ಕ್ರೀಡಾ ಬೈಕ್ ಪ್ರೇಮಿಗಳಿಗೆ ಖುಷಿ ಸುದ್ದಿ; ಬರುತ್ತಿದೆ ಸುಜುಕಿ ಜಿಕ್ಸರ್ 250

ಈಗಾಗಲೇ 150 ಶ್ರೇಣಿಯ ಜಿಕ್ಸರ್ ಬೈಕ್ ಗಳನ್ನು ಪರಿಚಯಿಸುವ ಮೂಲಕ ಹೆಚ್ಚಿನ ಜನಪ್ರಿಯತೆ ಸಾಧಿಸಿರುವ ಜಪಾನ್ ಮೂಲದ ಪ್ರಖ್ಯಾತ ವಾಹನ ತಯಾರಿಕ ಸಂಸ್ಥೆ ಸುಜುಕಿ, 2016 ಆಟೋ ಎಕ್ಸ್ ಪೋದಲ್ಲಿ ಮಗದೊಂದು ಕೊಡುಗೆಯೊಂದಿಗೆ ಮುಂದೆ ಬರುತ್ತಿದೆ.

ಬೈಕ್ ಪ್ರೇಮಿಗಳ ಜೊಲ್ಲು ಭರಿಸುವ ರೀತಿಯಲ್ಲಿ ಈ ಸುದ್ದಿ ಹರಡುತ್ತಿದೆ. ವಿಷಯ ಏನೆಂದರೆ 2016 ಆಟೋ ಎಕ್ಸ್ ಪೋದಲ್ಲಿ ಸುಜುಕಿ ಸಂಸ್ಥೆಯು ಜಿಕ್ಸರ್ 250 ಮಾದರಿಯನ್ನು ಬಿಡುಗಡೆ ಮಾಡಲಿದೆ.

ನಿಮ್ಮ ಮಾಹಿತಿಗಾಗಿ ಜಿಕ್ಸರ್ ಹಾಗೂ ಜಿಕ್ಸರ್ ಎಸ್‌ಎಫ್ ಮಾದರಿಗಳು ಈಗಾಗಲೇ ಮಾರಾಟದಲ್ಲಿದ್ದು, ಅತ್ಯುತ್ತಮ ಬೇಡಿಕೆ ಗಿಟ್ಟಿಸಿಕೊಳ್ಳುತ್ತಿದೆ. ಸುಜುಕಿಯ ರೇಸಿಂಗ್ ತಂಡವು ಇನ್ ಫುಟ್ ತೆಗೆದುಕೊಂಡು ಇದನ್ನು ನಿರ್ಮಿಸಲಾಗಿತ್ತು. ಇತ್ತೀಚೆಗಷ್ಟೇ ಮಿಲಾನ್ ಮೋಟಾರು ಶೋದಲ್ಲಿ ಐಕಾನಿಕ್ ಜಿಎಸ್‌ಎಕ್ಸ್-ಆರ್1000 ಮಾದರಿಯನ್ನು ಅನಾವರಣಗೊಳಿಸಿರುವುದನ್ನು ನೀವಿಲ್ಲಿ ನೆನಪಿಸಿಕೊಳ್ಳಬಹುದಾಗಿದೆ.