ಆಕರ್ಷಕ ಬೆಲೆಯಲ್ಲಿ ಹೋಂಡಾ ಎಲೆಕ್ಟ್ರಿಕ್ ಸ್ಕೂಟರ್‌ಗಳು ಬಿಡುಗಡೆ ಸಾಧ್ಯತೆ: ನಂ.1 ಪಟ್ಟದ ಮೇಲೆ ಕಣ್ಣು

ಜನಪ್ರಿಯ ದ್ವಿಚಕ್ರ ತಯಾರಕ ಕಂಪನಿಯಾದ ಹೋಂಡಾ ಮೋಟಾರ್‌ಸೈಕಲ್ ಭಾರತದಲ್ಲಿ ಪೇಟೆಂಟ್ ಸಲ್ಲಿಸಿದ್ದಾರೆ. ಹೋಂಡಾ ಕಂಪನಿಯು ಇತ್ತೀಚೆಗೆ ದೇಶದಲ್ಲಿ CBR250RR ಮತ್ತು CL300 ಗಾಗಿ ಪೇಟೆಂಟ್‌ಗಳನ್ನು ಸಲ್ಲಿಸಿದ್ದಾರೆ. ಈಗ ಭಾರತದಲ್ಲ್ ಎರಡು ಎಲೆಕ್ಟ್ರಿಕ್ ಸ್ಕೂಟರ್‌ಗಳನ್ನು ಪೇಟೆಂಟ್ ಮಾಡಿದ್ದಾರೆ. ಈ ಮೂಲಕ ಭಾರತದಲ್ಲಿ ಹೊಸ ಸಂಚಲನವನ್ನು ಮೂಡಿಸಿದ್ದಾರೆ.

ಹೋಂಡಾ ಕಂಪನಿಯು Dax e: ಮತ್ತು Zoomer e: ಎಂದು ಕರೆಯಲಾಗುವ, ಸ್ಕೂಟರ್‌ಗಳು ಅದೇ ಜನಪ್ರಿಯ ಪೆಟ್ರೋಲ್-ಚಾಲಿತ ಆವೃತ್ತಿಗಳ ಆಧುನಿಕ ಮತ್ತು ಎಲೆಕ್ಟ್ರಿಕ್ ಚಿತ್ರಣಗಳಾಗಿವೆ. ಎರಡು ಗಾತ್ರದಲ್ಲಿ ಚಿಕ್ಕದಾಗಿದೆ ಮತ್ತು ಬಾಷ್ ಹಬ್ ಮೋಟಾರ್‌ನೊಂದಿಗೆ ಬರುತ್ತವೆ, ಇದು 80 ಕಿಮೀ ರೇಂಜ್ ಅನ್ನು ನೀಡುತ್ತದೆ. ಇನ್ನು ಈ ಹೊಸ ಎರಡೂ ಎಲೆಕ್ಟ್ರಿಕ್ ಸ್ಕೂಟರ್ ಗಳು 25 ಕಿ.ಮೀ ಸ್ಪೀಡ್ ಅನ್ನು ಹೊಂರಿರಬಹುದು ಎಂದು ಹೇಳಲಾಗುತ್ತಿದೆ.

ಭಾರತದಲ್ಲಿ Ather 450, Ola S1 ಅಥವಾ TVS iQube ನಂತಹ ಸ್ಕೂಟರ್ ಗಳಿಗೆ ಪೈಪೋಟಿ ನೀಡಿದಿದ್ದರೂ, ಹೋಂಡಾದ ಈ ಎಲೆಕ್ಟ್ರಿಕ್ ಸ್ಕೂಟರ್‌ಗಳು ಯೋಗ್ಯವಾದ B2B ಕೊಡುಗೆಯಾಗಿರಬಹುದು. ವೈಶಿಷ್ಟ್ಯಗಳಿಗೆ ಸಂಬಂಧಿಸಿದಂತೆ, Honda Dax e: ಮತ್ತು Zoomer e: ಹೆಡ್‌ಲ್ಯಾಂಪ್‌ಗಾಗಿ LED ಲೈಟಿಂಗ್, LCD ಉಪಕರಣ ಮತ್ತು ಎರಡೂ ತುದಿಗಳಲ್ಲಿ ಡಿಸ್ಕ್ ಬ್ರೇಕ್‌ಗಳಂತಹ ಆಧುನಿಕ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ.

