ಹೋಂಡಾ ಆಕ್ಟಿವಾ 5ಜಿ v/s ಹೀರೋ ಮ್ಯಾಸ್ಟ್ರೋ ಎಡ್ಜ್ 125... ಯಾವುದು ಬೆಸ್ಟ್?

ಹೋಂಡಾ ಆಕ್ಟಿವಾ ಭಾರತದ ಸ್ಕೂಟರ್ ಸರಣಿಗಳು ಈಗಾಗಲೇ ಮಾರಾಟದಲ್ಲಿ ದಾಖಲೆ ಕಂಡಿದ್ದು, ಇದೀಗ ಆಕ್ಟಿವಾ 5ಜಿ ಸ್ಕೂಟರ್ ಸಹ ಬಿಡುಗಡೆಗೊಳಿಸಲಾಗಿದೆ. ಆದರೆ ಈ ಸ್ಕೂಟರಿಗೆ ಮಾರುಕಟ್ಟೆಯಲ್ಲಿ ತೀವ್ರ ಪೈಪೋಟಿಯನ್ನು ನೀಡುತ್ತಿರುವ ಹೀರೋ ಮ್ಯಾಸ್ಟ್ರೋ ಎಡ್ಜ್ 125 ಕೂಡಾ ಭಾರೀ ಕುತೂಹಲ ಹುಟ್ಟುಹಾಕಿದ್ದು, ಈ ಹಿನ್ನೆಲೆ ಗ್ರಾಹಕರ ಆಯ್ಕೆಗೆ ಯಾವುದು ಉತ್ತಮ ಎನ್ನುವ ಕುರಿತು ಇಲ್ಲಿ ಚರ್ಚಿಸಲಾಗಿದೆ.

ಸ್ಕೂಟರ್ ವಿನ್ಯಾಸಗಳು

ಆಕ್ಟಿವಾ 5ಜಿ ಸ್ಕೂಟರಿನ ಒಟ್ಟಾರೆ ವಿನ್ಯಾಸವು 4ಜಿ ಸ್ಕೂಟರಿನ ಹೋಲಿಕೆಯಿದ್ದು, ಹೊಸದಾಗಿ ನೀಡಲಾಗಿರುವ ಫುಲ್ ಎಲ್ಇಡಿ ಹೆಡ್‍ಲೈಟ್‍ನೊಂದಿಗೆ ಡಿಆರ್‍ಎಲ್ ಮತ್ತು ಕ್ರೋಮ್ ಗಾರ್ನಿಶ್ ಅನ್ನು ಪಡೆದಿದೆ.

ಮತ್ತೊಂದು ಕಡೆ 5ಜಿ ಸ್ಕೂಟರ್‌ಗಳು ತನ್ನ 5ಜಿ ಬ್ಯಾಡ್ಜಿಂಗ್ ಹೊರತು ಪಡಿಸಿ, ಹಿಂಭಾಗ ಮತ್ತು ಇನ್ನಿತರೆ ವಿನ್ಯಾಸವನ್ನು ಆಕ್ಟಿವಾ 4ಜಿ ಸ್ಕೂಟರ್‍ ಮಾದರಿಯ ವಿನ್ಯಾಸಗಳನ್ನು ಹೊರತು ಪಡಿಸಿ ಬೇರಾವ ಹೊಸ ನವೀಕರಣಗಳನ್ನು ಪಡೆದಿಲ್ಲಾ.

ಇನ್ನು ಬಿಡುಗಡೆಯಾಗಿರುವ ಹೀರೋ ಮ್ಯಾಸ್ಟ್ರೋ ಎಡ್ಜ್ 125 ಕೂಡಾ ಸಾಧರಣ ಲುಕ್ ಪಡೆದಿದ್ದರು ಪ್ರಬುದ್ಧವಾದ ವಿನ್ಯಾಸವನ್ನು ಹೊಂದಿದೆ. ಇನ್ನು ಸ್ಕೂಟರ್ ಆಕರ್ಷಕವಾಗಿ ವಿನ್ಯಾಸ ಮಾಡಲಾಗಿರುವ ಹೆಡ್‍ಲ್ಯಾಂಪ್, ಡ್ಯುಯಲ್ ಟೋನ್ ಫ್ರಂಟ್ ಕ್ರೌಲ್, ಏಪ್ರಾನ್ ಮೌನ್ಟೆಡ್ ಟರ್ನ್ ಇಂಡಿಕೇಟರ್‍‍ಗಳನ್ನು ಪಡೆದಿದೆ.

