ಸ್ಪೋರ್ಟಿ ಲುಕ್‍‍‍ನಲ್ಲಿ ಅನಾವರಣಗೊಂಡ 2022ರ Yamaha TMax ಸ್ಕೂಟರ್

ಹೊಸ ಯಮಹಾ ಟಿಮ್ಯಾಕ್ಸ್ ಮ್ಯಾಕ್ಸಿ ಸ್ಕೂಟರ್ ಮುಂದಿನ ವರ್ಷದ ಆರಂಭದಲ್ಲಿ ಯುಕೆ ಸೇರಿದಂತೆ ಹಲವು ಯುರೋಪಿಯನ್ ಮಾರುಕಟ್ಟೆಗಳಲ್ಲಿ ಸ್ಕೂಟರ್ ಮಾರಾಟವಾಗಲಿದೆ ಎಂದು ನಿರೀಕ್ಷಿಸಲಾಗಿದೆ. ಟಿಮ್ಯಾಕ್ಸ್ ಯುರೋಪ್‌ನಲ್ಲಿ 2001 ರಲ್ಲಿ ಮೊದಲ ಬಾರಿಗೆ ಬಿಡುಗಡೆಯಾದಾಗಿನಿಂದ ಅಗಾಧವಾದ ಯಶಸ್ವಿಯನ್ನು ಕಂಡ ಸ್ಕೂಟರ್ ಆಗಿದೆ. ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಳೆದ ಎರಡು ದಶಕಗಳಲ್ಲಿ ಹೆಚ್ಚು ಮಾರಾಟವಾದ ಸ್ಪೋರ್ಟ್ಸ್ ಸ್ಕೂಟರ್ ಆಗಿದೆ. 2022ರ ಮಾದರಿಯು ಹೊಸ ವೈಶಿಷ್ಟ್ಯಗಳ ಸರಣಿಯನ್ನು ಮತ್ತು ನವೀಕರಿಸಿದ ಸ್ಟೈಲಿಂಗ್ ಅನ್ನು ಹೊಂದಿದ್ದು ಅದು ಮೊದಲಿಗಿಂತ ಹೆಚ್ಚು ಆಕರ್ಷಕವಾಗಿದೆ.

2022ರ ಯಮಹಾ ಟಿಮ್ಯಾಕ್ಸ್ ಹೊಸ ಅವತಾರದಲ್ಲಿ, ಸೂಪರ್‌ಸ್ಪೋರ್ಟ್ ಬೈಕ್ ಗಳಿಗಿಂದ ಪ್ರೇರಿತವಾದ ಸ್ಪೋರ್ಟಿಯರ್ ಮತ್ತು ಹೆಚ್ಚು ಆಕ್ರಮಣಕಾರಿ ಸ್ಟೈಲಿಂಗ್ ಅನ್ನು ಹೊಂದಿದೆ. ಇದು ಮರುಹೊಂದಿಸಲಾದ ಟ್ವಿನ್ ಎಲ್ಇಡಿ ಹೆಡ್‌ಲ್ಯಾಂಪ್‌ಗಳನ್ನು ಮತ್ತು ಮುಂಭಾಗದ ಏಪ್ರನ್‌ನ ಮೇಲ್ಭಾಗದಲ್ಲಿ ದೊಡ್ಡದಾದ ವಿಂಡ್‌ಸ್ಕ್ರೀನ್ ಅನ್ನು ಪಡೆಯುತ್ತದೆ.

ಮುಂಭಾಗದ ಏಪ್ರನ್ ದೊಡ್ಡ ಏರ್ ಇನ್‌ಟೇಕ್ ಸ್ಕೂಪ್ ಅನ್ನು ಸಹ ಹೊಂದಿದೆ, ಪ್ಯಾನೆಲ್‌ಗಳು ಹೆಚ್ಚು ಕಾಂಪ್ಯಾಕ್ಟ್ ಬಾಡಿಯೊಂದಿಗೆ ಹೊಸದಾಗಿವೆ. ಎತ್ತರದ ಟೇಲ್ ವಿಭಾಗದೊಂದಿಗೆ ಸಿಂಗಲ್-ಪೀಸ್ ಸೀಟ್ ದೀರ್ಘ ಪ್ರಯಾಣದ ಸಮಯದಲ್ಲಿ ಹೆಚ್ಚುವರಿ ಸೌಕರ್ಯಕ್ಕಾಗಿ ಸವಾರನಿಗೆ ಸೊಂಟದ ಬೆಂಬಲವನ್ನು ಹೊಂದಿದೆ.

