆ.

400 ಸಿಎಸ್ ಬಜಾಜ್ ಪಾಲಿಗೆ ಮಹತ್ವಕಾಂಕ್ಷೆಯ ಮಾದರಿಯಾಗಲಿದ್ದು, 2014 ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶನ ಕಂಡಿತ್ತು. ಈ ಎಲ್ಲದರ ಮೂಲಕ ಹೋಂಡಾ ಹಾಗೂ ಹೀರೊ ಮಾದರಿಗಳಿಗೆ ಪ್ರತಿಸ್ಪರ್ಧೆ ಒಡ್ಡಲಿದೆ.