ವೈರಸ್ ಭೀತಿ: ಸಂಕಷ್ಟದ ನಡುವೆಯೂ ದ್ವಿಚಕ್ರ ವಾಹನಗಳ ಖರೀದಿ ಭರಾಟೆ ಜೋರು..

ವೈರಸ್ ಭೀತಿಯಿಂದಾಗಿ ಮೆಟ್ರೋ ಮತ್ತು ಇತರೆ ಟ್ಯಾಕ್ಸಿ ಸೌಲಭ್ಯವು ಇದುವರೆಗೂ ಪುನಾರಂಭಗೊಳ್ಳದ ಕಾರಣ ಹಲವರು ಸ್ವಂತ ಬಳಕೆಯ ವಾಹನಗಳ ಮುಖ ಮಾಡುತ್ತಿದ್ದು, ದ್ವಿಚಕ್ರ ವಾಹನಗಳ ಮಾರಾಟದಲ್ಲಿ ಕಳೆದ ಎರಡು ತಿಂಗಳಿನಿಂದ ಭಾರೀ ಪ್ರಮಾಣದಲ್ಲಿ ಏರಿಕೆಯಾಗಿದೆ. ಕರೋನಾ ವೈರಸ್ ಪರಿಣಾಮ ಲಾಕ್‌ಡೌನ್ ಸಂದರ್ಭದಲ್ಲಿ ಯಾವುದೇ ವಾಹನ ಮಾರಾಟವಿಲ್ಲದೆ ಕಂಗಾಲಾಗಿದ್ದ ಆಟೋ ಕಂಪನಿಗಳಿಗೆ ಇದೀಗ ಭಾರೀ ಬೇಡಿಕೆ ಹರಿದುಬರುತ್ತಿದೆ.

ಹೊಸ ವಾಹನಗಳ ನೋಂದಣಿ ಹೆಚ್ಚಳ ಕುರಿತಂತೆ ಮಾತನಾಡಿರುವ ಪುಣೆ ಆರ್‌ಟಿಓ ಅಧಿಕಾರಿಗಳು ಮೇ ಮತ್ತು ಜೂನ್ ಅವಧಿಗಿಂತಲೂ ಜುಲೈನಲ್ಲಿ ಎರಡು ಪಟ್ಟು ಹೆಚ್ಚು ದ್ವಿಚಕ್ರ ವಾಹನಗಳು ನೋಂದಣಿಯಾಗಿದ್ದು, ಅಗಸ್ಟ್‌ನಲ್ಲಿ ಇದು ಇನ್ನಷ್ಟು ಹೆಚ್ಚುವ ಸಾಧ್ಯತೆಯಿದೆ ಎಂದಿದ್ದಾರೆ.

ಜೊತೆಗೆ ಹೊಸ ದ್ವಿಚಕ್ರ ವಾಹನ ಖರೀದಿಸುವ ಬಹುತೇಕ ಗ್ರಾಹಕರು ವೈರಸ್ ಭೀತಿಯಿಂದ ತಪ್ಪಿಸಿಕೊಳ್ಳಲು ಸ್ವಂತ ವಾಹನ ಖರೀದಿ ಮಾಡುತ್ತಿರುವುದಾಗಿ ವಾಹನ ಮಾರಾಟ ಕಂಪನಿಗಳ ಸರ್ವೆನಲ್ಲಿ ಮಾಹಿತಿ ಹಂಚಿಕೊಂಡಿದ್ದು, ಸಾರಿಗೆ ಸಾಲಭ್ಯಗಳ ಕೊರತೆ, ಮೆಟ್ರೋ ಸ್ಥಗಿತ ಮತ್ತು ಸಾರಿಗೆ ವಾಹನಗಳಲ್ಲಿ ಪ್ರಯಾಣಿಸಿದರೆ ಕರೋನಾ ವೈರಸ್ ತಗುಲಬಹುದಾದ ಸಾಧ್ಯತೆಗಳಿವೆ ಎಂಬ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