ಹೀರೋ ಮ್ಯಾಸ್ಟ್ರೋ ಎಡ್ಜ್ 125 ಸೈಡ್ ಪ್ರೊಫೈಲ್ ಸೈಡ್‍ಗಳಲ್ಲಿ ಹೀರೋ ಬ್ರಾಂಡಿಂಗ್ ಮತ್ತು ಎಕ್ಸಾಸ್ಟ್ ಮಫ್ಲರ್‍‍ಗಳಿಗಾಗಿ ಕ್ರೋಮ್ ಕವರ್‍ ಅನ್ನು ನೀಡಲಾಗಿದೆ. ಇದರ ರಿಯರ್ ಭಾಗವು ಎಕ್ಸ್ ಟರ್ನಲ್ ಫ್ಯುಯಲ್ ಫಿಲ್ಲರ್ ಕ್ಯಾಪ್ ಮತ್ತು ಸಾಧಾರಣ ಟೈಲ್ ಲ್ಯಾಂಪ್ ಕ್ಲಸ್ಟರ್ ಅನ್ನು ಪಡಿದಿದೆ. ವಿನ್ಯಾಸದ ವಿಚಾರಕ್ಕೆ ಬಂದರೆ ಎರಡೂ ಸ್ಕೂಟರ್‍‍ಗಳು ಸಮಾನವಾದ ಡಿಸೈನ್ ಅನ್ನು ಪಡೆದಿವೆ ಎನ್ನಬಹುದು.

ಡಿಸೈನ್ ವಿಚಾರಕ್ಕೆ ನೀಡಬಹುದಾದ ಅಂಕಗಳು

ಹೋಂಡಾ ಆಕ್ಟಿವಾ 5ಜಿ - 8/10

ಹೀರೋ ಮ್ಯಾಸ್ಟ್ರೋ ಎಡ್ಜ್ 125- 8/10

ವೈಶಿಷ್ಟ್ಯತೆಗಳು

ಹೊಸ ಹೊಂಡಾ ಆಕ್ಟಿವಾ 5ಜಿ ಸರ್ವಿಸ್ ಇಂಟರ್ವಲ್ಸ್ ಮತ್ತು ಇಕೋ ಸ್ಪೀಡ್ ಸೂಚಿಸಿವ ಸೆಮಿ ಡಿಜಿಟಲ್ ಇನ್ಸ್ಟ್ರೂಮೆಂಟ್ ಕ್ಲಸ್ಟರ್, ಎಲ್ಇಡಿ ಹೆಡ್‍ಲ್ಯಾಂಪ್, ಎಲ್ಇಡಿ ಡೇ ಟೈಮ್ ರನ್ನಿಂಗ್ ಲೈಟ್ಸ್ ಮತ್ತು 4 ಇನ್ 1 ಲಾಕ್ ಸಿಸ್ಟಂ ಅನ್ನು ಪಡಿದಿದೆ.

ಇದರ ಜೊತೆಗೆ ಈ ಸ್ಕೂಟರ್ ಮುಂಭಾಗದಲ್ಲಿ ಹೊಸ ಶಾಪಿಂಗ್ ಹುಕ್ಸ್ ಮತ್ತು ಹಿಂಭಾಗದಲ್ಲಿ ಫ್ರಂಟ್ ಫ್ಲೋರ್‍‍ಬೋರ್ಡ್ ಏರಿಯಾ ಮತ್ತು ಸೀಟ್ ರಿಲೀಸ್ ಬಟನ್ ಅನ್ನು ಪಡೆದಿದ್ದು, ಆಕ್ಟಿವಾ 4ಜಿ ಸ್ಕೂಟರ್ ನಲ್ಲಿ ಇದ್ದ ಫೋನ್ ಚಾರ್ಜಿಂಗ್ ಪಾಯಿಂಟ್ ಇದರಲ್ಲಿ ತೆಗೆದುಹಾಕಲಾಗಿದೆ.

ಇನ್ನು ಮ್ಯಾಸ್ಟ್ರೋ ಎಡ್ಜ್ 125 ಆವೃತ್ತಿಗಳನ್ನು ಸಹ 125 ಸಿಸಿ ರೂಪಾಂತರಗಳೊಂದಿಗೆ ಸೂಕ್ಷ್ಮ ಬದಲಾವಣೆಗಳನ್ನು ತರಲಾಗಿದ್ದು, ಈ ಮೂಲಕ ಸಂಸ್ಥೆಯು ಹೆಚ್ಚು ಶಕ್ತಿಶಾಲಿ ಸ್ಕೂಟರ್ ವಿಭಾಗದಲ್ಲೂ ತನ್ನ ಛಾಪು ಮೂಡಿಸಲಿದೆ.

