ಬಹುನೀರಿಕ್ಷಿತ ಬಜಾಜ್ ಅವೆಂಜರ್ ಸ್ಟ್ರೀಟ್ 180 ಸಿಸಿ ಕ್ರೂಸರ್ ಬೈಕ್ ಬಿಡುಗಡೆ

ಈ ಹಿಂದೆ ಹಲವು ಬಾರಿ 180 ಸಿಸಿ ಅವೆಂಜರ್ ಸ್ಟ್ರೀಟ್ ಕ್ರೂಸರ್ ಬಿಡುಗಡೆಗೊಳಿಸುವ ಬಗ್ಗೆ ಹೇಳಿಕೊಂಡಿದ್ದ ಬಜಾಜ್ ಸಂಸ್ಥೆಯು ಇದೀಗ ಹೊಸ ಬೈಕ್‌ನ್ನು ಬಿಡುಗಡೆ ಮಾಡಿದ್ದು, ಮುಂಬೈ ಎಕ್ಸ್‌ಶೋರಂ ಪ್ರಕಾರ ಹೊಸ ಬೈಕಿನ ಬೆಲೆಯನ್ನು ರೂ.83,475ಕ್ಕೆ ನಿಗದಿ ಮಾಡಿದೆ.

ಹೊಸ ಬಜಾಜ್ ಅವೆಂಜರ್ 150 ಸ್ಟ್ರೀಟ್ ಎಲ್ಇಡಿ ಹಗಲಿನ ಚಾಲನೆಯಲ್ಲಿರುವ ಬೆಳಕು ಮತ್ತು ಹೆಡ್‌ಲ್ಯಾಂಪ್ ಮೇಲೆ ಸಣ್ಣ ಕೌಲ್ ನೊಂದಿಗೆ ಹೊಸ ರೋಡ್ ಸ್ಟರ್ ವಿನ್ಯಾಸದ ಹೆಡ್‌ಲ್ಯಾಂಪ್ ಹೊಂದಿದ್ದು, ಕಪ್ಪು ಅಲಾಯ್ ಚಕ್ರಗಳೊಂದಿಗೆ ಹೊಸ ಪಿಲ್ಲಿಯನ್ ಗ್ರಾಬ್ ಗ್ರಿಲ್ ಅನ್ನು ಕೂಡ ಹೊಂದಿದೆ.

ಹೀಗಾಗಿ ಹೊಸ ಬೈಕ್ ಅವೆಂಜರ್ ಸ್ಟ್ರೀಟ್ 150 ಮಾದರಿಯ ಅಪ್‌ಗ್ರೇಡ್ ವರ್ಷನ್ ಆಗಿರಲಿದ್ದು, ಕ್ಲಾಸಿಕ್ ಬೈಕ್ ವಿಭಾಗದಲ್ಲಿ ಹೆಚ್ಚು ಮಾರಾಟ ಗಿಟ್ಟಿಸಿಕೊಳ್ಳುವುದು ಸಂಸ್ಥೆಯ ಇರಾದೆಯಾಗಿದೆ.

ಈ ಮೂಲಕ ನಗರ ಜತೆಗೆ ಅತ್ಯುತ್ತಮ ಹೆದ್ದಾರಿ ಪ್ರಯಾಣವನ್ನು ಖಾತ್ರಿಪಡಿಸಲಿದ್ದು, ಎಲ್ಐಇಡಿ ಡೇಟೈಮ್ ರನ್ನಿಂಗ್ ಲೈಟ್ಸ್, ಹೊಸತಾದ ಗ್ರಾಫಿಕ್ಸ್, ದೊಡ್ಡದಾದ ಲಾಂಛ, ಕೆಳಮಟ್ಟ ಹಾಗೂ ಉದ್ದವಾದ ಫ್ರೊಫೈಲ್ ಹೊಂದಿರುವ ಅವೆಂಜರ್ ಸ್ಟ್ರೀಟ್‌ 180ಗೆ ಹೊಸ ಲುಕ್ ತಂದಿದೆ.

