ಹೊಸ ವರ್ಷಕ್ಕೆ ಕ್ರೀಡಾ ಬೈಕ್ ಪ್ರೇಮಿಗಳಿಗೆ ಕೆಟಿಎಂ ಉಡುಗೊರೆ

2017 ಕೆಟಿಎಂ ಡ್ಯೂಕ್ 390 ಹೊಸ ವರ್ಷಾರಂಭದಲ್ಲಿ ಅಂದರೆ ಜನವರಿ ತಿಂಗಳಲ್ಲೇ ಬಿಡುಗಡೆಯಾಗಲಿದೆ ಎಂದು ವಾಹನ ಮೂಲಗಳು ಖಚಿತಪಡಿಸಿದೆ.

ಎರಡನೇ ತೆಮಾರಿನ ಕೆಟಿಎಂ ಡ್ಯೂಕ್ 390 ಹಿಂದಿನ ಮಾದರಿಗಿಂತಲೂ ಗಮನಾರ್ಹ ಬದಲಾವಣೆಗಳನ್ನು ಪಡೆದುಕೊಳ್ಳಲಿದೆ. ಇನ್ನು 2017 ಎಪ್ರಿಲ್ ವೇಳೆಯಾಗುವಾಗ ವಿತರಣೆಯಾಗಲಿದೆ.

2017 ಕೆಟಿಎಂ ಡ್ಯೂಕ್ 390 ಬೈಕ್ ನಲ್ಲಿ ಕಂಡುಬರುವ ಪ್ರಮುಖ ಬದಲಾವಣೆಯೆಂದರೆ ಹೆಚ್ಚು ಪರಿಸರ ಸ್ನೇಹಿ ಎನಿಸಿಕೊಳ್ಳಲಿದ್ದು, ಯುರೋ IV ಮಾಲಿನ್ಯ ಮಟ್ಟದ ಎಂಜಿನ್ ಪಡೆಯಲಿದೆ.

ಇದರಲ್ಲಿರುವ 373.2 ಸಿಸಿ ಲಿಕ್ವಿಡ್ ಕೂಲ್ಡ್ ಸಿಂಗಲ್ ಸಿಲಿಂಡರ್ ಎಂಜಿನ್ 37 ಎನ್ ಎಂ ತಿರುಗುಬಲದಲ್ಲಿ 44 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಹಾಗೆಯೇ ಆರು ಸ್ಪೀಡ್ ಗೇರ್ ಬಾಕ್ಸ್ ಇದರಲ್ಲಿರಲಿದೆ.

ಕೆಟಿಎಂ ಡ್ಯೂಕ್ 390 ಅತ್ಯುತ್ತಮ ಹ್ಯಾಂಡ್ಲಿಂಗ್ ಪ್ರದಾನ ಮಾಡಲಿದ್ದು, ದೂರ ಪ್ರಯಾಣಕ್ಕೂ ಹೊಂದಿಕೆಯಾಗುವ ನಿಟ್ಟಿನಲ್ಲಿ 13.4 ಲೀಟರ್ ಇಂಧನ ಟ್ಯಾಂಕ್ ಗಿಟ್ಟಿಸಿಕೊಳ್ಳಲಿದೆ.

ಇನ್ನು ನಿಖರ ಬ್ರೇಕಿಂಗ್ ವ್ಯವಸ್ಥೆಯನ್ನು ಜೋಡಿಸಲಾಗಿದ್ದು, ಮುಂಭಾಗ ಮತ್ತು ಹಿಂಭಾಗದಲ್ಲಿ ಅನುಕ್ರಮವಾಗಿ 320 ಹಾಗೂ 230 ಎಂಎಂ ಡಿಸ್ಕ್ ಬ್ರೇಕ್ ಗಳನ್ನು ಪಡೆಯಲಿದೆ.

ಮಳೆಗಾಲದಲ್ಲಿ ಕೆಟಿಎಂ ಎಕ್ಸಾಸ್ಟ್ ಕೊಳವೆಯೊಳಗೆ ನೀರು ಪ್ರವೇಶಿಸುವ ಬಗ್ಗೆ ವ್ಯಾಪಕ ದೂರುಗಳು ಎದ್ದಿದ್ದವು. ನೂತನ ಮಾದರಿಯಲ್ಲಿ ಇದಕ್ಕೂ ಪರಿಹಾರ ಕಂಡುಹುಡುಕಲಾಗಿದ್ದು, ಸಾಂಪ್ರದಾಯಿಕ ಶೈಲಿಯ ಎಕ್ಸಾಸ್ಟ್ ಕೊಳವೆ ಲಗತ್ತಿಸಲಾಗಿದೆ.

ಇನ್ನು ಎಲ್ ಇಡಿ ಹೆಡ್ ಲೈಟ್, ಎಲ್ ಇಡಿ ಡೇಟೈಮ್ ರನ್ನಿಂಗ್ ಲೈಟ್ಸ್, ಕಲರ್ ಟಿಎಫ್ ಟಿ ಇನ್ಸ್ಟ್ರುಮೆಂಟ್ ಪ್ಯಾನೆಲ್, ಸ್ಮಾರ್ಟ್ ಫೋನ್ ಗಳಲ್ಲಿ ಕೆಟಿಎಂ ಮೈ ರೈಡ್ ಸೇವೆಯು ಲಭ್ಯವಾಗಲಿದೆ.

ಅಷ್ಟೇ ಯಾಕೆ ಬಾಷ್ 9ಎಂಬಿ ಟು ಚಾನೆಲ್ ಎಬಿಎಸ್, ರೈಡ್-ಬೈ-ವೈ ಸಿಸ್ಟಂ ವೈಶಿಷ್ಟ್ಯಗಳನ್ನು ನೂತನ ಕಟಿಎಂ 390 ಬೈಕ್ ಪಡೆಯಲಿದೆ.

ಸದ್ಯ ಮಾರಾಟದಲ್ಲಿರುವ ಕೆಟಿಎಂ ಡ್ಯೂಕ್ ಮುಂಬೈ ಎಕ್ಸ್ ಶೋ ರೂಂ ಬೆಲೆಯ ಪ್ರಕಾರ 2.45 ಲಕ್ಷ ರು.ಗಳಷ್ಟು ದುಬಾರಿಯೆನಿಸುತ್ತದೆ. ಅಂದರೆ ನೂತನ ಬೈಕ್ ಇದಕ್ಕಿಂತಲೂ 20,000 ರು.ಗಳಷ್ಟು ಹೆಚ್ಚು ದುಬಾರಿಯೆನಿಸಲಿದೆ.