ಹೀಗಾಗಿ ಮಾಯೆಸ್ಟ್ರೋ 125 ಸ್ಕೂಟರ್‌ಗಳಲ್ಲಿ ಸಹ ಸೆಮಿ ಡಿಜಿಟಲ್ ಇನ್ಸ್ಟ್ರೂಮೆಂಟ್ ಕ್ಲಸ್ಟರ್, ಎಲ್ಇಡಿ ಟೈಲ್‌ಲೈಟ್, ಹೊರಭಾಗದಲ್ಲಿರುವ ಫ್ಯೂಲ್ ಫಿಲ್ಲರ್, ಆ್ಯಂಟಿ ಥೆಪ್ಟ್ ಸಿಸ್ಟಂ, ಮೊಬೈಲ್ ಚಾರ್ಜಿಂಗ್ ಪಾಯಿಂಟ್ ಮತ್ತು ಬೂಟ್ ಲೈಟ್, ಟೂಬ್ ಲೆಸ್ ಟೈರ್ ಪಡೆದುಕೊಂಡಿದೆ.

ವೈಶಿಷ್ಟ್ಯತೆಗಳ ವಿಚಾರಕ್ಕೆ ನೀಡಬಹುದಾದ ಅಂಕಗಳು

ಹೋಂಡಾ ಆಕ್ಟಿವಾ 5ಜಿ - 8/10

ಹೀರೋ ಮ್ಯಾಸ್ಟ್ರೋ ಎಡ್ಜ್ 125- 8/10

ಸುರಕ್ಷಾ ಸೌಲಭ್ಯಗಳು

ಹೀರೋ ಮ್ಯಾಸ್ಟ್ರೋ ಎಡ್ಜ್ ಸ್ಕೂಟರ್‌ಗಳು ಕೂಡಾ ಹೋಂಡಾದ ಸಿಬಿಎಸ್ ನಂತೆಯೇ ಕಾರ್ಯವಿವಹಿಸಬಲ್ಲ ಸಿಂಕ್ ಬ್ರೇಕಿಂಗ್ ಸಿಸ್ಟಂ ಅನ್ನು ಪಡೆದಿದ್ದು, ಇದರ ಮುಂಭಾಗದ ಚಕ್ರಗಳಿಗೆ ಡಿಸ್ಕ್ ಬ್ರೇಕ್ ಅನ್ನು ಆಯ್ಕೆ ರೂಪದಲ್ಲಿ ಕೊಡಲಾಗುತ್ತಿದೆ.

ಸುರಕ್ಷಾ ಸೌಲಭ್ಯದ ರೇಟಿಂಗ್

ಹೋಂಡಾ ಆಕ್ಟಿವಾ 5ಜಿ - 7/10

ಹೀರೋ ಮ್ಯಾಸ್ಟ್ರೋ ಎಡ್ಜ್ 125- 7/10

ಎಂಜಿನ್, ಗೇರ್‍‍ಬಾಕ್ಸ್ ಮತ್ತು ಮೈಲೇಜ್

ಹೋಂಡಾ ಆಕ್ಟಿವಾ 5ಜಿ ಸ್ಕೂಟರ್‌ಗಳು 109.19ಸಿಸಿ ಸಿಂಗಲ್ ಸಿಲಿಂಡರ್ ಎಂಜಿನ್ ಹೊಂದಿದ್ದು, 8 ಬಿಹೆಚ್‍ಪಿ ಮತ್ತು 9 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸಬಲ್ಲವು. ಜೊತೆಗೆ ಸಿವಿಟಿ ಗೇರ್‍‍ಬಾಕ್ಸ್‌ನೊಂದಿಗೆ ಪ್ರತೀ ಲೀಟರ್ ಗೆ 60 ಕಿಲೋಮೀಟರ್ ಮೈಲೇಜ್ ಹಿಂದಿರುಗಿಸಬಲ್ಲವು.

ಹಾಗೆಯೇ ಟಿವಿಎಸ್ ಹೀರೋ ಮ್ಯಾಸ್ಟ್ರೋ ಎಡ್ಜ್ ಸ್ಕೂಟರ್‌ಗಳು ಸಹ 110.9ಸಿಸಿ ಸಿಂಗಲ್ ಸಿಲಿಂಡರ್ ಎಂಜಿನ್‌ನೊಂದಿಗೆ 8 ಬಿಹೆಚ್‍ಪಿ ಮತ್ತು 8.7 ಎನ್ಎಂ ಟಾರ್ಕ್ ಉತ್ಪಾದಿಸುವ ಶಕ್ತಿಯನ್ನು ಪಡೆದಿದ್ದು, ಇದನ್ನೂ ಸಹ ಸಿವಿಟಿ ಗೇರ್‍‍ಬಾಕ್ಸ್ ಗೆ ಜೋಡಿಸಲಾಗಿದೆ. ಈ ಮೂಲಕ ಪ್ರತೀ ಲೀಟರ್ ಗೆ 51 ಕಿಲೋಮೀಟರ್ ಮೈಲೇಜ್ ನೀಡಬಲ್ಲವು ಎಂದು ಹೇಳಲಾಗಿದೆ.

