ರೂ.3 ಲಕ್ಷ ಬೆಲೆಯ ಆರ್‌ಸಿ 900 ಸೈಕಲ್ ಬಿಡುಗಡೆಗೊಳಿಸಿದ ಸ್ಕಾಟ್ ಸ್ಪಾರ್ಕ್

ಈಗ ಸ್ಕಾಟ್ ಸ್ಪಾರ್ಕ್ ಇಂಡಿಯಾ ಕಂಪನಿಯು ದೇಶಿಯ ಮಾರುಕಟ್ಟೆಯಲ್ಲಿ ತನ್ನ ಹೊಸ ಸೈಕಲ್ ಅನ್ನು ಬಿಡುಗಡೆಗೊಳಿಸಿದೆ. ಸ್ಕಾಟ್ ಸ್ಪಾರ್ಕ್ ಕಂಪನಿಯು ಆರ್‌ಸಿ 900 ಎಂಬ ಹೆಸರಿನ ಸೈಕಲ್ ಅನ್ನು ಬಿಡುಗಡೆಗೊಳಿಸಿದೆ. ಈ ಆಧುನಿಕ ಕ್ರಾಸ್ ಕಂಟ್ರಿ ಸೈಕಲಿನ ಬೆಲೆ ರೂ.3.70 ಲಕ್ಷಗಳಾಗಿದೆ. ಈ ಬೆಲೆಯು ಭಾರತದಲ್ಲಿ ಮಾರಾಟವಾಗುವ ಪ್ರೀಮಿಯಂ ಬೈಕ್‌ಗಳ ಬೆಲೆಗೆ ಸಮನಾಗಿದೆ.

ಈ ಸೈಕಲ್ ಬೈಕುಗಳಲ್ಲಿರುವಂತೆ ಹಲವಾರು ಫೀಚರ್ ಗಳನ್ನು ಹೊಂದಿದೆ. ಈ ಸೈಕಲ್ ನಲ್ಲಿ ಬೈಕ್ ಗಳಲ್ಲಿರುವಂತಹ ಸಸ್ಪೆಂಷನ್ ಅಳವಡಿಸಲಾಗಿದೆ. ಇದರ ಜೊತೆಗೆ ವಿವಿಧ ಫೀಚರ್ ಗಳನ್ನು ಹೊಂದಿದೆ.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಸ್ಪಾರ್ಕ್ ಆರ್‌ಸಿ 900 ಸೈಕಲ್ ನಲ್ಲಿ ಟ್ವಿನ್ ಲಾಕ್ ಸಸ್ಪೆಂಷನ್ ಸಿಸ್ಟಂ ಬಳಸಲಾಗಿದೆ. ಇದರ ಜೊತೆಗೆ 12-ಸ್ಪೀಡ್ ಸ್ಟ್ರೀಮ್ ಈಗಲ್ ಡ್ರೈವ್‌ಟ್ರೇನ್, ಶಿಮಾನೋ ಬ್ರೇಕ್, ಸಿಂಕ್ರೊಸ್ ಯುನಿಟ್ ಗಳನ್ನು ಈ ಸೈಕಲ್ ನಲ್ಲಿ ಅಳವಡಿಸಲಾಗಿದೆ. ಈ ಎಲ್ಲಾ ಫೀಚರ್ ಗಳು ಈ ಸೈಕಲ್ ಅನ್ನು ಟಾಪ್ ಎಂಡ್ ರೇಸ್ ಬೈಕಿನಂತೆ ಮಾಡಿವೆ.

ಸ್ಕಾಟ್ ಕಂಪನಿಯ ಪ್ರಕಾರ, ಸ್ಪಾರ್ಕ್ ಆರ್‌ಸಿ 900 ಸೈಕಲ್ ಅನೇಕ ಸ್ಪರ್ಧೆಗಳಲ್ಲಿ ಭಾಗವಹಿಸಿ ಬಹುಮಾನಗಳನ್ನು ಗೆದ್ದಿದೆ. ಈ ಸೈಕಲ್ ವಿಶ್ವಕಪ್ ಚಾಂಪಿಯನ್ ಹಾಗೂ ಒಲಿಂಪಿಕ್ ಚಾಂಪಿಯನ್ ಪ್ರಶಸ್ತಿಗಳನ್ನು ಜಯಿಸಿದೆ.

