ಅಕ್ಟೋಬರ್ ಅಂತ್ಯಕ್ಕೆ ಭಾರತ ಪ್ರವೇಶ ಪಡೆಯಲಿವೆ ಎಸ್‌ಡಬ್ಲ್ಯುಎಂ ಮೋಟಾರ್ ಸೈಕಲ್‌ಗಳು

ಇಟಾಲಿಯನ್ ಮಾರುಕಟ್ಟೆಯಲ್ಲಿ ಭಾರೀ ಆದಾಯ ಗಳಿಕೆಯೊಂದಿಗೆ ಸೂಪರ್ ಬೈಕ್ ಮಾರಾಟದಲ್ಲಿ ಮುಂಚೂಣಿಯಲ್ಲಿ ಎಸ್‌ಡಬ್ಲ್ಯುಎಂ ಮೋಟಾರ್ ಸೈಕಲ್‌ಗಳು ಇದೀಗ ಭಾರತಕ್ಕೂ ಲಗ್ಗೆಯಿಡುತ್ತಿದ್ದು, ಕೆಲವು ವಿಲಕ್ಷಣ ಬೈಕ್ ಮತ್ತು ಅತ್ಯುತ್ತಮ ಮಾದರಿಯ ಮೋಟರ್ ಸೈಕಲ್‌ಗಳನ್ನು ಅಭಿವೃದ್ದಿಗೊಳಿಸುವ ಯೋಚನೆಯಲ್ಲಿದೆ.

ಎಸ್‌ಡಬ್ಲ್ಯುಎಂ ಮೋಟಾರ್ ಸೈಕಲ್‌ಗಳು ಮೂಲತಃ ಇಟಾಲಿಯನ್ ದ್ವಿಚಕ್ರ ವಾಹನ ತಯಾರಕರಾಗಿದ್ದು, ಕಾರಣಾಂತರಗಳಿಂದ 1984ರಲ್ಲೇ ಉತ್ಪಾದನೆ ಇಲ್ಲದೇ ಮುಚ್ಚಿಹೊಗಿತ್ತು. ಆದ್ರೆ 2014ರಲ್ಲಿ ಚೀನಾದ ಶಿನೆರಾಯ್ ಗ್ರೂಪ್ ಎಸ್‌ಡಬ್ಲ್ಯುಎಂ ಖರೀದಿ ಮಾಡಿದ್ದು, ಈ ಹಿನ್ನೆಲೆ ಭಾರತೀಯ ಮಾರುಕಟ್ಟೆಗೆ ಪ್ರವೇಶ ಪಡೆಯುತ್ತಿದೆ.

ಇದಲ್ಲದೇ 300ಸಿಸಿಯಿಂದ 650 ಸಿಸಿ ಎಂಜಿನ್ ಸಾಮರ್ಥ್ಯದ ಆಫ್ ಮೋಟಾರ್ ಸೈಕಲ್‌ಗಳನ್ನು ಅಭಿವೃದ್ಧಿಗೊಳಿಸುವಲ್ಲಿ ಮುಂಚೂಣಿಯಲ್ಲಿರುವ ಎಸ್‌ಡಬ್ಲ್ಯುಎಂ ಸಂಸ್ಥೆಯು ಈ ವರ್ಷದ ಅಕ್ಟೋಬರ್‌ನಲ್ಲಿ ಭಾರತಕ್ಕೆ ಪ್ರವೇಶಿಸಲು ಸಿದ್ಧವಾಗಿದೆ.

ಈ ಹಿನ್ನೆಲೆ ಎಂವಿ ಅಗಸ್ಟಾ ಬೈಕ್ ಮಾದರಿಗಳಿಗೆ ಪ್ರಬಲ ಪ್ರತಿ ಸ್ಪರ್ಧಿಯಾಗುವ ಮುನ್ಸೂಚನೆ ನೀಡಿರುವ ಎಸ್‌ಡಬ್ಲ್ಯುಎಂ ಮೋಟಾರ್ ಸೈಕಲ್‌ಗಳು ಮುಖ್ಯವಾಗಿ ಆಪ್ ರೋಡಿಂಗ್ ಮತ್ತು ಕ್ಲಾಸಿಕ್ ಬೈಕ್ ಉತ್ಪಾದನೆಗೆ ಗಮನಹರಿಸಲಿವೆ.

ಜೊತೆಗೆ ಭಾರತೀಯ ಮಾರುಕಟ್ಟೆಯಲ್ಲಿನ ಗ್ರಾಹಕರ ಬೇಡಿಕೆಗೆ ಅನುಗುಣವಾಗಿ ಮತ್ತಷ್ಟು ಹೊಸ ಬೈಕ್ ಮಾದರಿಗಳನ್ನು ಅಭಿವೃದ್ಧಿಗೊಳಿಸಲಿರುವ ಎಸ್‌ಡಬ್ಲ್ಯುಎಂ ಮೋಟಾರ್ ಸೈಕಲ್‌ ಸಂಸ್ಥೆಯು, 125ಸಿಸಿ ಯಿಂದ 650 ಸಿಸಿ ವರೆಗೂ ವಿವಿಧ ಬೈಕ್‌ಗಳನ್ನು ಪರಿಚಯಿಸಿದೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಪ್ರಥಮ ಬಾರಿಗೆ ಭಾರತೀಯ ಮಾರುಕಟ್ಟೆ ಪ್ರವೇಶ ಪಡೆಯುತ್ತಿರುವ ಎಸ್‌ಡಬ್ಲ್ಯುಎಂ ಮೋಟಾರ್ ಸೈಕಲ್‌ಗಳು ಹೊಸ ಯೋಜನೆಗಳೊಂದಿಗೆ ಗ್ರಾಹಕರನ್ನು ಸೆಳೆಯುವ ತವಕದಲ್ಲಿದ್ದು, ಅಕ್ಟೋಬರ್ ನಂತರವಷ್ಟೇ ಹೊಸ ಉತ್ಪನ್ನಗಳ ಬಗೆಗೆ ಮತ್ತಷ್ಟು ಮಾಹಿತಿಗಳು ಲಭ್ಯವಾಗಲಿವೆ.