Just In
- 32 min ago ಭೂಮಿಯ ಸ್ವರ್ಗ: 1.50 ಕೋಟಿಯ ಟೊಯೊಟಾ ವೆಲ್ಫೈರ್ಗೆ ಮನಸೋತ ಖ್ಯಾತ ನಟ.. ಈ ಕಾರಿನಲ್ಲಿ ಏನಿದೆ?
- 32 min ago ಬರಲಿದೆ ಮತ್ತೊಂದು ಫ್ಯಾಮಿಲಿ ಎಲೆಕ್ಟ್ರಿಕ್ ಸ್ಕೂಟರ್: ಕಡಿಮೆ ಖರ್ಚಿನಲ್ಲಿ ಓಡಾಡಬಹುದು!
- 47 min ago ಮಾರುತಿ ಸ್ವಿಫ್ಟ್ ಖರೀದಿಸುತ್ತಿದ್ದೀರಾ? ಸ್ವಲ್ಪ ಕಾಯಿರಿ... ಹೊಸ ಸ್ವಿಫ್ಟ್ ಬರುತ್ತಿದೆ! 35 ಕಿ.ಮೀ ಮೈಲೇಜ್
- 1 hr ago ನಟಿ ಶಿಲ್ಪಾ ಶೆಟ್ಟಿಗೆ ಮತ್ತೊಂದು ಸಮಸ್ಯೆ ತಂದಿಟ್ಟ ಪತಿ: ಐಷಾರಾಮಿ ಕಾರುಗಳು ಸೀಜ್!
Don't Miss!
- News Lok Sabha Election: ಮತದಾನದ ದಿನ ಬಸ್ಗಳ ಟಿಕೆಟ್ ದರ ಹೆಚ್ಚಳ ಮಾಡದಂತೆ ಸೂಚನೆ
- Technology OnePlus: ಒನ್ಪ್ಲಸ್ 13 ಸ್ಮಾರ್ಟ್ಫೋನ್ ಡಿಸ್ಪ್ಲೇ, ವಿನ್ಯಾಸ ಲೀಕ್!..ಯಾವಾಗ ಲಾಂಚ್?
- Movies ತಾತನಿಗೆ ಧನ್ಯಾ ರಾಮ್ಕುಮಾರ್ ಟ್ರಿಬ್ಯೂಟ್; ಕಿಶನ್ ಜೊತೆ ಡ್ಯುಯೆಟ್
- Sports RCB: ಯುಜ್ವೇಂದ್ರ ಚಹಾಲ್ ಮರಳಿ ಬರುವಂತೆ ಬೇಡಿಕೊಳ್ಳಿ; ಆರ್ಸಿಬಿಗೆ ಸಲಹೆ ನೀಡಿದ ರಾಬಿನ್ ಉತ್ತಪ್ಪ
- Lifestyle ಗರಿ ಗರಿಯಾದ ಕೋಡುಬಳೆ ಮನೆಯಲ್ಲೇ ಮಾಡಿ.! 4 ವಸ್ತು ಇದ್ದರೆ ಸಾಕು
- Finance ಝಿಲಿಂಗೋನ ಸಹ-ಸಂಸ್ಥಾಪಕ ಹಾಗೂ ಮಾಜಿ ಸಿಒಒ ವಿರುದ್ಧ ಲೈಂಗಿಕ ಕಿರುಕುಳ ಕೇಸ್ ದಾಖಲಿಸಿದ ಅಂಕಿತಿ ಬೋಸ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
Auto Expo 2023: ಯುವಕರ ಹಾಟ್ ಫೆವರೇಟ್ 'ಬಜಾಜ್ ಪಲ್ಸರ್ NS160' ಫ್ಲೆಕ್ಸ್ ಫ್ಯುಯೆಲ್ ಅನಾವರಣ
ಬಜಾಜ್ ಆಟೋ, ಯುವಕರ ಫೆವರೇಟ್ ಬೈಕ್ 'ಪಲ್ಸರ್ NS160 ಫ್ಲೆಕ್ಸ್ ಫ್ಯುಯೆಲ್ ಅನ್ನು ದೆಹಲಿಯ ಆಟೋ ಎಕ್ಸ್ಪೋದಲ್ಲಿ ಪ್ರದರ್ಶಿಸಿದೆ. ಈ ಬೈಕ್ ಅನಾವರಣದೊಂದಿಗೆ ಕಂಪನಿಯು ಫ್ಲೆಕ್ಸ್ ಫ್ಯುಯೆಲ್ ವಿಭಾಗವನ್ನು ಪ್ರವೇಶಿಸಿದೆ. ಹೊಸ ಪಲ್ಸರ್ NS160 ಫ್ಲೆಕ್ಸ್ ಫ್ಯುಯೆಲ್ ಬಗ್ಗೆ ಹೆಚ್ಚಿನ ವಿವರ ತಿಳಿಯೋಣ ಬನ್ನಿ..
