ಮಾರುಕಟ್ಟೆಗೆ ಹೊಸ 110ಸಿಸಿ ಬೈಕ್ ಅನ್ನು ಪರಿಚಯಿಸಲಿದೆ ಟಿವಿಎಸ್..

ಬಿಡುಗಡೆಗೊಳಲಿರುವ ಟಿವಿಎಸ್‍ನ 110ಸಿಸಿ ಬೈಕ್ ರೇಡಿಯನ್ ಎಂದು ಕರೆಯಲಾಗುತ್ತಿದ್ದು, ಈ ಬೈಕಿನ ವಿನ್ಯಾಸವು ದೇಶದಲ್ಲಿ ಯುವ ಸಮುದಾಯವನ್ನು ಸೆಳೆಯಲು ತಯಾರಿಸಲಾಗಿದೆ. ಟಿವಿಎಸ್‍ ಬೈಕ್‍‍ಗಳಲ್ಲಿರುವ ಟಿವಿಎಸ್ ವಿಕ್ಟರ್ ಮತ್ತು ಟಿವಿಎಸ್ ಸ್ಟಾರ್ ಸಿಟಿ ಪ್ಲಸ್ ಬೈಕ್‍‍ಗಳ ಜೊತೆಗೆ ಮಾರಾಟವಾಗಲಿವೆ ಎನ್ನಲಾಗಿದೆ.

ಟಿವಿಎಸ್ ರೇಡಿಯನ್ ವೈಶಿಷ್ಟ್ಯತೆಗಳು

ಹೊಸ ಟಿವಿಎಸ್ ರೇಡಿಯನ್ ಬೈಕ್‍‍ನಲ್ಲಿ ಟಿವಿಎಸ್ ಎನ್‍‍ಟಾರ್ಕ್ ಸ್ಕೂಟರ್‍‍ನಲ್ಲಿ ನೀಡಿರುವ ಹಾಗೆಯೆ ಆಲ್ ಡಿಜಿಟಲ್ ಇನ್ಸ್ಟ್ರೂಮೆಂಟ್ ಪ್ಯಾನೆಲ್, ಸ್ಮಾರ್ಟ್ ಕನೆಕ್ಟೆಡ್, ಸ್ಪೋರ್ಟಿಂಗ್ ಫೀಚರ್ಸ್‍‍ನಂತೆಯೆ ಡೆಡಿಕೇಟೆಡ್ ಆಪ್ಸ್ ಮತ್ತು ಸ್ಯಾಟಿಲೈಟ್ ನ್ಯಾವಿಗೇಶನ್ ಕನೆಕ್ಟಿವಿಟಿಯನ್ನು ಪಡೆದುಕೊಂಡಿರಲಿದೆ.

ಟಿವಿಎಸ್ ರೇಡಿಯನ್ 110 ಬೈಕ್ ಟಿವಿಎಸ್ ವಿಕ್ಟರ್ ಹಾಗು ಸ್ಟಾರ್ ಸಿಟಿ ಪ್ಲಸ್ ಬೈಕ್‍‍ಗಳಿಗಿಂತ ವಿಭಿನ್ನವಾದ ವಿನ್ಯಾಸವನ್ನು ಹೊಂದಿರಲಿದೆ ಎಂಬ ಬರವಸೆಯಲಿದ್ದು, 2012ರ ಆಟೋ ಎಕ್ಸ್ ಪೋ ಮೇಳದಲ್ಲಿ ಈ ಬೈಕಿನ 125ಸಿಸಿ ಮಾದರಿಯ ಪರಿಕಲ್ಪನೆಯನ್ನು ಪ್ರದರ್ಶಿಸಲಾಗಿತ್ತು.

