ಹೋಂಡಾ ಸಿಬಿಆರ್650ಎಫ್ ಭರ್ಜರಿ ಬಿಡುಗಡೆ

By Nagaraja

Updated: Tuesday, August 4, 2015, 13:57 [IST]

ಅತ್ಯಂತ ಶಕ್ತಿಶಾಲಿ ಹೋಂಡಾ ಸಿಬಿಆರ್650ಎಫ್ ಭಾರತಕ್ಕೆ ಭರ್ಜರಿ ಎಂಟ್ರಿ ಪಡೆದಿದೆ. ಇದು ಹೋಂಡಾ ರೆವ್‌ಫೆಸ್ಟ್ ನಲ್ಲಿ ಬಿಡುಗಡೆ ಮಾಡಿರುವ ಐದು ಹೊಸ ಮಾದರಿಗಳಲ್ಲಿ ಒಂದಾಗಿದೆ.

ಈ ಹಿಂದೆ 2014 ಆಟೋ ಎಕ್ಸ್ ಪೋದಲ್ಲಿ ಭಾರತಕ್ಕೆ ನೂತನ ಸಿಬಿಆರ್650ಎಫ್ ಪರಿಚಯಿಸುವುದಾಗಿ ಹೋಂಡಾ ಭರವಸೆ ನೀಡಿತ್ತು. ಪ್ರಸ್ತುತ ಬೈಕ್ ಕವಾಸಕಿ, ಬೆನೆಲ್ಲಿ, ಹಾರ್ಲೆ ಡೇವಿಡ್ಸನ್, ಹ್ಯೊಸಂಗ್, ಟ್ರಯಂಪ್ ಮತ್ತು ಡುಕಾಟಿ ಮಾದರಿಗಳಿಗೆ ಸ್ಪರ್ಧೆಯೊಡ್ಡಲಿದೆ.

ಬೆಲೆ ಮಾಹಿತಿ

ಭಾರತದಲ್ಲೇ ನಿರ್ಮಾಣವಾಗಿರುವ ಹೋಂಡಾ ಸಿಬಿಆರ್650ಎಫ್ 7.60 ಲಕ್ಷ ರು.ಗಳಷ್ಟು (ಎಕ್ಸ್ ಶೋ ರೂಂ ಮುಂಬೈ) ದುಬಾರಿಯೆನಿಸಲಿದೆ. ಅಲ್ಲದೆ ದೇಶದ ಆಯ್ದ ಹೋಂಡಾ ಡೀಲರ್ ಶಿಪ್ ಗಳಲ್ಲಿ ಮಾತ್ರ ಮಾರಾಟವಾಗಲಿದೆ.