ಗುರುಗ್ರಾಮ ಪೊಲೀಸರ ಗಸ್ತು ಪಡೆ ಸೇರಿದ ಹೊಸ ಬೈಕ್‍‍ಗಳು

ಗುರುಗ್ರಾಮ ಪೊಲೀಸರು ಗಸ್ತು ತಿರುಗಲು 10 ಸುಜುಕಿ ಜಿಕ್ಸರ್ 250 ಬೈಕ್‍‍ಗಳನ್ನು ಹೊಸದಾಗಿ ಸೇರ್ಪಡೆಗೊಳಿಸಿದ್ದಾರೆ. ಈ ಬೈಕ್‍‍‍ಗಳನ್ನು ಇತ್ತೀಚಿಗೆ ಸುಜುಕಿ ಕಂಪನಿಯು ಗುರುಗ್ರಾಮ ಪೊಲೀಸರಿಗೆ ತನ್ನ ರಸ್ತೆ ಸುರಕ್ಷತೆಯ ಅಭಿಯಾನದ ಅಂಗವಾಗಿ ಹಸ್ತಾಂತರಿಸಿತು.

ಸುಜುಕಿ ಕಂಪನಿಯ ಪ್ರಕಾರ ಈ ಬೈಕ್‍‍ಗಳನ್ನು ಗುರುಗ್ರಾಮ ನಗರದಲ್ಲಿನ ಕಾನೂನು, ಸುವ್ಯವಸ್ಥೆಯನ್ನು ನಿರ್ವಹಿಸಲು ಬಳಸಲಾಗುವುದು. ಈ ಬೈಕ್‍‍ಗಳನ್ನು ಸುಜುಕಿ ಮೋಟಾರ್‍‍ಸೈಕಲ್ ಇಂಡಿಯಾದ ಮ್ಯಾನೇಜಿಂಗ್ ಡೈರೆಕ್ಟರ್ ಆದ ಕೊಯಿಚಿರೊ ಹಿರಾವೊರವರು ಗುರುಗ್ರಾಮದ ಪೊಲೀಸ್ ಕಮೀಷನರ್ ಮೊಹಮ್ಮದ್ ಅಖಿಲ್‍‍ರವರಿಗೆ ಹಸ್ತಾಂತರಿಸಿದರು.

ಈ ಸಂಬಂಧ ಗುರುಗ್ರಾಮದ ಸೋಹ್ನಾ ರಸ್ತೆಯಲ್ಲಿರುವ ಪೊಲೀಸ್ ಕಮೀಷನರ್ ಕಚೇರಿಯಲ್ಲಿ ಸಮಾರಂಭವನ್ನು ಏರ್ಪಡಿಸಲಾಗಿತ್ತು. ಈ ಸಂದರ್ಭದಲ್ಲಿ ಮಾತನಾಡಿದ ಕೊಯಿಚಿರೊ ಹಿರಾವೊರವರು ಸುಜುಕಿ ಮೋಟಾರ್ ಇಂಡಿಯಾ ರಸ್ತೆ ಸುರಕ್ಷತೆಗೆ ಹೆಚ್ಚಿನ ಆದ್ಯತೆಯನ್ನು ನೀಡುತ್ತದೆ.

ಇದಕ್ಕಾಗಿ ಗುರುಗ್ರಾಮ್ ಪೊಲೀಸರೊಂದಿಗೆ ಕೈಜೋಡಿಸಲು ಹಾಗೂ ಅವರ ಗಸ್ತು ಪಡೆಗೆ ಸುಜುಕಿ ಗಿಕ್ಸರ್ ಎಸ್‌ಎಫ್ 250 ಬೈಕ್‍‍ಗಳನ್ನು ಹಸ್ತಾಂತರಿಸಲು ನಾವು ಸಂತೋಷಪಡುತ್ತೇವೆ. ಈ ಬೈಕ್‍‍ಗಳನ್ನು ಪೊಲೀಸ್ ಇಲಾಖೆಯ ಅಗತ್ಯಕ್ಕೆ ತಕ್ಕಂತೆ ಕಸ್ಟಮೈಸ್ ಮಾಡಲಾಗಿದೆ.

