ಇದೇ ಮೊದಲ ಬಾರಿಗೆ ಬದಲಾಯ್ತು ಎನ್‌ಫೀಲ್ಡ್ 'ಹಿಮಾಲಯನ್'

ಇಡೀ ವಿಶ್ವದಲ್ಲಿ ಇದೇ ಮೊದಲ ಬಾರಿಗೆ ರಾಯಲ್ ಎನ್ ಫೀಲ್ಡ್ ಹಿಮಾಲಯನ್ ಬೈಕ್ ಮಾರ್ಪಾಡುಗೊಳಿಸಲಾಗಿದೆ.

By Nagaraja

Published: Friday, November 18, 2016, 13:18 [IST]

ಯಾವುದೇ ಒಂದು ಹೊಸ ಉತ್ಪನ್ನ ಮಾರುಕಟ್ಟೆಗಿಳಿದರೆ ಅದನ್ನು ನಕಲಿ ಮಾಡುವುದು ವಾಹನ ಜಗತ್ತಿನಲ್ಲಿ ಬಹಳ ಹಿಂದಿನಿಂದಲೇ ಕಂಡುಬಂದಿರುವ ಜಾಯಮಾನ. ಇನ್ನು ಜನಪ್ರಿಯ ಮಾದರಿಗಳನ್ನು ವಿಶಿಷ್ಟವಾಗಿ ಮಾರ್ಪಾಡುಗೊಳಿಸುವ ಸಂಪ್ರದಾಯವನ್ನು ವಾಹನ ಪ್ರೇಮಿಗಳು ರೂಢಿಸಿಕೊಂಡು ಬಂದಿದ್ದಾರೆ. ಇದಕ್ಕೀಗ ರಾಯಲ್ ಎನ್ ಫೀಲ್ಡ್ ನ ನೂತನ ಹಿಮಾಲಯನ್ ಆಫ್ ರೋಡ್ ಅಡ್ವೆಂಚರ್ ಬೈಕ್ ಸೇರ್ಪಡೆಯಾಗಿದೆ.

ಇದೇ ಮೊದಲ ಬಾರಿಗೆ ಬದಲಾಯ್ತು ಎನ್‌ಫೀಲ್ಡ್ 'ಹಿಮಾಲಯನ್'

ರಾಯಲ್ ಎನ್ ಫೀಲ್ಡ್ ಗೆ ಸೇರಿದ ಬಹುತೇಕ ಎಲ್ಲ ಬುಲೆಟ್ ಗಳನ್ನು ಮಾರ್ಪಾಡುಗೊಳಿಸಿರುವ ಸುದ್ದಿಯನ್ನು ನಾವು ಕೇಳಿರುತ್ತೇವೆ. ಈಗ ವಿಶ್ವದಲ್ಲೇ ಇದೇ ಮೊದಲ ಬಾರಿಗೆ ಹಿಮಾಲಯನ್ ಬೈಕ್ ಗೂ ಕಸ್ಟಮೈಸ್ಡ್ ಟಚ್ ನೀಡಲಾಗಿದೆ.

ಇನ್ ಲೈನ್ 3 ಕಸ್ಟಮ್ ಮೋಟಾರ್ ಸೈಕಲ್ಸ್ ಸಂಸ್ಥೆಯು ಹಿಮಾಲಯನ್ ಬೈಕನ್ನು ವಿಶಿಷ್ಟವಾಗಿ ಮಾರ್ಪಾಡುಗೊಳಿಸಿದ್ದು, 'ಸಾಲ್ಟ್ ರೇಸರ್' ಎಂದು ಹೆಸರಿಸಿಕೊಂಡಿದೆ.

ದೆಹಲಿಯಲ್ಲಿ ಸ್ಥಿತಗೊಂಡಿರುವ ರಾಯಲ್ ಎನ್ ಫೀಲ್ಡ್ ನ ಅತಿ ದೊಡ್ಡ ಡೀಲರ್ ಶಿಪ್ ಸೌತ್ ದೆಹಲಿ ಮೋಟಾರ್ ಸೈಕಲ್ಸ್ ಗಾಗಿ ಈ ವಿನೂತನ ಹಿಮಾಲಯನ್ ಬೈಕ್ ನಿರ್ಮಿಸಲಾಗಿದೆ.

ಇಲ್ಲಿ ರಾಯಲ್ ಎನ್ ಫೀಲ್ಡ್ ಹಿಮಾಲಯನ್ ಬೈಕ್ ವಿನ್ಯಾಸವನ್ನು ಸಂಪೂರ್ಣವಾಗಿ ಬದಲಾಯಿಸಲಾಗಿದ್ದು, ಹಳೆಯ ವಿಂಟೇಜ್ ಶೈಲಿಯನ್ನು ಪ್ರದಾನ ಮಾಡಲಾಗಿದೆ.

ಸಾಲ್ಟ್ ರೇಸರ್ ಗೆ ತಕ್ಕುದಾಗಿ ಇದರಲ್ಲಿ ಚಾಲನಾ ಎತ್ತರವನ್ನು ಗಣನೀಯವಾಗಿ ಕಡಿತಗೊಳಿಸಲಾಗಿದೆ. ಇನ್ನು ಒಟ್ಟಾರೆ ತೂಕದಲ್ಲೂ 20 ಕೆ.ಜಿ.ಗಳಷ್ಟು ಇಳಿಕೆ ಕಂಡುಬಂದಿದೆ.

ಇದರಲ್ಲಿ ಅಲ್ಯೂಮಿನಿಯಂ ಅತಿ ಹೆಚ್ಚು ಬಳಕೆ ಮಾಡಲಾಗಿದ್ದು, ವಾಹನಕ್ಕೆ ವಿಚಿತ್ರ ಲುಕ್ ನೀಡುವಂತಾಗಿದೆ. ಇನ್ನು ದಪ್ಪವಾದ ಫೈರ್ ಸ್ಟೋನ್ ಚಕ್ರವನ್ನು ಬಳಕೆ ಮಾಡಲಾಗಿದೆ.

ರಾಯಲ್ ಎನ್ ಫೀಲ್ಡ್ ಹಿಮಾಲಯನ್ ಬೈಕ್ 411 ಸಿಸಿ ಸಿಂಗಲ್ ಸಿಲಿಂಡರ್ ಏರ್ ಕೂಲ್ಡ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡುತ್ತಿದ್ದು, 32 ಎನ್ ಎಂ ತಿರುಗುಬಲದಲ್ಲಿ 24.5 ಅಶ್ವಶಕ್ತಿಯನ್ನು ಉತ್ಪಾದಿಸುತ್ತದೆ.