ಹೊಸ ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್ 452 Vs KTM 390 ಅಡ್ವೆಂಚರ್ ಎಕ್ಸ್: ತ್ವರಿತ ಹೋಲಿಕೆ

ರಾಯಲ್ ಎನ್‌ಫೀಲ್ಡ್ ಹೊಸ ಹಿಮಾಲಯನ್ 452 ಮೋಟಾರ್‌ಸೈಕಲ್ ಭಾರತದಲ್ಲಿ ಬಿಡುಗಡೆಯಾಗಿದೆ. ಈ ಹೊಸ-ಪೀಳಿಗೆಯ ಹಿಮಾಲಯನ್ ಮೋಟಾರ್‌ಸೈಕಲ್ ರಾಯಲ್ ಎನ್‌ಫೀಲ್ಡ್ ಅಡ್ವೆಂಚರ್ ವಿಭಾಗದಲ್ಲಿ ಅಗ್ರಸ್ಥಾನದಲ್ಲಿ ನಿಲ್ಲುತ್ತದೆ. ಹಾಗಾದ್ರೆ ಇದರ ನೇರ ಪ್ರತಿಸ್ಪರ್ಧಿಯಾದ KTM 390 ಅಡ್ವೆಂಚರ್‌ಗೆ ಹೋಲಿಕೆ ಮಾಡೋಣ.

ರಾಯಲ್ ಎನ್‌ಫೀಲ್ಡ್ ಹೊಸ ಹಿಮಾಲಯನ್ ಮೋಟಾರ್‌ಸೈಕಲ್‌ನ ವಿಶೇಷತೆಗಳನ್ನು ಈಗಾಗಲೇ ಬಹಿರಂಗಪಡಿಸಿದೆ. ಹಾಗಾಗಿಯೇ ಈ ಹೊಸ ಮೋಟಾರ್‌ಸೈಕಲ್‌ ಅನ್ನು KTM 390 ಅಡ್ವೆಂಚರ್ ಎಕ್ಸ್ ಮೋಟಾರ್‌ಸೈಕಲ್‌ಗೆ ತೀರಾ ಹತ್ತಿರದ ಪ್ರತಿಸ್ಪರ್ಧಿಯೆಂದು ಹೇಳಲಾಗುತ್ತಿದೆ. ಇವೆರಡರ ಪವರ್, ಫೀಚರ್ಸ್, ಬೆಲೆ, ಎಂಜಿನ್ ವಿಶೇಷತೆಗಳ ನಡುವಿನ ವ್ಯತ್ಯಾಸವನ್ನು ಇಲ್ಲಿ ನೋಡೋಣ.

ವಿನ್ಯಾಸ: ಹೊಸ ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್ ರೆಟ್ರೊ ಲುಕ್‌ನಲ್ಲಿ ಕಾಣುವ ವಿನ್ಯಾಸ ಅಂಶಗಳನ್ನು ಹೊಂದಿರುವ ಸರಳ ಮೋಟಾರ್‌ಸೈಕಲ್ ಆಗಿದೆ. ಅಲ್ಲದೆ, ಸದ್ಯ ಮಾರಾಟದಲ್ಲಿರುವ ಹಿಮಾಲಯನ್ ಮೋಟಾರ್‌ಸೈಕಲ್‌ನ ನವೀಕೃತ ವಿಕಾಸದಂತೆ ಕಾಣುತ್ತದೆ. ಹಾಗೆಯೇ KTM 390 ಅಡ್ವೆಂಚರ್ X ನೋಡುವುದಾದ್ರೆ, ಅದರ ತೀಕ್ಷ್ಣವಾದ ಹರಿತವಾದ ವಿನ್ಯಾಸ ಮತ್ತು ಗಾಢವಾದ ಬಣ್ಣಗಳೊಂದಿಗೆ ಸಂಪೂರ್ಣವಾಗಿ ಆಧುನಿಕವಾಗಿ ಹಾಗೂ ಸಾಕಷ್ಟು ಆಕ್ರಮಣಕಾರಿಯಾಗಿ ಕಾಣುತ್ತದೆ.

ಪವರ್‌ಟ್ರೇನ್: ಈ ಹೊಸ ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್ 450 ಹೊಸ 452 ಸಿಸಿ ಲಿಕ್ವಿಡ್ ಕೂಲ್ಡ್ DOHC ಸಿಂಗಲ್ ಸಿಲಿಂಡರ್ ಎಂಜಿನ್‌ನೊಂದಿಗೆ ಬಂದಿದೆ. ಈ ಎಂಜಿನ್ 40 bhp ಪವರ್ ಮತ್ತು 40 Nm ಟಾರ್ಕ್ ಉತ್ಪಾದಿಸಲು ಎಂಜಿನ್ ಅನ್ನು ಟ್ಯೂನ್ ಮಾಡಲಾಗಿದೆ. ಈ ಎಂಜಿನ್ ಅನ್ನು 6 ಸ್ಪೀಡ್ ಗೇರ್ ಬಾಕ್ಸ್ ನೊಂದಿಗೆ ಜೋಡಿಸಲಾಗಿದೆ.

ಹೊಸ KTM 390 ಅಡ್ವೆಂಚರ್ ಎಕ್ಸ್ 373.2cc, ಸಿಂಗಲ್-ಸಿಲಿಂಡರ್, ಲಿಕ್ವಿಡ್-ಕೂಲ್ಡ್, DOHC ಎಂಜಿನ್‌ನಿಂದ 9,000rpm ನಲ್ಲಿ 42.3bhp ಪವರ್ ಮತ್ತು 7,000rpm ನಲ್ಲಿ 37Nm ಪೀಕ್ ಟಾರ್ಕ್ ಅನ್ನು ಹೊರಹಾಕುತ್ತದೆ. ಈ ಎಂಜಿನ್ ಅನ್ನು ಸ್ಲಿಪ್ ಮತ್ತು ಅಸಿಸ್ಟ್ ಕ್ಲಚ್‌ನೊಂದಿಗೆ 6 ಸ್ಪೀಡ್ ಗೇರ್‌ಬಾಕ್ಸ್‌ನೊಂದಿಗೆ ಜೋಡಿಸಲಾಗಿದೆ.

