ದಿಗ್ಗಜರ ವಿರುದ್ಧ ಪೈಪೋಟಿಗೆ ಸಜ್ಜಾಗುತ್ತಿರುವ ರಾಯಲ್ ಎನ್‌ಫೀಲ್ಡ್

ರಾಯಲ್ ಎನ್ ಫೀಲ್ಡ್ ನೂತನ ನೀತಿಯು ವಿಶ್ವ ಪ್ರಸಿದ್ಧ ಹಾರ್ಲೆ ಡೇವಿಡ್ಸನ್ ಮತ್ತು ಟ್ರಯಂಪ್ ಗಳಂತಹ ಪ್ರಖ್ಯಾತ ಸಂಸ್ಥೆಗಳ ವಿರುದ್ಧ ಜಿದ್ದಾಜಿದ್ದಿನ ಹಣಾಹಣಿಗೆ ವೇದಿಕೆಯೊದಗಿಸಲಿದೆ.

ನೂತನ 600 ಮತ್ತು 650 ಸಿಸಿ ಬುಲೆಟ್ ಗಳು ಪ್ರಮುಖವಾಗಿಯೂ ಅಮೆರಿಕ ಮತ್ತು ಯುರೋಪ್ ಮಾರುಕಟ್ಟೆಯನ್ನು ಗುರಿಯಾಗಿರಿಸಿಕೊಳ್ಳಲಿದೆ.

ಸದ್ಯ ಲಭ್ಯವಿರುವ ಮಾಹಿತಿಗಳ ಪ್ರಕಾರ ಅಭಿವೃದ್ಧಿ ಹಂತದಲ್ಲಿರುವ ನೂತನ ರಾಯಲ್ ಎನ್ ಫೀಲ್ಡ್ ಬುಲೆಟ್ ಗಳು ಮುಂದಿನ ವರ್ಷದ ವೇಳೆಯಾಗುವಾಗ ಮಾರುಕಟ್ಟೆ ಪ್ರವೇಶಿಸಲಿದೆ.

ಒಟ್ಟಾರೆಯಾಗಿ ವಿಶ್ವದಲ್ಲೇ 200 ಸಿಸಿ ವಿಭಾಗದಿಂದ ಹಿಡಿದು 750 ಸಿಸಿ ವರೆಗಿನ ವಿಭಾಗದಲ್ಲಿ ನಂ.1 ಎನಿಸಿಕೊಳ್ಳುವುದು ರಾಯಲ್ ಎನ್ ಫೀಲ್ಡ್ ಇರಾದೆಯಾಗಿದೆ. ಭಾರತದಲ್ಲಿ ದೊರಕಿರುವ ಯಶಸ್ಸು ಇಲ್ಲಿ ಪ್ರತಿಬಿಂಬಿಸಲಿದೆ.

ಅಂದ ಹಾಗೆ ನೂತನ ಬುಲೆಟ್ ಹೆಸರೇನು ಬಹಿರಂಗವಾಗಿಲ್ಲ. ಆದರೆ ಇದು 'ಪಿ61' ಎಂಬ ಕೋಡ್ ಪಡೆದಿದೆ.

ರಾಯಲ್ ಎನ್ ಫೀಲ್ಡ್ ಒಡೆತನದ ಈಚರ್ ಮೋಟಾರ್ಸ್ ಇತ್ತೀಚೆಗಷ್ಟೇ ಭಾರತದಲ್ಲಿ ಅತಿ ನೂತನ ಹಿಮಾಲಯನ್ ಅಡ್ವೆಂಚರ್ ಟೂರರ್ ಬೈಕ್ ಬಿಡುಗಡೆಗೊಳಿಸಿತ್ತು. ಇದಕ್ಕೆ ಅತ್ಯುತ್ತಮ ಪ್ರತಿಕ್ರಿಯೆ ಲಭಿಸುತ್ತಿದೆ.

ಇವೆಲ್ಲದರ ಹೊರತಾಗಿ ಕ್ಲಾಸಿಕ್ ಮತ್ತು ಥಂಡರ್ ಬರ್ಡ್ ಆವೃತ್ತಿಗಳ ದೊಡ್ಡ ಆವೃತ್ತಿಯ ಅಭಿವೃದ್ಧಿಯು ತೆರೆಮರೆಯಲ್ಲಿ ನಡೆಯುತ್ತಿದೆ. ಇವೆರಡು ಅನುಕ್ರಮವಾಗಿ ಡಿ41 ಮತ್ತು ಡಿ61 ಎಂಬ ಕೋಡ್ ಪಡೆದಿದೆ.