ಹೋಂಡಾ ಎಲೆಕ್ಟ್ರಿಕ್ ಸ್ಕೂಟರ್‌ಗಳನ್ನು ಬಿಡುಗಡೆ ಮಾಡುತ್ತದೆಯೇ ಅಥವಾ ಇಲ್ಲವೇ ಎಂಬುದು ಇನ್ನೂ ಕೂಡ ಖಚಿತವಾಗಿಲ್ಲ. ಇನ್ನು ಹೋಂಡಾ ಮೋಟಾರ್‌ಸೈಕಲ್ ಮತ್ತು ಸ್ಕೂಟರ್ ಇಂಡಿಯಾ ಕಂಪನಿಯು 2024 ರ ವೇಳೆಗೆ ದೇಶದಲ್ಲಿ ಎಲೆಕ್ಟ್ರಿಕ್ ಆಕ್ಟಿವಾವನ್ನು ಬಿಡುಗಡೆ ಮಾಡಲು ಸಜ್ಜಾಗುತ್ತಿದೆ. ಈ ಹೊಸ ಆಕ್ಟಿವಾ ಎಲೆಕ್ಟ್ರಿಕ್ ಸ್ಕೂಟರ್ ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾದ ಬಳಿಕ ಸುಜುಕಿ ಇ-ಬರ್ಗ್‌ಮ್ಯಾನ್ ಎಲೆಕ್ಟ್ರಿಕ್ ಸ್ಕೂಟರ್ ಗಳಿಗೆ ಪೈಪೋಟಿ ನೀಡುತ್ತದೆ.

ಇನ್ನು ದ್ವಿಚಕ್ರ ವಾಹನಗಳಲ್ಲಿ ಸವಾರರ ಸುರಕ್ಷತೆಗಾಗಿ ಯಾವುದೇ ಏರ್ ಬ್ಯಾಗ್ ಗಳು ಇರುವುದಿಲ್ಲ. ಆದರೆ ಇದೀಗ ಹೋಂಡಾ ಕಂಪನಿಯು ದ್ವಿಚಕ್ರ ವಾಹನಗಳಿಗಾಗಿ ಏರ್‌ಬ್ಯಾಗ್‌ಗಳನ್ನು ಅಭಿವೃದ್ಧಿಪಡಿಸುತ್ತಿದೆ. ಹೋಂಡಾ ಕಂಪನಿಯು ಸಲ್ಲಿಸಿದ ಇತ್ತೀಚಿನ ವಿನ್ಯಾಸದ ಪೇಟೆಂಟ್‌ಗಳು ಜಪಾನಿನ ದೈತ್ಯ ಮೋಟಾರ್‌ಸೈಕಲ್ ಏರ್‌ಬ್ಯಾಗ್‌ಗಳನ್ನು ಅಭಿವೃದ್ಧಿಪಡಿಸುವುದರ ಬಗ್ಗೆ ಮಾಹಿತಿ ತಿಳಿಸುತ್ತದೆ. ಏರ್‌ಬ್ಯಾಗ್‌ ಸವಾರನ ತಬ್ಬಿಕೊಂಡ ರೀತಿಯಲ್ಲಿ ಸುತ್ತಲೂ ಸುತ್ತಿಕೊಳ್ಳುತ್ತದೆ.

ನಂತರ ವಾಹನದಿಂದ ಬೇರ್ಪಡುತ್ತದೆ. ಹೋಂಡಾ ದ್ವಿಚಕ್ರ ವಾಹನಗಳಲ್ಲಿ ಏರ್‌ಬ್ಯಾಗ್ ತಂತ್ರಜ್ಞಾನದ ಪ್ರವರ್ತಕವಾಗಿದೆ, 2006 ರಿಂದ ಹೋಂಡಾ ಕಂಪನಿಯು ತನ್ನ ಗೋಲ್ಡ್ ವಿಂಗ್ ಟೂರರ್ ಬೈಕಿನ ಮುಂಭಾಗದ ಏರ್‌ಬ್ಯಾಗ್ ಅನ್ನು ನೀಡುತ್ತಿದೆ. ಅಂದಿನಿಂದ ಒಂದೂವರೆ ದಶಕಗಳಲ್ಲಿ, ಈ ತಂತ್ರಜ್ಞಾನವು ನಿಜವಾಗಿಯೂ ಮುಖ್ಯವಾಹಿನಿಗೆ ಪ್ರವೇಶಿಸಲಿಲ್ಲ. ಹೋಂಡಾ ಗೋಲ್ಡ್ ವಿಂಗ್ ಈಗಲೂ ಏರ್ ಬ್ಯಾಗ್ ಹೊಂದಿರುವ ಏಕೈಕ ಬೈಕ್ ಆಗಿದೆ.

