ಬಿಎಂಡಬ್ಲ್ಯು ನೂತನ ಬೈಕ್ ಕೆಟಿಎಂಗಿಂತಲೂ ಅಗ್ಗ ?

By Nagaraja

Published: Wednesday, June 29, 2016, 17:16 [IST]

ಟಿವಿಎಸ್ ಜೊತೆಗಾರಿಕೆಯಲ್ಲಿ ಬಿಎಂಡಬ್ಲ್ಯು ಮೊಟೊರಾಡ್ ನಿರ್ಮಿಸುತ್ತಿರುವ ಜಿ310 ಆರ್ ಎಂಟ್ರಿ ಲೆವೆಲ್ ಕ್ರೀಡಾ ಬೈಕ್ ಈಗಾಗಲೇ ಸಾಕಷ್ಟು ಸುದ್ದಿ ಮಾಡಿದೆ. ಈಗ ಬಂದಿರುವ ತಾಜಾ ಮಾಹಿತಿಗಳ ಪ್ರಕಾರ ನೂತನ ಬಿಎಂಡಬ್ಲ್ಯು ಜಿ310ಆರ್, ಕೆಟಿಎಂ 390 ಡ್ಯೂಕ್ ಗಿಂತಲೂ ಅಗ್ಗವಾಗಿರಲಿದೆ.

ಭಾರತದಲ್ಲಿ ಮಾರಾಟ ಯಶಸ್ಸಿನಲ್ಲಿ ಬೆಲೆ ಒಂದು ನಿರ್ಣಾಯಕ ಅಂಶವಾಗಿ ಪರಿಣಮಿಸುವುದರಿಂದ ಸ್ಪರ್ಧಾತ್ಮಕ ಬೆಲೆ ಕಾಪಾಡಿಕೊಳ್ಳಬೇಕಾಗಿರುವುದು ಅತಿ ಮುಖ್ಯವೆನಿಸುತ್ತದೆ. ಈ ನಿಟ್ಟಿನಲ್ಲಿ ಬಿಎಂಡಬ್ಲ್ಯು ಕೆಲಸ ಮಾಡಲಿದೆ.

ಬಿಎಂಡಬ್ಲ್ಯು ನೂತನ ಬೈಕ್ ಕೆಟಿಎಂಗಿಂತಲೂ ಅಗ್ಗ ?

ನೂತನ ಬಿಎಂಡಬ್ಲ್ಯು ಬೈಕ್ ಕೆಟಿಎಂಗಿಂತಲೂ ಅಗ್ಗವೆನಿಸಲಿದೆ. ಬ್ರಿಟನ್ ಡೀಲರ್ ನೀಡಿರುವ ಮಾಹಿತಿಗಳ ಪ್ರಕಾರ, ಬಿಎಂಡಬ್ಲ್ಯು 3.88 ಲಕ್ಷ ರು.ಗಳಷ್ಟು ದುಬಾರಿಯೆನಿಸಲಿದೆ.

ಹ್ಹಾಂ ಅದೇಗೆ ಸಾಧ್ಯ ಹೇಗೆ ಅಂತೀರಾ? ಟಿವಿಎಸ್ ಹೊಸೂರು ಘಟಕದಿಂದ ರವಾನೆಯಾಗಲಿರುವ ಬಿಎಂಡಬ್ಲ್ಯು ಜಿ310ಆರ್ ರಫ್ತು ತೆರಿಗೆ ಎಲ್ಲವೂ ಸೇರಿಸಿ 3.88 ಲಕ್ಷ ರು.ಗಳಷ್ಟು ಬೆಲೆ ಬಾಳಲಿದೆ.

ಅಂದರೆ ಭಾರತದಲ್ಲಿ ಬಿಎಂಡಬ್ಲ್ಯು ಜಿ310ಆರ್ ಅಂದಾಜು 1.8 ಲಕ್ಷ ರು.ಗಳ ಬೆಲೆ ಪರಿಧಿಯಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ.

ಇನ್ನೊಂದೆಡೆ ಕೆಟಿಎಂ 390 ಡ್ಯೂಕ್ ಆನ್ ರೋಡ್ ಬೆಲೆ 2.15 ಲಕ್ಷ ರು.ಗಳಿಷ್ಟಿದೆ. ತನ್ಮೂಲಕ ಕಠಿಣ ಪೈಪೋಟಿ ಏರ್ಪಡಲಿದೆ.

313 ಸಿಸಿ ಸಿಂಗಲ್ ಸಿಲಿಂಡರ್ ಲಿಕ್ವಿಡ್ ಕೂಲ್ಡ್ ಎಂಜಿನ್ ನಿಂದ ನಿಯಂತ್ರಿಸ್ಪಡಲಿರುವ ಬಿಎಂಡಬ್ಲ್ಯು ಜಿ310ಆರ್, 28 ಎನ್ ಎಂ ತಿರುಗುಬಲದಲ್ಲಿ 34 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಹಾಗೆಯೇ ಆರು ಸ್ಪೀಡ್ ಗೇರ್ ಬಾಕ್ಸ್ ಇದರಲ್ಲಿರುತ್ತದೆ.