2016 ಜುಲೈ ಮಾರಾಟ; ಹೀರೊ, ಹೋಂಡಾ ಶೈನಿಂಗ್

ಹೀರೊ ಮೊಟೊಕಾರ್ಪ್

ಈಗಷ್ಟೇ ಆಕರ್ಷಕ ಐಸ್ಮಾರ್ಟ್ 110 ಬೈಕ್ ಬಿಡುಗಡೆ ಮಾಡಿರುವ ದೇಶದ ಅತಿ ದೊಡ್ಡ ಹೀರೊ ಮೊಟೊಕಾರ್ಪ್ 2016 ಜುಲೈ ತಿಂಗಳಲ್ಲಿ ಒಟ್ಟು 5,32,113 ಯುನಿಟ್ ಗಳ ಮಾರಾಟವನ್ನು ಕಂಡುಕೊಂಡಿದೆ. ತನ್ಮೂಲಕ ಶೇಕಡಾ 9.13 ಮಾರಾಟ ಏರುಗತಿಯನ್ನು ಸಾಧಿಸಿದೆ. ಸಂಸ್ಥೆಯು ಕಳೆದ ವರ್ಷ ಇದೇ ಅವಧಿಯಲ್ಲಿ 4,87,580 ಯುನಿಟ್ ಗಳ ಮಾರಾಟವನ್ನಷ್ಟೇ ದಾಖಲಿಸಿತ್ತು.

ರಾಯಲ್ ಎನ್ ಫೀಲ್ಡ್

ಕಳೆದ ವರ್ಷ 39,867 ಯುನಿಟ್ ಗಳ ಮಾರಾಟ ಕಂಡುಕೊಂಡಿರುವ ರಾಯಲ್ ಎನ್ ಫೀಲ್ಡ್ 2016 ಜುಲೈ ತಿಂಗಳಲ್ಲಿ 52,128 ಯುನಿಟ್ ಗಳ ಮಾರಾಟ ದಾಖಲಿಸುವ ಮೂಲಕ ಶೇಕಡಾ 31ರಷ್ಟು ಮಾರಾಟ ಏರುಗುತಿ ದಾಖಲಿಸಿದೆ. 1250 ಯುನಿಟ್ ಗಳಷ್ಟು ರಫ್ತು ಮಾಡಿರುವ ಎನ್ ಫೀಲ್ಡ್ ರಫ್ತು ಮಾರಾಟದಲ್ಲು ಶೇಕಡಾ 40ರಷ್ಟು ಏರಿಕೆ ಕಂಡಿದೆ.

ಹೋಂಡಾ

ಮಗದೊಂದು ಮೈಲುಗಲ್ಲನ್ನು ಸ್ಥಾಪಿಸಿರುವ ಹೋಂಡಾ ಮೋಟಾರ್ ಸೈಕಲ್ ಆಂಡ್ ಸ್ಕೂಟರ್ ಇಂಡಿಯಾ ಸಂಸ್ಥೆಯು 2016 ಜುಲೈ ತಿಂಗಳಲ್ಲಿ ಒಟ್ಟು 4,53,844 ಯುನಿಟ್ ಗಳ ಮಾರಾಟವನ್ನು ದಾಖಲಿಸಿದೆ. 2015ನೇ ಸಾಲಿನ ಇದೇ ಅವಧಿಯಲ್ಲಿ 3,09,144 ಯುನಿಟ್ ಗಳ ಮಾರಾಟ ದಾಖಲಿಸಿರುವ ಹೋಂಡಾ, ಶೇಕಡಾ 17ರಷ್ಟು ಮಾರಾಟ ಏರುಗತಿ ಕಂಡಿದೆ. ಈ ಮೂಲಕ ತನ್ನದೇ ದಾಖಲೆಯನ್ನು ಅಳಿಸಿ ಹಾಕಿದೆ.

ಯಮಹಾ

ಇಂಡಿಯಾ ಯಮಹಾ ಮೋಟಾರು ಪ್ರೈವೇಟ್ ಲಿಮಿಟೆಡ್ ಸಂಸ್ಥೆಯು ಸಹ ಶೇಕಡಾ 12ರಷ್ಟು ಮಾರಾಟ ಏರುಗತಿಯನ್ನು ದಾಖಲಿಸಿದೆ. ಕಳೆದ ಸಾಲಿನಲ್ಲಿ 58,477 ಯುನಿಟ್ ಗಳಷ್ಟು ಮಾರಾಟ ಕಂಡಿರುವ ಯಮಹಾ ಈ ವರ್ಷದಲ್ಲಿ ಒಟ್ಟು 65,244 ಯುನಿಟ್ ಗಳ ಮಾರಾಟವನ್ನು ದಾಖಲಿಸಿದೆ.