ತೀರಾ ಇತ್ತೀಚೆಗೆ, ಆದರೂ, ಹೋಂಡಾದ ಪೇಟೆಂಟ್ ಫೈಲಿಂಗ್‌ಗಳಿಂದ ಬಹಿರಂಗವಾದ ಮಾಹಿತಿಯ ಪ್ರಕಾರ, ಏರ್‌ಬ್ಯಾಗ್‌ ತಂತ್ರಜ್ಙಾನವನ್ನು ಮುಂದಿನ ಹಂತಕ್ಕೆ ಕೊಂಡ್ಯೊಯಲು ಸಿದ್ಧವಾಗುತ್ತಿದೆ. ಸ್ಕೂಟರ್‌ಗಳಲ್ಲಿ ಮುಂಭಾಗದ ಏರ್‌ಬ್ಯಾಗ್‌ಗಳಿಗಾಗಿ ಹೋಂಡಾ ಭಾರತದಲ್ಲಿಯೇ ಸಲ್ಲಿಸಿದ ವಿನ್ಯಾಸದ ಪೇಟೆಂಟ್ ಇತ್ತೀಚೆಗೆ ಬಹಿರಂಗವಾಗಿತ್ತು. ಈಗ, ಹೊಸ ಫೈಲಿಂಗ್‌ಗಳು ಹೊರಹೊಮ್ಮಿವೆ. ಅದು ಡಿಟ್ಯಾಚೇಬಲ್ ಏರ್‌ಬ್ಯಾಗ್ ಪರಿಕಲ್ಪನೆಯನ್ನು ತೋರಿಸುತ್ತದೆ. ಹೆಚ್ಚಿನ ಏರ್‌ಬ್ಯಾಗ್ ಸಿಸ್ಟಂಗಳಂತೆ, ಇದು ಅಪಘಾತದ ಸಂದರ್ಭದಲ್ಲಿ ಏರ್‌ಬ್ಯಾಗ್ ಅನ್ನು ತ್ವರಿತವಾಗಿ ತುಂಬಲು ಒತ್ತಡದ ಅನಿಲದ ಡಬ್ಬಿಯನ್ನು ಬಳಸುತ್ತದೆ.

ಅದು ಉಬ್ಬಿದಾಗ, ಅದು ಸವಾರನ ಸುತ್ತ ಸುತ್ತುತ್ತದೆ, ಅವರ ಎದೆ ಮತ್ತು ಬೆನ್ನಿಗೆ ರಕ್ಷಣೆ ನೀಡುತ್ತದೆ. ಏರ್ ಬ್ಯಾಗ್ ಶಾಖವನ್ನು ಬಳಸಿ ಮುಚ್ಚಲಾಗುತ್ತದೆ ಮತ್ತು ನಂತರ ವಾಹನದಿಂದ ಬೇರ್ಪಡುತ್ತದೆ. ಇನ್ನು ಏರ್‌ಬ್ಯಾಗ್ ಅನ್ನು ಎರಡು ಪ್ರಮುಖ ವಿನ್ಯಾಸಗಳ ಶೈಲಿಯಲ್ಲಿ ಅಭಿವೃದ್ಧಿ ಹಂತದಲ್ಲಿವೆ. ಮೊದಲನೆಯದು ಸೀಟು ಮುಂಭಾಗದಲ್ಲಿ, ಸವಾರನ ಕಾಲುಗಳ ನಡುವೆ ಏರ್‌ಬ್ಯಾಗ್ ಸಿಸ್ರಂ ಅನ್ನು ಹೊಂದಿದೆ. ಅಲ್ಲಿಂದ ಏರ್‌ಬ್ಯಾಗ್ ಉಬ್ಬಿಕೊಳ್ಳುತ್ತದೆ ಮತ್ತು ಸವಾರನ ಸುತ್ತ ಸುತ್ತುತ್ತದೆ.