ಪ್ರಸ್ಥುತ ಟಿವಿಎಸ್ ಆಟೋ ಎಕ್ಸ್ ಪೋ ಮೇಳದಲ್ಲಿ ರೇಡಿಯನ್ 125ಸಿಸಿ ಬೈಕಿನ ಪರಿಕಲ್ಪನೆಯನ್ನು ಪ್ರದರ್ಶಿಸಿದರೂ, ಸಂಸ್ಥೆಯು ಈಗ ರೇಡಿಯನ್ 110ಸಿಸಿ ಬೈಕ್ ಅನ್ನು ಟಿವಿಎಸ್ ಸಂಸ್ಥೆಯಲ್ಲಿನ ಬೇರಾವ ಬೈಕ್‍‍ಗಳಲ್ಲಿಯು ಕಾಣದಾಂತಹ ಸ್ಟಯ್ಲಿಷ್ ಹಾಗು ಡಿಸೈನ್ ಅನ್ನು ಪಡೆದುಕೊಂಡಿರಲಿದೆ ಎನ್ನಲಾಗಿದೆ.

ಎಂಜಿನ್ ಸಾಮರ್ಥ್ಯ

ಆಗಸ್ಟ್ 23ರಂದು ಬಿಡುಗಡೆಗೊಳ್ಳಲಿರುವ ಟಿವಿಎಸ್ ರೇಡಿಯನ್ 110 ಬೈಕ್ ಟಿವಿಎಸ್ ವಿಕ್ಟರ್ ಬೈಕ್‍‍ನಲ್ಲಿ ಅಳವಡಿಸಲಾದ ಎಂಜಿನ್ ಅನ್ನು ಪಡೆದುಕೊಂಡಿರಲಿದೆ. ಈ ಎಂಜಿನ್ 109.7ಸಿಸಿ ಸಿಂಗಲ್ ಸಿಲೆಂಡರ್ ಸಹಾಯದಿಂದ 9.5 ಬಿಹೆಚ್‍‍ಪಿ ಮತ್ತು 9.4 ಎನ್ಎಮ್ ಟಾರ್ಕ್ ಅನ್ನು ಉತ್ಪಾದಿಸುವ ಶಕ್ತಿಯನ್ನು ಪಡೆಯಲಿದೆ.

ಪ್ರತೀ ಲೀಟರ್‍‍ಗೆ ಸುಮಾರು 72 ಕಿಲೋಮೀಟರ್ ಮೈಲೇಜ್ ನೀಡಬಲ್ಲ ರೇಡಿಯನ್ 110ಸಿಸಿ ಬೈಕ್, ಸಂಸ್ಥೆಯಲ್ಲಿನ ಫೀನಿಕ್ಸ್ ಬೈಕ್ ಅನ್ನು ಸ್ಥಳಾಂತರಿಸಲಿದೆ. ಇನ್ನು ಈ ಬೈಕಿನ ಬೆಲೆಯ ಬಗ್ಗೆ ಸಂಸ್ಥೆಯು ಬೇರಾವ ಮಾಹಿತಿಯನ್ನು ಬಿಡುಗಡೆಗೊಳಿಸಲಿಲ್ಲವಾದುದರಿಂದ, ಬಿಡುಗಡೆಗೊಂಡ ನಂತರ ಹೆಚ್ಚು ಮಾಹಿತಿಗಳು ಲಭ್ಯವಾಗಲಿದೆ. ಅಲ್ಲದೇ ಬಿಡುಗಡೆಗೊಂಡ ನಂತರ ಮಾರುಕಟ್ತೆಯಲ್ಲಿ, ಹೀರೋ ಸ್ಪ್ಲೆಂಡರ್, ಬಜಾಜ್ ಡಿಸ್ಕವರ್ 110, ಹೋಂಡಾ ಡ್ರೀಮ್ ಯುಗ, ಹೋಂಡಾ ಸಿಡಿ 110 ಮತ್ತು ಇನ್ನಿತರೆ 110ಸಿಸಿ ಬೈಕ್‍‍ಗಳಿಗೆ ಪೈಪೋಟಿ ನೀಡಲಿದೆ.