ಎಂಜಿನ್ ಸಾಮರ್ಥ್ಯ

ಮೇಲೆ ಹೇಳಿದಂತೆ ಅವೆಂಜರ್ ಸ್ಟ್ರೀಟ್ 180 ಬೈಕ್ 178.6 ಸಿಸಿ ಡಿಟಿಎಸ್-ಐ ಸಿಲಿಂಡರ್ ಏರ್ ಕೂಲ್ಡ್ ಎಂಜಿನ್ ಹೊಂದಿದ್ದು, 15.3-ಬಿಎಹೆಚ್ ಪಿ ಮತ್ತು 13.7-ಎನ್ಎಂ ಟಾರ್ಕನ್ನು ಉತ್ಪಾದಿಸುವ ಶಕ್ತಿಯನ್ನು ಹೊಂದಿದ್ದು, 5 ಸ್ಪೀಡ್ ಗೇರ್ ಬಾಕ್ಸ್‌ ಜೋಡಿಸಲಾಗಿದೆ.

ಬಜಾಜ್ ತನ್ನ ಕ್ರೂಸರ್ ಬೈಕ್‌ಗಳನ್ನು ಒಂದೊಂದಾಗಿ ಮಾರುಕಟ್ಟೆಗೆ ಪರಿಚಯಿಸುವುದರ ಮೂಲಕ ಕ್ರೂಸರ್ ಬೈಕ್‌ಗಳ ವಿಭಾಗದಲ್ಲಿ ಸದ್ದುಮಾಡಲು ಮುಂದಾಗಿರುವ ಬಜಾಜ್ ಸಂಸ್ಥೆಯು ಅವೆಂಜರ್ 180 ಸ್ಟ್ರೀಟ್ ಕ್ರೂಸರ್ ಅನ್ನು ಆರಂಭಿಕ ಆವೃತ್ತಿಯಾಗಿಸಲಿದ್ದು, ಈ ಮೂಲಕ ಸ್ಫೋರ್ಟ್ ಡೀಸೆಂಟ್ ಶಕ್ತಿಯು ಆರಂಭಿಕ ಕ್ರೂಸರ್ ಬೈಕ್ ಕಲಿಕರಿಗೆ ಹೊಸ ಅನುಭವವನ್ನು ನೀಡಲಿದೆ.

ಇದರೊಂದಿಗೆ ಭಾರತದಲ್ಲಿ ಬಿಡುಗಡೆಯಾಗಿರುವ ಸುಜುಕಿ ಇಂಟ್ರೂಡರ್ 150, ಯುಎಂ ರೆನೆಗೆಡ್ ಡ್ಯುಟಿ ಎಸ್ ಮತ್ತು ಡ್ಯುಟಿ ಏಸ್ ಬೈಕ್‌ಗಳಿಗೆ ಹೊಸ ಅವೆಂಜರ್ 180 ತೀವ್ರ ಪೈಪೋಟಿಯನ್ನು ನೀಡಲಿದ್ದು, ಕಡಿಮೆ ಬೆಲೆಗಳಲ್ಲಿ ಉತ್ತಮ ಕ್ರೂಸರ್ ಬೈಕ್ ಬಯಸುವ ಯುವಸಮುದಾಯಕ್ಕೆ ಇದೊಂದು ಉತ್ತಮ ಆಯ್ಕೆಯಾಗಲಿದೆ.

Trending On DriveSpark Kannada:

ರಾಯಲ್ ಎನ್‌ಫೀಲ್ಡ್ ಖರೀದಿ ಮಾಡೋದಕ್ಕೆ ಗ್ರಾಹಕರು ಯಾಕೆ ಹಿಂದೇಟು ಹಾಕ್ತಾರೆ ಗೊತ್ತಾ?

ಫಸ್ಟ್ ರೈಡ್ ರಿವ್ಯೂ- ಬ್ಲೂಟೂತ್‌ನೊಂದಿಗೆ ಸ್ಮಾರ್ಟ್ ಆಗಿ ಬಂದ ಟಿವಿಎಸ್ ಎನ್‌ಟಾರ್ಕ್ 125

ಕಾರು ಶುಚಿಯಾಗಿಡಲು 10 ಸುಲಭ ವಿಧಾನಗಳು