ಬಜಾಜ್ ಪಲ್ಸರ್ NS160 ಭಾರತೀಯ ಮಾರುಕಟ್ಟೆಯಲ್ಲಿ ಹೆಚ್ಚು ಮಾರಾಟವಾಗುವ ಬೈಕ್ಗಳಲ್ಲಿ ಒಂದಾಗಿದ್ದು, ಇದೀಗ ಈ ಬೈಕ್ ನ ಫ್ಲೆಕ್ಸ್ ಫ್ಯುಯೆಲ್ ಮಾದರಿಯನ್ನು ಅನಾವರಣ ಮಾಡಲಾಗಿದೆ. ಇದು ಅದರ ಸ್ಟ್ಯಾಂಡರ್ಡ್ ಮಾದರಿಗೆ ಬಹುತೇಕ ಹೋಲುತ್ತದೆ ಎಂದು ಹೇಳಬಹುದು. ಈ ಫ್ಲೆಕ್ಸ್ ಫ್ಯುಯೆಲ್ ಮೋಟಾರ್ಸೈಕಲ್ ಎಥೆನಾಲ್ ಆಧಾರಿತ ಫ್ಯುಯೆಲ್ (E20 ರಿಂದ E85: ಅಂದರೆ, ಎಥೆನಾಲ್ ಹಾಗೂ ಪೆಟ್ರೋಲ್) ಮೂಲಕ ಚಲಿಸಲಿದ್ದು, ಇದು ಉತ್ತಮ ಕಾರ್ಯಕ್ಷಮತೆ ಹೊಂದಿರಲಿದೆ.
ಬಜಾಜ್ ಪಲ್ಸರ್ NS160 ಫ್ಲೆಕ್ಸ್ ಫ್ಯುಯೆಲ್ ಬೈಕ್, 160.37 ಸಿಸಿ, 4 ಸ್ಟ್ರೋಕ್ ಏರ್ ಕೂಲ್ಡ್ ಎಂಜಿನ್ ಹೊಂದಿದ್ದು, ಇದು 7,000 rpm ನಲ್ಲಿ 14.6 bhp ಗರಿಷ್ಠ ಪವರ್ ಮತ್ತು 8,500 rpm ನಲ್ಲಿ 12.5 Nm ಪೀಕ್ ಟಾರ್ಕ್ ಉತ್ಪಾದಿಸುತ್ತದೆ. ಈ ಬೈಕ್ ಅನ್ನು 5 ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ನೊಂದಿಗೆ ಜೋಡಿಸಲಾಗಿದ್ದು, ಈ ಬೈಕಿನ ಫ್ಯುಯೆಲ್ ಟ್ಯಾಂಕ್ ಸಾಮರ್ಥ್ಯವು 12 ಲೀಟರ್ ವರೆಗೆ ಇರುತ್ತದೆ. ಹಾಗಾಗಿ, ಲಾಂಗ್ ರೈಡ್ ಮಾಡಲು ಬಯಸುವವರಿಗೆ ಇದು ತುಂಬಾ ಸೂಕ್ತವಾಗಿರುವ ಬೈಕ್.