ಇನ್ನು ಹೊಸ ಟಿಮ್ಯಾಕ್ಸ್ ಹಗುರವಾದ ಅಲ್ಯೂಮಿನಿಯಂ ಚಾಸಿಸ್ ಮೇಲೆ ಕೂರುತ್ತದೆ, ಇದು ಕಾರ್ನರ್ ಗಳಲ್ಲಿ ಉತ್ತಮವಾಗಿ ಸಾಗಲು ನೆರವಾಗುತ್ತದೆ. 'ರೈಡರ್ ಟ್ರಯಾಂಗಲ್' ಮೂಲಕ ಸ್ವಲ್ಪ ಮುಂದಕ್ಕೆ-ಬಾಗಿದ ಸ್ಥಾನದೊಂದಿಗೆ ಸ್ಪೋರ್ಟಿ ರೈಡಿಂಗ್ ಭಂಗಿಯನ್ನು ಸಾಧಿಸಲಾಗಿದೆ.

ಯಮಹಾ ಮ್ಯಾಕ್ಸಿ ಸ್ಕೂಟರ್ ಅನ್ನು ಟಿಮ್ಯಾಕ್ಸ್ ಮತ್ತು ಟಿಮ್ಯಾಕ್ಸ್ ಟೆಕ್ ಮ್ಯಾಕ್ಸ್ ಎಂಬ ಎರಡು ರೂಪಾಂತರಗಳಲ್ಲಿ ಲಭ್ಯವಿರಲಿದೆ. ಹಿಂದಿನದನ್ನು ಎಕ್ಸ್‌ಟ್ರೀಮ್ ಯೆಲ್ಲೋ, ಐಕಾನ್ ಬ್ಲೂ ಮತ್ತು ಸ್ವೋರ್ಡ್ ಗ್ರೇ ಎಂಬ ಮೂರು ಬಣ್ಣದ ಆಯ್ಕೆಗಳೊಂದಿಗೆ ನೀಡಲಾಗುತ್ತದೆ.

ಎರಡನೆಯದು, ಮತ್ತೊಂದೆಡೆ, ಯುಕೆ ಮಾರುಕಟ್ಟೆಗಳಿಗೆ ಮಾತ್ರ ಕಾಯ್ದಿರಿಸಲಾಗಿದೆ. ಇದು ಡಾರ್ಕ್ ಪೆಟ್ರೋಲ್ ಮತ್ತು ಪವರ್ ಗ್ರೇ ಯೇಲ್ಲೊ ಬಣ್ಣಗಳಲ್ಲಿ ಲಭ್ಯವಿತ್ತು. ಇದರ ಯೆಲ್ಲೋ ಬಣ್ಣದ ಅಲಾಯ್ ವ್ಹೀಲ್ ಗಳು ಮತ್ತು ರಿಮ್‌ಗಳು ಸಹ ಸ್ಕೂಟರ್‌ನ ದೃಶ್ಯ ಆಕರ್ಷಣೆಯನ್ನು ಹೆಚ್ಚಿಸುತ್ತವೆ.

ವೈಶಿಷ್ಟ್ಯಗಳ ವಿಷಯದಲ್ಲಿ, 2022ರ ಯಮಹಾ ಮ್ಯಾಕ್ಸಿ ಸ್ಕೂಟರ್ ಹೊಸ 7-ಇಂಚಿನ ಪೂರ್ಣ-ಬಣ್ಣದ ಟಿಎಫ್ಟಿ ಇನ್ಸ್ ಟ್ರೂಮೆಂಟ್ ಕನ್ಸೋಲ್ ಅನ್ನು ಪೂರ್ಣ ಸ್ಮಾರ್ಟ್‌ಫೋನ್ ಕನೆಕ್ಟಿವಿಟಿಯೊಂದಿಗೆ ಬ್ಲೂಟೂತ್, ವೈಫೈ ಮತ್ತು ಯುಎಸ್ಬಿ ಮೂಲಕ ಗಾರ್ಮಿನ್ ಮ್ಯಾಪ್ ಸಂಪರ್ಕದೊಂದಿಗೆ ಇನ್ ಬಿಲ್ಡ್ ನ್ಯಾವಿಗೇಷನ್ ಅನ್ನು ಪಡೆಯುತ್ತದೆ.ಎಡ ಹ್ಯಾಂಡಲ್‌ಬಾರ್‌ನಲ್ಲಿ ಜಾಯ್‌ಸ್ಟಿಕ್ ತರಹದ ಸೆಟಪ್ ಮೂಲಕ ಇವೆಲ್ಲವನ್ನೂ ನಿಯಂತ್ರಿಸಬಹುದು.