ಎಂಜಿನ್ ಸಾಮರ್ಥ್ಯದ ರೇಟಿಂಗ್

ಹೋಂಡಾ ಆಕ್ಟಿವಾ 5ಜಿ - 8/10

ಹೀರೋ ಮ್ಯಾಸ್ಟ್ರೋ ಎಡ್ಜ್ 125- 7.5/10

ಸ್ಕೂಟರ್ ಬೆಲೆಗಳು

ಸ್ಕೂಟರ್‍‍ಗಳ ಬೆಲೆ ಹೋಂಡಾ ಆಕ್ಟಿವಾ 5ಜಿ ಸ್ಕೂಟರ್‌ಗಳು ದೆಹಲಿಯ ಎಕ್ಸ್ ಶೋರಂ ಪ್ರಕಾರ ಸ್ಟ್ಯಾಂಡರ್ಡ್ ಮಾಡೆಲ್ ರೂ. 54,460ಕ್ಕೆ ಮತ್ತು ಡಿಎಲ್ಎಕ್ಸ್ ವೇರಿಯೆಂಟ್‌ಗಳು ರೂ.54,325ಕ್ಕೆ ಲಭ್ಯವಿರಲಿದೆ.

ಹಾಗೆಯೇ ಹೀರೋ ಮ್ಯಾಸ್ಟ್ರೋ ಎಡ್ಜ್ ಸ್ಕೂಟರ್‌ಗಳು ಸಹ ದೆಹಲಿಯ ಎಕ್ಸ್ ಶೋರಂ ಪ್ರಕಾರ ಬೇಸ್ ವೇರಿಯಂಟ್‌ಗಳು ರೂ.49,900ಕ್ಕೆ ಮತ್ತು ಡಿಸ್ಕ್ ವೇರಿಯೆಂಟ್‌ಗಳು ರೂ.50,900ಕ್ಕೆ ಖರೀದಿಸಬಹುದಾಗಿದೆ.

ಇನ್ನು ಹೋಂಡಾ ಆಕ್ಟಿವಾ ಮತ್ತು ಹೀರೋ ಮ್ಯಾಸ್ಟ್ರೋ ಎಡ್ಜ್ ಎರಡೂ ಸ್ಕೂಟರ್‍‍ಗಳು ಸಹ ಮಾರುಕಟ್ಟೆಯಲ್ಲಿ ತಮ್ಮ ಜನಪ್ರಿಯತೆಗೆ ಮತ್ತು ಬೇಡಿಕೆಗೆ ತಕ್ಕಂತೆ ವಿನ್ಯಾಸಗೊಂಡಿದ್ದು, 5ಜಿ ಸ್ಕೂಟರ್ ಮಾತ್ರ ಹೊಸದಾಗಿ ಎಲ್ಇಡಿ ಲೈಟ್ ಅನ್ನು ಪಡೆದಿರುವುದು ಗಮನಾರ್ಹವಾಗಿದೆ.

ಬೆಲೆಯಲ್ಲಿಯೂ ಕೂಡ ಎರಡೂ ಸ್ಕೂಟರ್‍‍ಗಳು ಒಂದೇ ಹಂತದಲ್ಲಿದ್ದು, ಹೆಚ್ಚಿನ ವೈಶಿಷ್ಟ್ಯತೆಯನ್ನು ಪಡೆದ ಆಕ್ಟಿವಾ 5ಜಿ ಸ್ಕೂಟರ್ ಖರೀದಿಗೆ ಒಳ್ಳೆಯ ಆಯ್ಕೆ ಎನ್ನಬಹುದು. ಹಾಗೆಯೇ ನೀವು ಸಿಂಪಲ್ ಡಿಸೈನ್ ಮತ್ತು ಸುರಕ್ಷಾ ಸಾಧನಗಳನ್ನು ನೋಡುವುದಾದರೇ ಹೀರೋ ಮ್ಯಾಸ್ಟ್ರೋ ಎಡ್ಜ್ ಕೂಡಾ ಉತ್ತಮ ಆಯ್ಕೆ ಎನ್ನಬಹುದು.