ಬಜಾಜ್ ಪಲ್ಸರ್ NS160 ಫ್ಲೆಕ್ಸ್ ಫ್ಯುಯೆಲ್ ಬೈಕ್ ನ ಸುತ್ತಳತೆಯ ಬಗ್ಗೆ ಹೇಳುವುದಾದರೆ, ಇದು 2017 ಎಂಎಂ ಉದ್ದ, 804 ಎಂಎಂ ಅಗಲ, 1060 ಎಂಎಂ ಎತ್ತರ ಮತ್ತು 1372 ಎಂಎಂ ವ್ಹೀಲ್ಬೇಸ್ ಅನ್ನು ಹೊಂದಿದೆ. ಗ್ರೌಂಡ್ ಕ್ಲಿಯರೆನ್ಸ್ ವಿಚಾರಕ್ಕೆ ಬಂದರೆ, ಪಲ್ಸರ್ NS 160 ಫ್ಲೆಕ್ಸ್ ಫ್ಯುಯೆಲ್ ಮೋಟಾರ್ ಸೈಕಲ್ 180 ಎಂಎಂ ಗ್ರೌಂಡ್ ಕ್ಲಿಯರೆನ್ಸ್ ಹೊಂದಿದೆ. ಈ ಬೈಕ್ನ ಒಟ್ಟು ತೂಕ ಬರೋಬ್ಬರಿ 301 ಕೆಜಿ ವರೆಗೆ ಇದೆ.
ಆಕರ್ಷಕ ಲುಕ್ ಹೊಂದಿರುವ ಈ ಬೈಕ್ ಯುವಕರು ಲೈಕ್ ಮಾಡಬಹುದು. ಇದು 12 ಲೀಟರ್ ಸಾಮರ್ಥ್ಯದ ಇಂಧನ ಟ್ಯಾಂಕ್ ಅನ್ನು ಹೊಂದಿದ್ದು, ಡಿಸೈನ್ ವಿಚಾರದಲ್ಲಿ ಈ ನೂತನ ಬೈಕ್, ಸ್ಟ್ಯಾಂಡರ್ಡ್ ಮಾದರಿಯನ್ನು ಹೋಲುತ್ತದೆ ಎಂದು ಹೇಳಬಹುದು. ಇದರ ವೈಶಿಷ್ಟ್ಯಗಳು ಸಹ ದೇಶೀಯ ಮಾರುಕಟ್ಟೆಯಲ್ಲಿ ಖರೀದಿಗೆ ಲಭ್ಯವಿರುವ ಸ್ಟ್ಯಾಂಡರ್ಡ್ ಮಾದರಿಯಂತೆಯೇ ಇರುತ್ತದೆ. ಹೆಚ್ಚು ಬದಲಾಗಿರುವಂತೆ ಕಾಣುತ್ತಿಲ್ಲ. ಇದರಿಂದಾಗಿ ನೋಡಲು ಹಿಂದಿನ ಪಲ್ಸರ್ NAS160 ಬೈಕ್ ನಂತೆಯೇ ಕಾಣುತ್ತದೆ.
ಬಜಾಜ್ ಪಲ್ಸರ್ ಎನ್ಎಸ್160 ಫ್ಲೆಕ್ಸ್ ಫ್ಯುಯೆಲ್ ಬೈಕ್ನ ಕಾರ್ಯಕ್ಷಮತೆ ಮತ್ತು ಮೈಲೇಜ್ ಬಗ್ಗೆ ಕಂಪನಿಯು ಈವರೆಗೆ ಯಾವುದೇ ಅಧಿಕೃತ ಮಾಹಿತಿಯನ್ನು ಬಹಿರಂಗಪಡಿಸಲ್ಲ. ಶೀಘ್ರದಲ್ಲೇ ಬಜಾಜ್ ಈ ಬೈಕಿನ ಕುರಿತಂತೆ ಹೆಚ್ಚಿನ ವಿವರ ನೀಡಬಹುದು. ಸುಜುಕಿ Gixxer 250 ಫ್ಲೆಕ್ಸ್ ಫ್ಯುಯೆಲ್ ಮತ್ತು ಹೋಂಡಾ XRE 300 ಫ್ಲೆಕ್ಸ್ ಫ್ಯುಯೆಲ್ ನಂತಹ ಇತರೆ ಫ್ಲೆಕ್ಸ್ ಫ್ಯೂಯೆಲ್ ಮಾದರಿಗಳನ್ನು ದೆಹಲಿ ಆಟೋ ಎಕ್ಸ್ಪೋದಲ್ಲಿ ಅನಾವರಣ ಮಾಡಲಾಗಿದೆ.