ಗ್ರಾಹಕರ ಅಭಿಪ್ರಾಯ ಮೇರೆಗೆ ದ್ವಿಚಕ್ರ ವಾಹನಗಳ ಮಾರಾಟ ಮೇಲೆ ಹೆಚ್ಚು ಗಮನಹರಿಸಿರುವ ದ್ವಿಚಕ್ರ ವಾಹನ ತಯಾರಕ ಕಂಪನಿಗಳು ಮಾರಾಟ ಮಳಿಗೆಗಳ ಹೆಚ್ಚಿಸುತ್ತಿದ್ದು, ವಿವಿಧ ಮಾದರಿಯ ಹಣಕಾಸು ಸೌಲಭ್ಯಗಳೊಂದಿಗೆ ಗ್ರಾಹಕರನ್ನು ಸೆಳೆಯುತ್ತಿವೆ.

MOST READ: ದ್ವಿಚಕ್ರ ವಾಹನಗಳ ಖರೀದಿ ಮೇಲೆ ಹೊಸ ಲೋನ್ ಆಫರ್ ಘೋಷಿಸಿದ ಹೋಂಡಾ

ವೈರಸ್ ಭೀತಿ ನಡೆಯೂ ಹೋಂಡಾ ದ್ವಿಚಕ್ರ ವಾಹನಗಳು ಕೂಡಾ ಕಳೆದ ತಿಂಗಳು ಭರ್ಜರಿ ಬೇಡಿಕೆ ಪಡೆದುಕೊಂಡಿದ್ದು, ಜೂನ್ ಅವಧಿಯ ದ್ವಿಚಕ್ರ ವಾಹನ ಮಾರಾಟಗಿಂತ ಜುಲೈ ಅವಧಿಯಲ್ಲಿ 1 ಲಕ್ಷ ಅಧಿಕ ದ್ವಿಚಕ್ರ ವಾಹನಗಳನ್ನು ಮಾರಾಟ ಮಾಡಿದೆ.

ಜೂನ್ ಅವಧಿಯಲ್ಲಿ 2.02 ಲಕ್ಷ ದ್ವಿಚಕ್ರ ವಾಹನಗಳನ್ನು ಮಾರಾಟ ಮಾಡಿದ್ದ ಹೋಂಡಾ ಕಂಪನಿಯು ಜುಲೈ ಅವಧಿಯಲ್ಲಿ ಬರೋಬ್ಬರಿ 3.21 ಲಕ್ಷ ದ್ವಿಚಕ್ರ ವಾಹನಗಳನ್ನು ಮಾರಾಟ ಮಾಡಿದೆ. ಕೇವಲ ಒಂದು ತಿಂಗಳ ಅವಧಿಯಲ್ಲಿ 1 ಲಕ್ಷ ಅಧಿಕ ವಾಹನಗಳು ಹೆಚ್ಚುವರಿಯಾಗಿ ಬೇಡಿಕೆ ಪಡೆದುಕೊಂಡಿದೆ.

MOST READ: ಬಜಾಜ್ ಅವೆಂಜರ್‌ಗೆ ಪೈಪೋಟಿಯಾಗಿ ಟಿವಿಎಸ್ ರೊನಿನ್ ಬಿಡುಗಡೆಗೆ ಸಿದ್ದತೆ

ಆಟೋ ತಜ್ಞರ ಅಭಿಪ್ರಾಯದಂತೆ ಕರೋನಾ ವೈರಸ್ ಪರಿಣಾಮದಿಂದಾಗಿ ಸ್ವಂತ ವಾಹನಗಳ ಬಳಕೆಯು ದಿನದಿಂದಕ್ಕೆ ದ್ವಿಗುಣಗೊಳ್ಳುತ್ತಿದ್ದು, ಹೋಂಡಾ ಮಾತ್ರವಲ್ಲದೇ ಬಹುತೇಕ ವಾಹನ ಉತ್ಪಾದನಾ ಕಂಪನಿಗಳು ಇದೀಗ ವಾಹನ ಮಾರಾಟದಲ್ಲಿ ಚೇತರಿಸಿಕೊಳ್ಳುತ್ತಿವೆ ಎನ್ನಬಹುದು.