ಈ ಮ್ಯಾಕ್ಸಿ ಸ್ಕೂಟರ್ ನಲ್ಲಿ ಹೀಟೆಡ್ ಹ್ಯಾಂಡಲ್‌ಬಾರ್ ಗ್ರಿಪ್‌ಗಳು, ಹೀಟೆಡ್ ಸೀಟುಗಳು, ಕ್ರೂಸ್ ಕಂಟ್ರೋಲ್, ಎಲೆಕ್ಟ್ರಿಕ್ ಆಗಿ ಹೊಂದಾಣಿಕೆ ಮಾಡಬಹುದಾದ ವಿಂಡ್‌ಶೀಲ್ಡ್ ಮತ್ತು ಬ್ಯಾಕ್‌ಲಿಟ್ ಹ್ಯಾಂಡಲ್‌ಬಾರ್ ಸ್ವಿಚ್‌ಗಳು ಆಫರ್‌ನಲ್ಲಿರುವ ಪ್ರಾಯೋಗಿಕ ಜೀವಿ ಸೌಕರ್ಯಗಳು. ಟ್ರಾಕ್ಷನ್ ಕಂಟ್ರೋಲ್, ಸ್ಮಾರ್ಟ್‌ಕೀ ರಿಮೋಟ್‌ನೊಂದಿಗೆ ಕೀಲೆಸ್ ಸ್ಟಾರ್ಟ್, ರಿಮೋಟ್ ಓಪನಿಂಗ್ ಫ್ಯುಯಲ್ ಕ್ಯಾಪ್ ಮತ್ತು ಸೀಟ್ ಮತ್ತು ಮಲ್ಟಿಪಲ್ ರೈಡ್ ಮೋಡ್‌ಗಳಂತಹ ಇತರ ಸೌಕರ್ಯಗಳನ್ನು ಸಹ ಪ್ಯಾಕೇಜ್‌ನಲ್ಲಿ ಸೇರಿಸಲಾಗಿದೆ. ಆದರೆ ಹೆಚ್ಚಿನ ತಂತ್ರಜ್ಞಾನಗಳು ಟಾಪ್-ಸ್ಪೆಕ್ ಟೆಕ್ ಮ್ಯಾಕ್ಸ್ ಟ್ರಿಮ್‌ನಲ್ಲಿ ಲಭ್ಯವಿದೆ.

ಯಮಹಾ ಟಿಮ್ಯಾಕ್ಸ್ ಮ್ಯಾಕ್ಸಿ ಸ್ಕೂಟರ್ 560 ಸಿಸಿ ಎರಡು-ಸಿಲಿಂಡರ್ DOHC ಎಂಜಿನ್‌ ಅನ್ನು ಹೊಂದಿದೆ. ಈ ಎಂಜಿನ್ 7,500 ಆರ್‌ಪಿಎಂನಲ್ಲಿ 47.6 ಬಿಹೆಚ್‍ಪಿ ಪವರ್ ಮತ್ತು 5,250 ಆರ್‌ಪಿಎಂನಲ್ಲಿ 55.7 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಮತ್ತು ಬೆಲ್ಟ್ ಡ್ರೈವ್ ಮೂಲಕ ಹಿಂದಿನ ಚಕ್ರಕ್ಕೆ ಪವರ್ ಅನ್ನ ಕಳುಹಿಸುತ್ತದೆ.