MOSTREAD: ಇನ್ನು ಮುಂದೆ ಈ ಬಣ್ಣದ ಕಾರುಗಳ ನೋಂದಣಿ ಕಾನೂನುಬದ್ದ

ಈ ಸೈಕಲ್ ಬಿಡುಗಡೆಯ ನಂತರ ಮಾತನಾಡಿದ ಸ್ಕಾಟ್ ಸ್ಪೋರ್ಟ್ಸ್ ಇಂಡಿಯಾದ ಮ್ಯಾನೇಜರ್ ಜೈಮ್ ಶಾರವರು ವಿಶ್ವದಾದ್ಯಂತ ಪ್ರೀಮಿಯಂ ಸೈಕಲ್ ಗಳಿಗೆ ಬೇಡಿಕೆ ಹೆಚ್ಚುತ್ತಿದೆ. ಟೆಕ್ನಾಲಜಿ ಹಾಗೂ ಪರ್ಫಾಮೆನ್ಸ್ ನಲ್ಲಿ ಈ ಸೈಕಲ್ ಹಲವು ಪಟ್ಟು ಉತ್ತಮವಾಗಿದೆ ಎಂದು ಹೇಳಿದರು.

ಕಂಪನಿಯು ಹೊಸದಾಗಿ ಬಿಡುಗಡೆಗೊಳಿಸಿದ ಸೈಕಲ್‌ ಮಾರಾಟಕ್ಕಾಗಿ ಡೀಲರ್ ಗಳನ್ನು ನೇಮಿಸಿದೆ. ಇದರ ಜೊತೆಗೆ ಕಂಪನಿಯು ಕ್ರೀಡಾ ವ್ಯವಹಾರದಲ್ಲಿ ಕಾರ್ಯನಿರ್ವಹಿಸುವ ಕಂಪನಿಗಳ ಜೊತೆಗೆ ಸಹಭಾಗಿತ್ವವನ್ನು ಮಾಡಿಕೊಂಡಿದೆ.

MOSTREAD: ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ ರೂಫ್ ಸೀಳಿದ ಬಂಡೆ

ಕಂಪನಿಯು ತನ್ನ ಅಧಿಕೃತ ವೆಬ್‌ಸೈಟ್ ಮೂಲಕ ಗ್ರಾಹಕರನ್ನು ಸ್ವಾಗತಿಸುತ್ತಿದೆ. ಈ ಸೈಕಲ್ ಲಾಂಗ್ ರೈಡ್ ಗಳಿಗೆ ಹಾಗೂ ಟ್ರೆಕ್ಕಿಂಗ್ ಗಳಿಗೆ ಸೂಕ್ತವಾಗಿದೆ ಎಂದು ಹೇಳಲಾಗಿದೆ.

ಈ ಸೈಕಲ್ ಚಾಲನೆ ಮಾಡುವ ಸವಾರನು ಅನೇಕ ಕಿ.ಮೀ ಚಲಿಸಿದರೂ ವಿಶ್ರಾಂತಿ ಪಡೆಯುವುದಿಲ್ಲ ಎಂದು ಹೇಳಲಾಗಿದೆ. ಇದಕ್ಕಾಗಿ ಸೈಕಲ್ ನಲ್ಲಿ ವಿಶೇಷ ಫೀಚರ್ ಗಳನ್ನು ಅಳವಡಿಸಲಾಗಿದೆ. ಈ ಕಾರಣಕ್ಕೆ ಈ ಸೈಕಲಿಗೆ ರೂ. 3.70 ಲಕ್ಷ ಬೆಲೆ ನಿಗದಿಪಡಿಸಲಾಗಿದೆ.

MOSTREAD: ನ್ಯಾನೋ ಕಾರಿಗೆ ಗುದ್ದಿ ಅಪ್ಪಚ್ಚಿಯಾದ ಹೋಂಡಾ ಸಿಟಿ ಕಾರು

ಹೊಸ ಸ್ಕಾಟ್ ಸ್ಪಾರ್ಕ್ ಆರ್‌ಸಿ 900 ಕ್ರಾಸ್ ಕಂಟ್ರಿ ಸೈಕಲಿನ ನಂತರ ಸ್ಕಾಟ್ ಕಂಪನಿಯು ಸ್ಪಾರ್ಕ್ ಸ್ಕಾಟ್ ಅಟ್ಟಿಕ್ ಆರ್‌ಸಿ ಸರಣಿಯಲ್ಲಿ ಹೊಸ ಸೈಕಲ್ ಗಳನ್ನು ಬಿಡುಗಡೆಗೊಳಿಸಲು ಬಯಸಿದೆ. ಈ ಸೈಕಲ್ ಗಳ ಬೆಲೆ ರೂ.5 ಲಕ್ಷದಿಂದ ರೂ.6 ಲಕ್ಷಗಳವರೆಗೆ ಇರುವ ಸಾಧ್ಯತೆಗಳಿವೆ. ಇದನ್ನು ಕಂಪನಿಯ ವ್ಯವಸ್ಥಾಪಕ ಜಮಿನ್ ಶಾ ಖಚಿತಪಡಿಸಿದ್ದಾರೆ.