ಬಿಡುಗಡೆಯಾದ ಒಂದೇ ತಿಂಗಳಿನಲ್ಲಿ ದಾಖಲೆ ಸಂಖ್ಯೆಯ ಮಾರಾಟ ಕಂಡ ಎಲೆಕ್ಟ್ರಿಕ್ ಸೈಕಲ್

ಬಿಡುಗಡೆಯಾದ ಒಂದು ತಿಂಗಳ ಅವಧಿಯಲ್ಲಿಯೇ ಎಲ್ಲಾ ಸೈಕಲ್'ಗಳು ಮಾರಾಟವಾಗಿವೆ ಎಂದು ಇ-ಮೊಟೊರಾಡ್ ಕಂಪನಿ ತಿಳಿಸಿದೆ. ಅಂದ ಹಾಗೆ ಇ-ಮೊಟೊರಾಡ್ ಎಲೆಕ್ಟ್ರಿಕ್ ವಾಹನಗಳನ್ನು ತಯಾರಿಸುವ ಸ್ಟಾರ್ಟ್ ಅಪ್ ಕಂಪನಿಯಾಗಿದೆ.

ಇ-ಮೊಟೊರಾಡ್ ಕಂಪನಿಯ ಇ-ಬೈಕ್‌ಗಳು ಇಷ್ಟು ದೊಡ್ಡ ಸಂಖ್ಯೆಯಲ್ಲಿ ಮಾರಾಟವಾಗಿರುವುದು ದೇಶಿಯ ಸೈಕಲ್‌ ಮಾರುಕಟ್ಟೆಯಲ್ಲಿ ಅಚ್ಚರಿಯನ್ನುಂಟು ಮಾಡಿದೆ. ಇದರಿಂದಾಗಿ ಮತ್ತಷ್ಟು ಕಂಪನಿಗಳು ಎಲೆಕ್ಟ್ರಿಕ್ ಸೈಕಲ್'ಗಳನ್ನು ಬಿಡುಗಡೆಗೊಳಿಸಬಹುದು.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಈ ಯಶಸ್ಸಿನ ನಂತರ ಪುಣೆ ಮೂಲದ ಕಂಪನಿಯು ತನ್ನ ಡೀಲರ್'ಗಳ ಸಂಖ್ಯೆಯನ್ನು ಹೆಚ್ಚಿಸಲು ಮುಂದಾಗಿದೆ. ಸದ್ಯಕ್ಕೆ ಕಂಪನಿಯು 100ಕ್ಕೂ ಹೆಚ್ಚು ಹೊಸ ಡೀಲರ್'ಗಳೊಂದಿಗೆ ಒಪ್ಪಂದವನ್ನು ಮಾಡಿಕೊಂಡಿದೆ ಎಂದು ಇತ್ತೀಚಿನ ವರದಿಯಲ್ಲಿ ಹೇಳಲಾಗಿದೆ.

ಇ-ಮೊಟೊರಾಡ್ ಕಂಪನಿಯು ಮೊದಲ ಹಂತದ ಹಾಗೂ ಎರಡನೆ ಹಂತದ ನಗರಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಶೋರೂಂಗಳನ್ನು ತೆರೆಯಲು ಬಯಸಿದೆ. ಕಂಪನಿಯು 2021ರ ವೇಳೆಗೆ ಸುಮಾರು 12,000 ಇ-ಸೈಕಲ್‌ಗಳನ್ನು ಮಾರಾಟ ಮಾಡುವ ಗುರಿಯನ್ನು ಹೊಂದಿದೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಈ ಗುರಿಯನ್ನು ಸಾಧಿಸಲು ಇ-ಮೊಟೊರಾಡ್ ಕಂಪನಿಯು ಕೇಂದ್ರ ಸರ್ಕಾರದ ಆತ್ಮನಿರ್ಭರ್ ಯೋಜನೆಯ ನೆರವನ್ನು ಕೋರಿದೆ ಎಂದು ಇ-ಮೊಟೊರಾಡ್‌ ಕಂಪನಿಯ ಅಧ್ಯಕ್ಷರಾದ ಕುನಾಲ್ ಗುಪ್ತಾ ಹೇಳಿದ್ದಾರೆ.

ಬಿಡುಗಡೆಯಾದ ಒಂದು ತಿಂಗಳಿನಲ್ಲಿಯೇ ಹೆಚ್ಚು ಮಾರಾಟವಾದ ಇಎಮ್ಎಕ್ಸ್ ಎಲೆಕ್ಟ್ರಿಕ್ ಸೈಕಲ್ ಎರಡು ಸಸ್ಪೆಂಷನ್, ಡಿಸ್ಕ್ ಬ್ರೇಕ್ ಸೇರಿದಂತೆ ಹಲವು ಆಧುನಿಕ ಫೀಚರ್'ಗಳನ್ನು ಹೊಂದಿದೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಈ ಎಲೆಕ್ಟ್ರಿಕ್ ಸೈಕಲ್'ನ ಟಾಪ್ ಸ್ಪೀಡ್ ಪ್ರತಿ ಗಂಟೆಗೆ 21 ಕಿ.ಮೀಗಳಾಗಿದೆ. ಇಎಮ್ಎಕ್ಸ್ ಎಲೆಕ್ಟ್ರಿಕ್ ಸೈಕಲ್ ಅನ್ನು ಚಾರ್ಜ್ ಮಾಡಲು ಕಂಪನಿಯು ಸೈಕಲ್'ನಲ್ಲಿ ಸ್ಯಾಮ್‌ಸಂಗ್ ಬ್ಯಾಟರಿಯನ್ನು ಅಳವಡಿಸಿದೆ.

ಈ ಬ್ಯಾಟರಿಯು ಪೂರ್ತಿಯಾಗಿ ಚಾರ್ಜ್ ಆದ ನಂತರ ಇಎಮ್ಎಕ್ಸ್ ಎಲೆಕ್ಟ್ರಿಕ್ ಸೈಕಲ್ 45 ಕಿ.ಮೀಗಳವರೆಗೆ ಚಲಿಸುತ್ತದೆ. ಜೊತೆಗೆ ಪೆಡಲ್ ಬಳಸುವುದರಿಂದ ಸುಮಾರು 70 ಕಿ.ಮೀ ದೂರವನ್ನು ಕ್ರಮಿಸಬಹುದು.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಇಎಮ್ಎಕ್ಸ್ ಎಲೆಕ್ಟ್ರಿಕ್ ಸೈಕಲ್ ಅನ್ನು ಕಾಸ್ಮೋಸ್, ಡಿ-ರೆಕ್ಸ್ ಹಾಗೂ ಡಿ-ರೆಕ್ಸ್ ಪ್ರೊ ಎಂಬ ಹಲವು ಮಾದರಿಗಳಲ್ಲಿ ಮಾರಾಟ ಮಾಡಲಾಗುತ್ತದೆ. ಈ ಎಲೆಕ್ಟ್ರಿಕ್ ಸೈಕಲ್'ನ ಆರಂಭಿಕ ಬೆಲೆ ರೂ. 50 ಸಾವಿರಗಳಾಗಿದೆ.