ಭಾರತದಲ್ಲಿ ಯಮಹಾ ಮೋಟಾರ್ ಕಂಪನಿಯು ತನ್ನ ಆರ್15ಎಸ್ ವಿ3 ಬೈಕ್ ಅನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಇತ್ತೀಚೆಗೆ ಬಿಡುಗಡೆಗೊಳಿಸಿತ್ತು ಈ ಹೊಸ ಯಮಹಾ ಆರ್15ಎಸ್ ವಿ3(Yamaha R15S V3) ಬೈಕ್ ಬೆಲೆಯು ದೆಹಲಿ ಎಕ್ಸ್ ಶೋರೂಂ ಪ್ರಕಾರ ರೂ.1,57,600 ಆಗಿದೆ. ಹೊಸ ಯಮಹಾ ಆರ್15ಎಸ್ ವಿ3 ಬೈಕ್ ಹೆಚ್ಚು ಕೈಗೆಟುಕುವ ದರದ ಸ್ಪೋರ್ಟ್ಸ್ ಬೈಕ್ ಆಗಿದೆ.

ಮೊದಲು ಆರ್15ಎಸ್ ನೇಮ್‌ಪ್ಲೇಟ್ ಅನ್ನು ಮೊದಲ ತಲೆಮಾರಿನ ಆರ್15 ಅನ್ನು ಹೆಚ್ಚು ಟೋನ್-ಡೌನ್ ಆವೃತ್ತಿಯಾಗಿ ಬಳಸಲಾಗುತ್ತಿತ್ತು ಮತ್ತು ಈಗ ಅದು ಬಹುತೇಕ ಒಂದೇ ರೀತಿಯ ಗುರುತನ್ನು ಹೊಂದಿದೆ. ಈ ಹೊಸ ಬೈಕ್ ಅನ್ನು ವೈಜೆಡ್ಎಫ್-ಆರ್15 ವಿ3.0 ಬೈಕಿಗೆ ಹೋಲಿಸಿದರೆ ದೊಡ್ಡ ವ್ಯತ್ಯಾಸವೆಂದರೆ ಸ್ಪ್ಲಿಟ್ ಟೈಪ್ ಸೀಟ್ ಸೆಟಪ್ ಅನ್ನು ಸಿಂಗಲ್-ಪೀಸ್ ಯೂನಿಟ್ ಪರವಾಗಿ ಡಿಚ್ ಮಾಡಲಾಗಿದೆ ಮತ್ತು ಇದನ್ನು ರೇಸಿಂಗ್ ಬ್ಲೂ ಎಂಬ ಒಂದೇ ಬಣ್ಣದಲ್ಲಿ ನೀಡಲಾಗಿದೆ.

ಹೊಸ ಯಮಹಾ ಟಿಮ್ಯಾಕ್ಸ್ ಮ್ಯಾಕ್ಸಿ ಸ್ಕೂಟರ್ ಹಾರ್ಡ್‌ವೇರ್ ಕಾನ್ಫಿಗರೇಶನ್‌ಗಳಿಗೆ ಕೆಲವು ಟ್ವೀಕ್‌ಗಳನ್ನು ಮಾಡಲಾಗಿದೆ ಎಂದು ಅದು ಹೇಳಿದೆ. ಯಮಹಾ ಟಿಮ್ಯಾಕ್ಸ್ ಮ್ಯಾಕ್ಸಿ ಸ್ಕೂಟರ್ ಸಸ್ಪೆಂಕ್ಷನ್ ಸೆಟಪ್ ಬಗ್ಗೆ ಹೇಳುವುದಾದರೆಮ್ ಮುಂಭಾಗದಲ್ಲಿ ಹೊಸ 41 ಎಂಎಂ ಯುಎಸ್ಡಿ ಫೋರ್ಕ್‌ಗಳು ಮತ್ತು ಹಿಂಭಾಗದಲ್ಲಿ ಸಿಂಗಲ್ ಶಾಕ್ ಸೆಟಪ್ ಡ್ಯಾಂಪಿಂಗ್ ಮಾಡುತ್ತದೆ. ಇನ್ನು ಪ್ರಮುಖವಾಗಿ ಬ್ರೇಕಿಂಗ್ ಸಿಸ್ಟಂ ಬಗ್ಗೆ ಹೇಳುವುದಾದರೆ, ಮುಂಭಾಗದಲ್ಲಿ 262 ಡಿಸ್ಕ್ ಮತ್ತು 282 ಎಂಎಂ ಡಿಸ್ಕ್‌ಗಳು ಡ್ಯುಯಲ್-ಚಾನೆಲ್ ABS ನಿಂದ ಪೂರಕವಾಗಿರುತ್ತವೆ.