ಕ್ರೆಡಿಟ್, ಡೆಬಿಟ್ ಕಾರ್ಡ್ ಮೂಲಕ ಮಹೀಂದ್ರ ಸೆಂಚುರೊ, ರೊಡಿಯೊ ಬುಕ್ ಮಾಡಿ

ಮಹೀಂದ್ರ ಸಂಸ್ಥೆಯ 16.5 ಬಿಲಿಯನ್ ಅಮೆರಿಕನ್ ಡಾಲರ್‌ನ ಭಾಗವಾಗಿರುವ ಮಹೀಂದ್ರ ಟು ವೀಲರ್ಸ್ ಲಿಮಿಟೆಡ್ (ಎಂಟಿಡಬ್ಲ್ಯುಎಲ್), ಭಾರತದ ಅತಿ ದೊಡ್ಡ ಮೊಬೈಲ್ ವಾಣಿಜ್ಯ ಫ್ಲ್ಯಾಟ್‌ಫಾರ್ಮ್ ಆಗಿರುವ ಪೇಟೈಮ್ ಜೊತೆ ನೂತನ ಒಪ್ಪಂದಕ್ಕೆ ಸಹಿ ಹಾಕಿದ್ದು, ಇದರಂತೆ ಮಹೀಂದ್ರ ಸೆಂಚುರೊ ಬೈಕ್ ಹಾಗೂ ರೊಡಿಯೋ ಯುಝಡ್‌ಒ ಶ್ರೇಣಿಯ ಸ್ಕೂಟರ್‌ಗಳನ್ನು ಇ-ರಿಟೈಲ್ ಮೂಲಕ ಬುಕ್ ಮಾಡಿಕೊಳ್ಳಬಹುದಾಗಿದೆ.

ನಿಮ್ಮ ಕ್ರೆಡಿಟ್ ಅಥವಾ ಡೆಬಿಟ್ ಕಾರ್ಡ್ ಮೂಲಕವೂ ಹೊಸ ಮಹೀಂದ್ರ ಸೆಂಚುರೊ ಅಥವಾ ರೊಡಿಯೋ ಸ್ಕೂಟರ್ ಬುಕ್ ಮಾಡಿಕೊಳ್ಳಬಹುದಾಗಿದೆ. ಪೇಟೈಮ್ ಜೊತೆಯೂ ಪಾಲುದಾರಿಕೆ ಹೊಂದುವ ಮಹಿಂದ್ರ ಇ ಮಾರಾಟದತ್ತವೂ ತನ್ನ ಗಮನ ಕೇಂದ್ರಿಕರಿಸಿದೆ.

ಒಟ್ಟಾರೆಯಾಗಿ ವಾಹನ ಜಗತ್ತಿನಲ್ಲಿ ಸದಾ ಹೊಸತನಕ್ಕೆ ಕಾರಣವಾಗಿರುವ ಮಹೀಂದ್ರವು ಮಗದೊಮ್ಮೆ ನಾವೀನ್ಯತೆಯ ಹಾದಿಯನ್ನು ಅನುಸರಿಸಿದೆ. ಈ ಮೂಲಕ ಗ್ರಾಹಕರ ಮೇಲಿನ ತನ್ನ ಬದ್ಧತೆಯನ್ನು ಪ್ರದರ್ಶಿಸಿದೆ.