ಜಿಎಸ್‌ಟಿ ಜಾರಿ ನಂತರ ಡುಕಾಟಿ ಬೆಲೆಗಳಲ್ಲಿ ಭಾರೀ ಏರಿಕೆ

ಡುಕಾಟಿ ಉತ್ಪಾದನೆಯ ಪ್ರಮುಖ ಬೈಕ್ ಮಾದರಿಯಾದ ಎಕ್ಸ್ ಡಯಾವೆಲ್ ಮೇಲೆ ರೂ.18 ಸಾವಿರ ಏರಿಕೆಯಾಗಿದ್ದು, ಸದ್ಯ ಎಕ್ಸ್ ಡಯಾವೆಲ್ ಬೆಲೆಯೂ ರೂ.19.93 ಲಕ್ಷ ತಲುಪಿದೆ. ಅಂತೆಯೇ ಡುಕಾಟಿ 959 ಪ್ಯಾನಿಗಾಲೆ ಬೈಕ್ ಬೆಲೆಯಲ್ಲಿ ಅಲ್ಪ ಪ್ರಮಾಣದ ಬೆಲೆ ಕಡಿತ ಮಾಡಲಾಗಿದ್ದು, ಸದ್ಯದ ದರ ರೂ.14.58 ಲಕ್ಷಕ್ಕೆ ಲಭ್ಯವಾಗಲಿದೆ.

ಡುಕಾಟಿ ಮೋನಾಸ್ಟರ್ 1200ಎಸ್ ಮಾದರಿಯ ಬೆಲೆಯಲ್ಲಿ ಅತಿ ಹೆಚ್ಚು ಏರಿಕೆಯಾಗಿದ್ದು, ರೂ.78 ಸಾವಿರ ಏರಿಕೆಯಿಂದಾಗಿ ಸದ್ಯದ ಬೆಲೆ ರೂ.28 ಲಕ್ಷಕ್ಕೆ ತಲುಪಿದೆ. ಅಂತೆಯೇ ಸ್ಟ್ಯಾಂಡರ್ಡ್ ಮೋನಾಸ್ಟರ್ 1200 ಮಾದರಿಯ ಬೆಲೆ ರೂ.68 ಸಾವಿರ ಏರಿಕೆಯಿಂದ ಸದ್ಯದ ಬೆಲೆ ರೂ.23.02 ಲಕ್ಷಕ್ಕೆ ಏರಿಕೆಯಾಗಿದೆ.

ಇನ್ನೊಂದು ಪ್ರಮುಖ ವಿಚಾರವೆಂದರೇ ಡುಕಾಟಿ ಆರಂಭಿಕ ಬೈಕ್ ಆವೃತ್ತಿಗಳ ಬೆಲೆಯೂ ಕೂಡಾ ಏರಿಕೆಯಾಗಿದ್ದು, ಸೂಪರ್ ಬೈಕ್ ಪ್ರಿಯರಿಗೆ ಜಿಎಸ್‌ಟಿ ಬೆಲೆಗಳು ಶಾಕ್ ನೀಡವುದರಲ್ಲಿ ಯಾವುದೇ ಸಂದೇಹವಿಲ್ಲ.

ಡುಕಾಟಿ ಬೈಕ್‌ಗಳ ಹೊಸ ದರಗಳು

ಇದೀಗ ಜಿಎಸ್‌ಟಿ ಜಾರಿಗೊಂಡ ಹಿನ್ನೆಲೆ ಡುಕಾಟಿ ಬೆಲೆಗಳು ಏರಿಕೆಯಾಗಿದ್ದು, ಹೊಸ ನೀತಿಯ ಪ್ರಕಾರ 350 ಸಿಸಿ ಮೇಲ್ಪಟ್ಟ ಐಷಾರಾಮಿ ಬೈಕ್ ಉತ್ಪಾದನೆ ಮತ್ತು ಮಾರಾಟ ಮೇಲಿನ ತೆರಿಗೆಗಳನ್ನು ಏರಿಕೆ ಮಾಡಿದ ಹಿನ್ನೆಲೆ ಈ ಕ್ರಮ ಕೈಗೊಳ್ಳಲಾಗಿದೆ.