ಇದರಿಂದಾಗಿ ಗುರುಗ್ರಾಮ ನಗರದಲ್ಲಿ ಕಾನೂನು, ಸುವ್ಯವಸ್ಥೆಯನ್ನು ಕಾಪಾಡಲು ಹೆಚ್ಚುವರಿ ಸಂಪನ್ಮೂಲಗಳು ದೊರೆದಂತಾಗುತ್ತವೆ ಎಂದು ಹೇಳಿದರು. ಪೋಲಿಸ್ ಪಡೆಗಾಗಿ ನೀಡಲಾಗಿರುವ ಸುಜುಕಿ ಗಿಕ್ಸರ್ ಎಸ್‌ಎಫ್ 250 ಬೈಕ್‍‍ಗಳು ಸ್ಟ್ಯಾಂಡರ್ಡ್ ಮಾದರಿಯ ಬೈಕಿನಂತಿವೆ.

ಆದರೆ ಈ ಬೈಕಿನ ಮುಂಭಾಗದಲ್ಲಿ ದೊಡ್ಡಗಾತ್ರದ ವಿಂಡ್‌ಸ್ಕ್ರೀನ್, ಫ್ಯೂಯಲ್ ಟ್ಯಾಂಕ್‌ ಮೇಲೆ ಪೊಲೀಸ್ ಡೆಕಾಲ್ ಹಾಗೂ ಸೈಡ್ ಪ್ಯಾನಿಯರ್ ಸೇರಿದಂತೆ ಹಲವಾರು ಬದಲಾವಣೆಗಳನ್ನು ಮಾಡಲಾಗಿದೆ.

MOST READ: ಬೈಕುಗಳಲ್ಲಿ ಡೀಸೆಲ್ ಎಂಜಿನ್ ಏಕೆ ಬಳಸಲ್ಲ ಗೊತ್ತಾ?

ಕ್ವಾರ್ಟರ್ ಲೀಟರಿನ ಈ ಬೈಕ್ ಬಿಳಿ ಬಣ್ಣವನ್ನು ಹೊಂದಿದೆ. ಜೊತೆಗೆ ಪೊಲೀಸ್ ಸೈರನ್‍‍ಗಳನ್ನು ಹೊಂದಿದೆ. ಇನ್ನುಳಿದಂತೆ ಈ ಬೈಕಿನ ಮೆಕಾನಿಕಲ್ ಅಂಶಗಳಲ್ಲಿ ಯಾವುದೇ ಬದಲಾವಣೆಯನ್ನು ಮಾಡಲಾಗಿಲ್ಲ.

MOST READ: ಖರೀದಿಸಿದ ಬೈಕ್ ಪಡೆಯಲು ಕಾನೂನು ಹೋರಾಟ ಮಾಡಿದ ಉದ್ಯಮಿ

ಸುಜುಕಿ ಜಿಕ್ಸರ್ ಎಸ್‍ಎಫ್ 250 ಬೈಕಿನಲ್ಲಿ 249 ಸಿಸಿಯ ಸಿಂಗಲ್ ಸಿಲಿಂಡರ್, ಫ್ಯೂಯಲ್ ಇಂಜೆಕ್ಷನ್ ಹೊಂದಿರುವ 4 ಸ್ಟ್ರೋಕ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 26 ಬಿ‍‍ಹೆಚ್‍‍ಪಿ ಪವರ್ ಹಾಗೂ 22.6 ಎನ್‍ಎಂ ಟಾರ್ಕ್ ಉತ್ಪಾದಿಸುತ್ತದೆ.

MOST READ: ಹುಡುಗಿಯರಿಗೆ ಗೇರ್ ಬದಲಿಸಲು ಬಿಟ್ಟು ಡಿ‍ಎಲ್ ಕಳೆದುಕೊಂಡ ಡ್ರೈವರ್..!

ಬೈಕಿನ ಇಂಧನ ದಕ್ಷತೆಯನ್ನು ಹೆಚ್ಚಿಸುವ ಸಲುವಾಗಿ ಈ ಬೈಕಿನಲ್ಲಿ ಸುಜುಕಿ ಆಯಿಲ್ ಕೂಲಿಂಗ್ ಸಿಸ್ಟಂ (ಎಸ್‍ಒ‍‍ಸಿ‍ಎಸ್) ಅಳವಡಿಸಲಾಗಿದೆ. ಈ ಸಿಸ್ಟಂ ಬೈಕಿನ ಲಿಕ್ವಿಡ್ ಕೂಲಿಂಗ್ ಅನ್ನು ತಡೆಯುತ್ತದೆ. ಹೊಸ ಸುಜುಕಿ ಜಿಕ್ಸರ್ ಎಸ್‍ಎಫ್ 250 ಬೈಕಿನ ಬೆಲೆಯು ದೆಹಲಿಯ ಎಕ್ಸ್ ಶೋರೂಂ ದರದಂತೆ ರೂ.1.71 ಲಕ್ಷಗಳಾಗಿದೆ.