ವೈಶಿಷ್ಟ್ಯಗಳು: ವೈಶಿಷ್ಟ್ಯಗಳ ವಿಷಯಕ್ಕೆ ಬಂದರೆ, ಹೊಸ-ಜನ್ ಹಿಮಾಲಯನ್ ಇಲ್ಲಿಯವರೆಗಿನ ಅತ್ಯುತ್ತಮ-ಸುಸಜ್ಜಿತ ರಾಯಲ್ ಎನ್‌ಫೀಲ್ಡ್ ಮೋಟಾರ್‌ಸೈಕಲ್‌ಗಳಲ್ಲಿ ಒಂದಾಗಿದೆ. ಉದಾಹರಣೆಗೆ ಹೊಸ ವೃತ್ತಾಕಾರದ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಆಲ್-ಎಲ್‌ಇಡಿ ಲೈಟಿಂಗ್, ಡ್ಯುಯಲ್-ಚಾನೆಲ್ ಎಬಿಎಸ್ ಸಾಮರ್ಥ್ಯದೊಂದಿಗೆ ಹಿಂಭಾಗದ ABS, ಬ್ಲೂಟೂತ್ ಸಂಪರ್ಕ, ಹೈಟ್-ಅಡ್ಜಸ್ಟಬಲ್ ಸೀಟ್, ಟ್ರಾಕ್ಷನ್ ಕಂಟ್ರೋಲ್ ಮತ್ತು ಹೆಚ್ಚಿನವುಗಳನ್ನು ಹೊಂದಿದೆ.

ಮತ್ತೊಂದೆಡೆ, KTM 390 ಅಡ್ವೆಂಚರ್ X ಮೋಟಾರ್‌ಸೈಕಲ್ ಪ್ರಮಾಣಿತ ಮಾದರಿಗೆ ಹೋಲಿಸಿದರೆ ಕಡಿಮೆ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ. ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಆಲ್-ಎಲ್ಇಡಿ ಲೈಟಿಂಗ್ ಮತ್ತು ಹಿಂಭಾಗದ ಎಬಿಎಸ್ ಅನ್ನು ಆಫ್ ಮಾಡುವ ಸಾಮರ್ಥ್ಯದೊಂದಿಗೆ ಡ್ಯುಯಲ್-ಚಾನೆಲ್ ಎಬಿಎಸ್‌ನಂತಹ ವೈಶಿಷ್ಟ್ಯಗಳನ್ನು ಒಳಗೊಂಡಿರುವ ವೈಶಿಷ್ಟ್ಯಗಳ ಪಟ್ಟಿಯಿಂದಿಗೆ ಬರುತ್ತದೆ.

ಹಾರ್ಡ್‌ವೇರ್: ಹೊಸ ಹಿಮಾಲಯನ್ ಟ್ವಿನ್-ಸ್ಪಾರ್ ಫ್ರೇಮ್ ಅನ್ನು ಬಳಸುತ್ತದೆ, ಮುಂಭಾಗದಲ್ಲಿ ತೆರೆದ ಕಾರ್ಟ್ರಿಡ್ಜ್ ಮಾದರಿಯ USD ಫೋರ್ಕ್‌ಗಳು ಮತ್ತು ಹಿಂಭಾಗದಲ್ಲಿ ಮೊನೊ-ಶಾಕ್ ಘಟಕದಿಂದ ಸಸ್ಪೆನ್ಷನ್ ಸೆಟಪ್ ಅನ್ನು ಹೊಂದಿದೆ. ಇದಲ್ಲದೆ, ಬ್ರೇಕಿಂಗ್ ವಿಷಯಕ್ಕೆ ಬಂದರೆ ಮುಂಭಾಗದಲ್ಲಿ 320 ಎಂಎಂ ಡಿಸ್ಕ್ ಬ್ರೇಕ್ ಘಟಕ ಮತ್ತು ಹಿಂಭಾಗದಲ್ಲಿ 270 ಎಂಎಂ ಡಿಸ್ಕ್ ಬ್ರೇಕ್ ಘಟಕವನ್ನು ಹೊಂದಿದೆ.

ಇತ್ತ KTM 390 ಅಡ್ವೆಂಚರ್ ಎಕ್ಸ್ ಟ್ರೆಲ್ಲಿಸ್ ಫ್ರೇಮ್‌ನೊಂದಿಗೆ ಬರುತ್ತದೆ. ಮುಂಭಾಗದಲ್ಲಿ USD ಫೋರ್ಕ್‌ಗಳು ಮತ್ತು ಹಿಂಭಾಗದಲ್ಲಿ ಮೊನೊ-ಶಾಕ್ ಘಟಕವನ್ನು ಹೊಂದಿದೆ. ಅಲ್ಲದೆ, ಬ್ರೇಕಿಂಗ್ ಅನ್ನು ಮುಂಭಾಗದಲ್ಲಿ 320 ಎಂಎಂ ಡಿಸ್ಕ್ ಬ್ರೇಕ್ ಘಟಕ ಮತ್ತು ಹಿಂಭಾಗದಲ್ಲಿ 230 ಎಂಎಂ ಡಿಸ್ಕ್ ಬ್ರೇಕ್ ಯೂನಿಟ್ ಅನ್ನು ಹೊಂದಿದೆ.