ಪವರ್ ಫುಲ್ ಬಿಎಂಡಬ್ಲ್ಯು ಬೈಕ್ ಭಾರತ ಆಗಮನಕ್ಕೆ ಕಾಲ ಸನ್ನಿಹಿತ!

ನಿರ್ಮಾಣ ಸಿದ್ಧ ಮೆಟ್ಯಾಲಿಕ್ ಸ್ಟ್ರಾಡೊ ನೀಲಿ ಬಣ್ಣದ ಬಿಎಂಡಬ್ಲ್ಯು ಜಿ 310 ಆರ್ ಬೈಕ್ ಭಾರತೀಯ ರಸ್ತೆ ಪ್ರವೇಶಿಸಿರುವ ಸುದ್ದಿಗಳು ಪಸರಿಸುತ್ತಿದ್ದಂತೆಯೇ ಭಾರಿ ಪ್ರಚಾರ ಗಿಟ್ಟಿಸಿಕೊಂಡಿದೆ.

ಟಿವಿಎಸ್ ಸಹಯೋಗದಲ್ಲಿ ತಮಿಳಿನಾಡಿನಲ್ಲಿರುವ ಹೊಸೂರು ಘಟಕದಲ್ಲಿ ನಿರ್ಮಾಣವಾಗಲಿರುವ ಬಿಎಂಡಬ್ಲ್ಯು ಜಿ310 ಆರ್ ನಿರ್ಮಾಣವಾಗಲಿದೆ.

ನೂತನ ಬಿಎಂಡ್ಲ್ಯು ಬೈಕ್ 313 ಸಿಸಿ ಸಿಂಗಲ್ ಸಿಲಿಂಡರ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿದ್ದು 28 ಎನ್ ಎಂ ತಿರುಗುಬಲದಲ್ಲಿ 34 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಹಾಗೊಂದು ವೇಳೆ ಮೂರು ಲಕ್ಷ ರು.ಗಳ ಅಸುಪಾಸಿನಲ್ಲಿ ಬಿಡುಗಡೆಯಾದಲ್ಲಿ ನೂತನ ಬಿಎಂಡಬ್ಲ್ಯು ಬೈಕ್ ಕೆಟಿಎಂ ಡ್ಯೂಕ್ ಮತ್ತು ಮಹೀಂದ್ರ ಮೊಜೊ ಮುಂತಾದ ಬೈಕ್ ಗಳಿಗೆ ಕಠಿಣ ಪೈಪೋಟಿಯನ್ನು ಒಡ್ಡಲಿದೆ.

11 ಲೀಟರ್ ಇಂಧನ ಟ್ಯಾಂಕ್ ಹೊಂದಿರುವ ಬಿಎಂಡಬ್ಲ್ಯು ಜಿ 310 ಆರ್ ನಲ್ಲಿ ಆರು ಸ್ಪೀಡ್ ಗೇರ್ ಬಾಕ್ಸ್ ಇರಲಿದೆ.

158 ಕೆ.ಜಿ ಭಾರವನ್ನು ಹೊಂದಿರುವ ಬಿಎಂಡಬ್ಲ್ಯು ನೂತನ ಬೈಕ್ ಗಂಟೆಗೆ ಗರಿಷ್ಠ 145 ಕೀ.ಮೀ. ವೇಗದಲ್ಲಿ ಸಂಚರಿಸುವ ಸಾಮರ್ಥ್ಯ ಹೊಂದಿರುತ್ತದೆ.

ಬಿಎಂಡಬ್ಲ್ಯು ಶಕ್ತಿಶಾಲಿ ಬೈಕ್ ಗಳಾದ ಎಸ್ 1000 ಆರ್ ಆರ್ ಮತ್ತು ಆಱ್ 1200 ಆರ್ ಬೈಕ್ ಗಳಿಂದ ವಿನ್ಯಾಸ ಪ್ರೇರಣೆ ಪಡೆದುಕೊಂಡು ಇದನ್ನು ನಿರ್ಮಿಸಲಾಗಿದೆ.

ಸುರಕ್ಷತೆಗೂ ಹೆಚ್ಚಿನ ಆದ್ಯತೆ ಕೊಡಲಾಗುತ್ತಿದ್ದು, ಎಬಿಎಸ್ ತಂತ್ರಜ್ಞಾನವೂ ಸ್ಟ್ಯಾಂಡರ್ಡ್ ಆಗಿ ಲಭ್ಯವಾಗಲಿದೆ.

ಉಳಿದಂತೆ ಯುಎಸ್‌ಡಿ ಫ್ರಂಟ್ ಫಾರ್ಕ್ ಹಾಗೂ ಮೊನೊಶಾಕ್ ರಿಯರ್ ಸಸ್ಪೆನ್ಷನ್ ವ್ಯವಸ್ಥೆಗಳನ್ನು ಪಡೆಯಲಿದೆ. ಅಂತೆಯೇ ಮುಂಭಾಗದಲ್ಲಿ 300 ಎಂಎಂ ಹಾಗೂ ಹಿಂಭಾಗದಲ್ಲಿ 240 ಎಂಎಂ ಡಿಸ್ಕ್ ಬ್ರೇಕ್ ಸೌಲಭ್ಯಗಳಿರಲಿದೆ.