ಸದ್ಯ ಭಾರತೀಯ ಮಾರುಕಟ್ಟೆಯಲ್ಲಿ ಬಜಾಜ್ ಪಲ್ಸರ್ NS160 ಒಂದು ರೂಪಾಂತರದಲ್ಲಿ ಖರೀದಿಗೆ ಲಭ್ಯವಿದ್ದು, ರೂ.1,25,114 (ಎಕ್ಸ್ ಶೋ ರೂಂ ದೆಹಲಿ) ಬೆಲೆಯನ್ನು ಹೊಂದಿದೆ. ಇದು ಮೆಟಾಲಿಕ್ ಪರ್ಲ್ ವೈಟ್, ಬರ್ನ್ಟ್ ರೆಡ್, ಸ್ಯಾಟಿನ್ ಬ್ಲೂ ಮತ್ತು ಪ್ಯೂಟರ್ ಗ್ರೇ ಬಣ್ಣಗಳ ಆಯ್ಕೆಯಲ್ಲಿ ದೊರೆಯಲಿದೆ. ಪಲ್ಸರ್ NS160, 160.3 ಸಿಸಿ ಏರ್-/ಆಯಿಲ್-ಕೂಲ್ಡ್ ಎಂಜಿ ಹೊಂದಿದ್ದು, 9,000 rpmನಲ್ಲಿ 17.2 PS ಗರಿಷ್ಠ ಪವರ್ 7250 rpmನಲ್ಲಿ 14.6 Nm ಪೀಕ್ ಟಾರ್ಕ್ ಉತ್ಪಾದಿಸಲಿದ್ದು, 5-ಸ್ಪೀಡ್ ಗೇರ್ಬಾಕ್ಸ್ಗೆ ಜೋಡಿಸಲಾಗಿದೆ.
ಪಲ್ಸರ್ NS160, ಪೈಲಟ್ ಲ್ಯಾಂಪ್ಗಳೊಂದಿಗೆ ಹ್ಯಾಲೊಜೆನ್ ಹೆಡ್ಲ್ಯಾಂಪ್, ಸೆಮಿ - ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಪಡೆದಿದೆ. ಎತ್ತರಿಸಿದ ಕ್ಲಿಪ್-ಆನ್ ಹ್ಯಾಂಡಲ್ಬಾರ್ಗಳು, ಸ್ಪ್ಲಿಟ್ ಸೀಟ್ನ್ನು ಹೊಂದಿದ್ದು, ಸಿಂಗಲ್-ಚಾನೆಲ್ ABSನೊಂದಿಗೆ ಖರೀದಿಗೆ ಲಭ್ಯವಿದ್ದು, ದೇಶೀಯ ಮಾರುಕಟ್ಟೆಯಲ್ಲಿ ದೊರೆಯುವ ಟಿವಿಎಸ್ ಅಪಾಚೆ RTR 160 4V, ಸುಜುಕಿ Gixxer, ಯಮಹಾ FZ-S V3, ಮತ್ತು ಹೀರೋ Xtreme 160Rಗೆ ಬಜಾಜ್ ಪಲ್ಸರ್ NS160 ಭಾರೀ ಪೈಪೋಟಿ ನೀಡಲಿದೆ ಎಂದು ಹೇಳಬಹುದು.